Britaniyalı deputat Baş naziri vəzifəsindən uzaqlaşdırmaq üçün karyerasından imtina edib

Britaniyalı millət vəkili Coş Saymons Böyük Mançester meri Endi Bernemin Vestminsterə qayıtması və Baş nazir Kir Starmerə meydan oxumasına yol açmaq məqsədilə millət vəkili vəzifəsindən istefa verir.

Moderator.az xəbər verir ki, bu barədə deputat "X" sosial şəbəkə hesabında yazıb.

Meykerfild seçki dairəsini təmsil edən 32 yaşlı siyasətçi seçicilərinə müraciət edərək, xalqı və doğma ölkəsini hər şeydən üstün tutduğunu və buna görə də parlament mandatını güzəştsiz təbiəti, enerjisi və böyük cəsarəti ilə seçilən bir liderə təhvil verdiyini bildirib.

Starmerin istefa verəcəyi təqdirdə, Leyboristlər Partiyası tərəfindən Baş nazir vəzifəsinə ən çox ehtimal olunan namizəd hesab edilən Endi Bernhemdir. 2017-ci ildən bəri Böyük Mançesterə rəhbərlik edən siyasətçi hökumət başçısı vəzifəsinə namizəd olmaq üçün əvvəlcə parlamentə qayıtmalıdır və bunun üçün ona boş bir yer lazımdır.

Qeyd edək ki, yanvar ayında Leyboristlərin milli icra komitəsi onun İcmalar Palatasına əlavə seçkilərdə iştirak etmək cəhdinin qarşısını alıb. İndi isə Saymonun istefası avtomatik olaraq yeni bir əlavə seçkiyə səbəb olur və Bernem yenidən cəhd edə bilər.

56 yaşlı siyasətçinin özü artıq milli icra komitəsindən Meykerfild seçki dairəsində namizədliyini irəli sürmək üçün təsdiq almaq niyyətini təsdiqləyib və Leyboristlər Partiyasını daha yaxşıya doğru dəyişdirəcəyini və onu seçicilərin bir daha etibar edə biləcəyi bir təşkilata çevirəcəyini vəd edib.