Son üç sutka Rusiyanın Ukraynanın əkshücumuna kifayət qədər hazır olmadığını nümayiş etdirir.

 

Moderator.az xəbər verir ki, bu barədə CNN telekanalı yazıb.

 

"Kiyevin cəbhə xəttində texnikanın hərəkətindən və artilleriya atəşlərindən uğultu kəsilmir, müntəzəm baş verən partlayışlar işğal edilmiş ərazilərdə Rusiyanın mühüm strateji obyektlərini məhv edir. 

 

Ukrayna müdafiə naziri bəyan edib ki, hazırlıq "sona çatır", prezident Vladimir Zelenski isə əmin edib ki, əhshücum mütləq "baş verəcək", lakin onun dəqiq tarixini açıqlamayıb.

 

Mümkündür ki, Ukraynanın əkshücumu artıq başlayıb, yaxud bir neçə həftədən sonra başlaya bilər. Biz bunu bilmirik və bu fakt Ukraynanın ilkin mərhələdə inandırıcı uğurudur.

 

Digər tərəfdən, Moskva "barın bağlanmasından öncə dava" vəziyyətindədir. Onların müharibəsinə son qoyulmasından öncə", - CNN yazır.

 

Materialda deyilir ki, Xarkov vilayətindən və Xersondan geri çəkiləndən sonra rusiyalıların Ukrayna hücumunun növbəti ehtimal edilən hədəfinə- Zaporojye vilayətinə hazırlaşmaq üçün ən azı yeddi ay zamanı olub.

 

"Və bu, baş verib, kosmosdan nəhəng xəndəklərdən ibarət müdafiə şəbəkəsi görünür. Bu zaman səngərlərin ölçüləri 2023-cü ildə heç də pozitiv xüsusiyyət deyil. 

 

Bəli, onlar böyükdür. Lakin onları hər kəs "Google"-da görə bilər. Böyük xəndəklər şəbəkəsi dəqiq raketlər və tez hərəkət edən zirehli texnika dövründə o qədər də səmərəli deyil", - jurnalistlər qeyd edir.

 

Onlar vurğulayır ki, məhz son 72 saat Rusiyanın Ukrana Silahlı Qüvvələrinin əkshücumuna kifayət qədər hazır olmadığını üzə çıxarıb. Bunu bir sıra amillər sübut edir.

 

Birincisi, Rusiya müdafiə nazirinin maddi-texniki təchizata və logistikaya cavabdeh olan müavini Mixail Mizintsevin vəzifədən azad edilməsi.

 

Rusiya Müdafiə Nazirliyi rəsmən onun işdən azad edilməsi barədə məlumat verməyib, yalnız onun yerinə hazırda Aleksey Kuzmenkovun təyin edilməsi barədə fərman verilib.

 

"Mariupol qəssabı" adlandırılan Mizintsev, şübhəsiz, Rusiya üçün fəlakətli müharibədə çox uğursuzluqlara yol verib və vəzifədən azad edilməsi başadüşüləndir.

 

Lakin bunun nədən məhz indi baş verməsi sualına cavab vermir. Ordunun Ukraynanın əkshücumu ilə üzləşəcəyindən oncə həlledici fiqurları kənarlaşdırmaqla Moskva hakimiyyətin hərbi zümrəsində nizamsızlıq olduğu barədə siqnal göndərmiş olur", - məqalədə deyilir.

 

İkincisi, amerikalı jurnalistlər həm də "Vaqner qrupu" özəl hərbi şirkətin sahibi Yevgeni Priqojinin bəyanatına diqqət çəkib. O, "bazar günü geniş müsahibə verərək onun muzdlularının üzləşdiyi problemlərin miqyasını üzə çıxarmağa qərar verib".

 

Priqojinin sözlərinə görə, onun döyüşçülərinin döyüş sursatları o qədər azdır ki, görünür, Baxmutdan geri çəkilməli olacaq. Bu strateji cəhətdən vacib olmayan şəhərin ələ keçirilməsinə aylar sərf edilib və minlərlə canlar alınıb.

 

Rusiyanın döyüş sursatları ehtiyatlarının azalması barədə çoxdan bəllidir, lakin əkshücum ərəfəsində iflasın qaçılmaz olduğu barədə gümanlar Priqojinin müharibədə məğlubiyyətin günahını Rusiya Müdafiə Nazirliyinin üzərinə qoyması cəhdinə bənzəyir.

 

"Saatlar gedir, Ukraynanın fəal əməliyyatlara başlaması zamanı daralır. Biz bilirik ki, Rusiyanın emosional vəziyyəti və ya məqsədyönlülüyü praktiki olaraq sıfra bərabərdir. Daxili qətiyyətsizlik dərəcəsi, rəqabətlilik və dağınıqlıq yalnız artmaqdadır", - CNN yazır.