Bizi sosial şəbəkələrdən izləyin:
İcarə əsasında "Barselona"da çıxış edən Səudiyyə Ərəbistanının "Əl-Hilal" klubunun və Portuqaliya millisinin müdafiəçisi Juan Kanselu unikal nailiyyətə imza atıb.
Moderator.az xəbər verir ki, təcrübəli oyunçu Avropanın "böyük beşlik" ölkələrinin dördündə "çempion" adını qazanan ilk futbolçudur.
Portuqaliyalı müdafiəçi ötən gün "Barselona"nın heyətində İspaniya çempionu olub. Kataloniya təmsilçiləri prinsipial qarşılaşmada "Real Madrid"i məğlub edərək (2:0) vaxtından əvvəl titula yiyələniblər.
Kanselu daha əvvəl "Yuventus"la İtaliya A Seriyasını, "Mançester Siti"də İngiltərə Premyer Liqasını, "Bavariya"nın düşərgəsində isə Almaniya Bundesliqasını qazanıb.