Rusiya bu şəhəri Ukrayna dronlarından qorumaq üçün ikona və dualara möhtac qaldı...-FOTO

Bizi sosial şəbəkələrdən izləyin:

Rus Pravoslav Kilsəsinin keşişləri Perm şəhərini dron hücumlarından qorumaq üçün Tanrı Anasının ikonasını gəzdiriblər. Bu, Ukrayna silahlı qüvvələrinin yerli neft nasos stansiyasına və neft emalı zavoduna zərbə endirməsindən sonra baş verib.

Moderator.az xəbər verir ki, yeparxiyadan "Komsomolskaya Pravda" qəzetinə bildiriblər ki, Perm ətrafında "səlib yürüşü" 12 mayda baş verib. Yürüş zamanı keşişlər "əsas nöqtələrdə" dayanıb dua ediblər.

İlahi ibadətə Metropoliten Metodiy rəhbərlik edib. "Son zamanlar şəhərimizdə dron hücumları səbəbindən bir neçə dəfə həyəcan siqnalı verilib və Perm yeparxiyasının rəhbəri bu bəladan qurtulmaq üçün birgə dua ibadəti keçirib", - deyə yeparxiya keşişi izah edib.

Xatırladılıb ki, Perm kilsəsinin keşişləri 2020-2022-ci illərdə "COVİD-19" epidemiyası zamanı da belə yürüş və dualar ediblər.

Perm şəhəri Ukrayna ilə sərhəddən təxminən 1500 kilometr məsafədə yerləşir. Şəhərə sonuncu dəfə 29 apreldə zərbə endirilib. Hədəf Transneft sisteminə aid olan və magistral boru kəmərləri vasitəsilə neftin vurulması, saxlanması və paylanması üçün istifadə olunan eyniadlı istehsal və göndərmə stansiyası olub. Baş verən yanğın 380 min kubmetr tutumu olan 10 su anbarından ibarət kompleksə yayılıb. Nəticədə şəhərə "neft yağışı" yağıb. Aprelin 30-da isə illik gücü 17 milyon ton olan və Rusiyada yeddinci ən böyük neft emalı zavodu olan "Lukoil" şirkətinə məxsus "Permnefteorgsintez" neft emalı zavoduna hücum edilib. Bu zərbədən sonra müəssisə qismən işini dayandırıb və 7 mayda baş verən yeni tətil zavodun fəaliyyətini tamamilə iflic edib.

S.Laçın