Hüquq müdafiəçisi Vidadi İsgəndərli Ukraynada baş verən inqilabi olayların Azərbaycanda da təkrarlana biləcəyi ehtimalı barədə son günlər cəmiyyətdə və mediada dartışılan fikirlərə Moderator.az-a açıqlamasında münasibət bildirib:
Korrupsiyanın səviyyəsi Azərbaycanda 100 dəfə Ukraynadakından yüksəkdi,xalqın yaşayışı ora ilə müqayisədə 100 dəfə aşağıdı.Azərbaycanda avtoritarizm 100 dəfə Ukraynadan güclüdü. Azərbaycandan fərqli olaraq orada demokratiya qat-qat bizdən çox inkişaf edib.Ukrayna müxalifəti bütün parametrlər üzrə bizim müxalifətdən 1000 dəfə mübariz və güclüdü.Ukrayna xalqı qat-qat Azərbaycan xalqından mübarizdi.Ukrayna xalqının müstəqillik uqrunda mübarizə tarixi bizim mübarizədən cox qədimdi.Mən 12 il Ukraynada təhsil alıb işləmişəm.Orada Maydan hərakatı başlayanda mən bütün dostlara dedim ki, inqilab mütləq olacaq.Bir fakt qeyd edim.Ukrayna millətçiləri (bəzən onlara benderlər deyirlər) 1957-ci ilə qədər meşələrdə müstəqillik uğrunda nəhəng Sovetlər birliyi ilə silahlı mübarizə aparıblar.Sovet hakimiyyəti qurulanda Ukraynada ruslar bilə-bilə acından milyonlarla ukraynalını məhv ediblər.1991-ci ilə qədər (Sovetlər dağılana qədər) Qərbi Ukraynalılar Sovet hakimiyyətini demək olar tanımırdılar.SSRİ təbliğatına baxmayaraq məhz Qərbi Ukraynada şuarlar öz dillərində yazılır,öz dillərində danışıb adət ən-ənələrini qoruyurdular,hətta qızlarını milliyətcə rus olanlara vermirdilər.SSRİ dövründə ruslar (sovetlər) bu dövlətin yarısını ruslaşdıra bildilər.Fikir versəniz məhz həmin reqionlar Yanukoviçi dəstəkləyirdilər.Maydanda döyüşən gənclər vaxtı ilə sovetlər tərəfindən güllənənən insanların nəvə-nəticələri idi.Bu, Ukrayna tarixinə kiçik bir ekskurs idi.Qaldı Azərbaycana.Ukrayna ruslar ücün geosiyasi mənada dəfələrlə Azərbaycandan üstündü.Ukraynanı itirmək Rusiya ücün ölümə bərabər bir məsələdi.Bu səbəbdən onlar Ukraynada hələ çox təxribat edəcəklər.(Hətta dövləti iki yerə bölməyə cəhd edəcəklər.)
Qaldı bəzi siyasətçilərin növbəti inqlabın Azərbaycanda olacağı barədəki proqnozlarına, sözsüz ki, bu proseslər təsirsiz ötüşməyəcək,ancaq inqilab həddinə çatmayacaq.Bir neçə səbəbini yuxarıda göstərdim.Azərbaycan siyasəti və siyasətçiləri deqradasiyaya uqrayıb.Fikir verin bu gün birləşmiş müxalifət yoxdur,müxalifət partiyaları hakimiyyətdən çox biri-birini ittiham etməklə məşğuldur.Azərbaycan Qərb dövlətləri ilə iqtisadi və "digər" maraqları yaxşı qurublar.Faktiki Qərbi təmin edən bütün iqtisadi əlaqələr qurublar, o cümlədən Rusiya ilə münasibətlər qaydasında.Hakimiyyətin diktaturası nəticəsində xalqın əqidəsi,mübarizə əzmi zorlanıb və onun (xalqın) inqilab etmək gücü yoxdur. Bunu dövləti idarə edənlər yaxşı bilir.Baxmayaraq ki,ayrı -ayrı etirazlar olur,Quba ,İsmayıllı,Binə,Basin,Sovetski,Universitet,Razin bazarı.və s.Xalqın mütəşəkilliyi isə yoxdur.Müxalifət bu birliyi qura bilmir,hakimiyyət imkan vermir.Hesab edirəm ki,inqilab növbəsi Rusiyanındı.Əgər Rusiyada inqilab olsa Azərbaycanda inqilaba ehtiyac olmayacaq.Cünki,bu gün ücün Azərbaycan hakimiyyətini 100% Rusiya qoruyur.Ancaq Azərbaycan hakimiyyəti,onun korrupsioner məmurları xalqı bu istiqamətdə incitməyi,haqlarının pozmağı,korrupsiyanı bu templə davam etdirsə Azərbaycanda inqilabi proseslərin tezləşməsinə,küçələrin də xalqın qanına boyanmasına rəvac verəcək.Bu gedişatla müxalifətin proseslərə qoşulmasına inanmıram.Azərbaycanı bu qarşudurmadan ancaq islahatlar,real korrupsiya ilə mübarizə,demokratiyanın bərqərar olunması,seçkilərin demokratik keçirilməsi və milli barışıq xilas edə bilər.Yoxsa gec-tez Azərbaycanda xalq kiçik bir hadisədən böyük dağıntılara,qan tökülməsinə səbəb olan inqilab edəcək, müxalifətsiz-filansız .Özü də belə inqilabları idarə etmək olmur. Bu isə faciədi.Seçim bu gün hakimiyyətdə olanlardadı.Azərbaycanın sərvətləri imkan verir ki,nəinki 9, hətta 20 million xalq xoşbəxt yaşasın.Təəssüflər olsun ki,gözü pulla,var-dövlətlə örtülmüş məmurlar korluq ucbatından bunları görmürlər.Tarixdə xalqa qalib gələ biləcək qüvvə isə olmayıb, bunu unutmamaları lazım..."