"Belarus Ukrayanaya qarşı müharibəyə qoşulacaqmı?" - BBC

"Ukrayna sərhədində aktivlik artır, amma Minsk üçün risklər yüksək qalır..."

Ukrayna prezidenti Vladimir Zelenski bildirib ki, Rusiya yenidən Belarusu müharibəyə cəlb etməyə çalışa bilər. 

Moderator.az xəbər verir ki, bu barədə "bbc.com" nəşri yazıb.

Belarusun müharibəyə qoşulma ehtimalı

Nəşr yazır ki, sərhəd bölgəsində yolların və hərbi mövqelərin qurulması bu ehtimalı gücləndirən siqnallar kimi qiymətləndirilir. Məlumatlara görə, Belarusda sərhədə yaxın ərazilərdə hərbi infrastruktur genişlənir. Bu proses Aleksandr Lukaşenko tərəfindən elan edilən Cənub əməliyyat komandanlığı ilə əlaqələndirilir.

Buna baxmayaraq, ekspertlər hesab edir ki, Belarus ordusu geniş hücuma hazır deyil. Ukrayna sərhəd xidmətinin nümayəndəsi Andrey Demçenko sərhəddə ciddi qüvvə artımı olmadığını deyir. Daha çox ehtimal olunan ssenari Rusiyanın Belarus ərazisindən "hibrid" istifadə edərək sərhəd gərginliyi yaratmasıdır.

Norveçdən boykot qərarı

Norveç Üzgüçülük Federasiyası rus və belarus idmançılarının tam şəkildə yarışlara buraxıldığı müddətdə beynəlxalq turnirlərə ev sahibliyi etməyəcəyini açıqlayıb. Qərar federasiya rəhbəri Kato Bratbakk tərəfindən səsləndirilib.
"World Aquatics" bu idmançıların bayraq və himnlə iştirakına icazə versə də, Polşa də buna qarşı çıxaraq oxşar mövqe sərgiləyib.

Krımda hökm və dini icmaların bağlanması

Belarus vətəndaşı Aleksey Tamoşov Krımda casusluq ittihamı ilə 14 il həbsə məhkum edilib. Onun Rusiya ordusu barədə məlumat ötürdüyü iddia olunur. Eyni zamanda, Belarusun Brest vilayətində bütün yunan-katolik icmaları bağlanıb. Rəsmi səbəblər açıqlanmasa da, qərar "ekstremizm" və "suverenliyə təhdid" kimi iddialarla əsaslandırılır.