Makron Hörmüz boğazının yenidən açılması üçün çalışdığını bildirib

"Total Energies" şirkətinin rəhbəri İranla müharibənin bir neçə ay davam edəcəyi təqdirdə qlobal enerji çatışmazlığı ilə bağlı xəbərdarlığından sonra Hörmüz boğazının yenidən açılması üçün səylərimi daha da gücləndirmişəm".

Moderator.az xəbər verir ki, bunu Fransa Prezidenti Emmanuel Makron bildirib.

Yunanıstanın Baş naziri Kiriakos Mitsotakis ilə Afinada keçirilən mətbuat konfransında Makron geosiyasi qeyri-müəyyənliyin yaratdığı panikanın fəsadlara yol aça biləcəyini qeyd edib.

"Məqsədimiz, beynəlxalq hüquqa uyğun olaraq, Hörmüz boğazında tranzit haqqı olmadan naviqasiya azadlığını təmin edərək, qarşıdakı günlərdə və həftələrdə işlərin tam bərpasına nail olmaqdır. Sonra hər şey tədricən normal vəziyyətə qayıda bilər. "Hamımız eyni qayıqdayıq və əgər belə demək mümkünsə, bu, seçdiyimiz qayıq deyil. Biz geosiyasətin, bir neçə ay əvvəl başlayan bu müharibənin qurbanlarıyıq" - Makron qeyd edib.

"TotalEnergies" şirkətinin baş direktoru Patrik Pouyanne cümə günü boğazın yenidən açılmasına çağırış edib. Boğaz həmçinin gübrə və əczaçılıq məhsulları da daxil olmaqla malların daşınması üçün əsas marşrutdur.

“Əgər bu, daha iki-üç ay davam edərsə, Asiya ölkələrinin artıq əziyyət çəkdiyi enerji kəsiri ilə üzləşəcəyik”, - deyə Pouyanne qeyd edib.