Əfsanəyə vida: ABŞ-ın ən qədim təyyarədaşıyan gəmisi sonuncu xarici səyahətinə çıxır

ABŞ Hərbi Dəniz Qüvvələrində öz sinfinin ən qədim aktiv gəmisi olan Amerikanın nüvə enerjisi ilə işləyən təyyarədaşıyan gəmisi USS Nimitz (CVN-68) istismardan çıxarılmazdan əvvəl sonuncu xarici liman səfərini edəcək.

Moderator.az Forbes - ə istinadla xəbər verir ki, gəmi iyunun 1-də Yamaykanın Kinqston şəhərinə çatacaq və orada "Cənubi Dənizlər 2026" dənizçilik əməkdaşlığı proqramının bir hissəsi olaraq beş gün keçirəcək .

USS Nimitz-in təxminən 52 illik xidmətdən sonra onun 2027-ci ilin mart ayında istismardan çıxarılması planlaşdırılır.

Nimitz gəmisi bu yaz Virciniya ştatının Norfolk şəhərindəki yeni əsas limanına keçid çərçivəsində Vaşinqton ştatının Bremerton şəhərindəki ana limanından yola düşüb. 

ABŞ-ın Yamaykadakı səfirliyinin məlumatına görə, Kingston, çox güman ki, əfsanəvi təyyarədaşıyan gəminin son xarici dayanacaq limanı olacaq. ABŞ-ın Yamaykadakı müvəqqəti işlər vəkili Skott Renner gəminin səfərini "iki ölkə arasında uzunmüddətli tərəfdaşlıqda mühüm mərhələ" adlandırıb.