Avtomaşın tərəfindən vurulan amerikalı bir qadın rus və Yeni Zelandiya aksenti ilə danışmağa başlayıb

 

Amerikanın Los Anceles şəhərinin sakini komadan çıxaraq əvvəlvə Britaniya, sonra fransız, daha sonra rus, son nəticədə isə Yeni Zelandiya aksenti ilə danışmağa başlayıb.

Bu barədə New York Post nəşri məlumat verib.

 

24 yaşlı Sammer Diaz işdən evə qayıdırmış. Qadın küçəni keçərək öz avtomobilinə tərəf gedərkən onu avtomaşın vurub. Sürücü xilasetmə xidmətinə zəng edib və zərərçəkən hospitala yerləşdirilib. Həkimlər Diazda çoxsaylı travmalar, o cümlədən kəllə-beyin travmasını və bud-çanaq sümüyünün sınmasını aşkar edib. Amerikalı qadını süni komaya salıblar. Koronavirus pandemiyasına görə zərərçəkınin qohumlarının və sevgilisinin ona müntəzəm baş çəkmək imkanı olmayıb. Qadın iki həftədən sonra özünə gəlib.

 

Komadan çıxdıqdan sonra Diaz bir müddət danışa bilməyib. O, özünü halsız hiss edib və onu avtomaşın vurduğu gün haqqında heç nəyi xatırlamayıb. Tədricən qadının nitq qabiliyyəti bərpa edilib, lakin o, səsinin dəyişdiyini hiss edib. Daha sonra qadını reabilitasiyaya göndəriblər. Onunla nitq üzrə mütəxəssis işləyib və nitq funksiyasının bərpa olunmasına yardım edib. Nitqi bərpa olunarkən Diaz özündə əcnəbi aksent müşahidə edilib. Onun tələffüzü elə qeyri-adi olub ki, tibb bacıları onun ABŞ-dan olmasına inanmayıblar.

 

Diazın nitqinin xarakteri zaman keçdikcə dəyişib. "Əvvəlcə məndə sevgilimin nitqinə bənzər Britaniya aksenti oldu. Hansısa bir məqamda fransız, sonra isə rus aksenti meydana çıxdı",-o, belə deyib.

 

Nəhayət, amerikalı qadın Yeni Zelandiya aksenti ilə danışmağa başlayıb, baxmayaraq ki, o, heç vaxt bu ölkədə olmayıb.

 

Bir ay davam edən reabilitasiyadan sonra Diaz evə dönüb. O, psixologiya üzrə elmi dərəcə alıb və müəyyən edib ki, kəllə-beyin travmalarından sonra meydana çıxan əcnəbi aksent sindromundan əziyyət çəkir.

 

Qadın bəyan edib ki, o, qazandığı aksentlərə görə xoşhaldır. "Əgər məni maşın vurub və nəticədə yeni aksent əldə etmişəmsə, bu, mənə xoşdur",-o, deyib.

 

İndi o, yeni tanışlıqlar zamanı seçim etmək imkanına malikdir: özünü elə təqdim edə bilər ki, o, əslən Yeni Zelandiyadandır və ya öz tarixçəsini danışa bilər.

 

Baş verən hadisənin neqativ tərəfi odur ki, Diaz aldığı digər travmaların nəticələrindən hələ də əziyyət çəkir.

 

"Mən tez-tez özümü yorğun hiss edirəm, ömrü boyu əlil oldum. Mən uzun müddət işləyə bilmirəm və gündəlik adi hərəkətləri icra edə bilmirəm. Ayağım ağrıyanda əl ağacından, uzaq səyahətlər zamanı isə əlil arabasından istifadə edirəm",-amerikalı qadın danışıb.

Qadın yemək bişirmək və ev işləri görmək üçün özünə dayə tutub.

 

Bundan əvvəl məlumat yayılıb ki, İngiltərənin Mersisayd qraflığının Ayntri kəndinin sakini 11 ay COVİD-19-lə mücadilə etdikdən sonra şotland aksenti əldə edib. Bundan əlavə, o, sayaqlayır, deyir ki, evdən qaçıb südsatan olmaq istəyir.