Almaniyada kansler vəzifəsi uğrunda mübarizə başlayır və o, çox sərt olacaq. Moderator.az bildirir ki, bu barədə Almaniyanın “Welt”telekanalı məlumat verib. Sosial Demokrat Partiyası (SDP) seçkiləri kiçik bir fərqlə qazandı, XDİ/XSİ birliyi isə tarixdəki ən pis nəticə ilə yadda qaldı. Buna baxmayaraq, xristian demokratların hələ də yeni hökumətdə aparıcı rol oynamaq şansı var. Sual budur ki, kim azad demokratlar və yaşılları öz tərəfinə çəkib koalisiya formaladıraraq Almaniya kansleri ola bilər?
Bazar günü düz saat 18:00-da SDP üzvləri artıq özünü saxlaya bilmirdilər. Yarış daha da gərginləşirdi, lakin Olaf Şolts finişə qədər kiçik bir fərqi qoruya bildi. Sosial demokratlar 2%-dən az fərqlə qalib gələrək nüfuzlu qüvvə oldu.
OLAF ŞOLTS, SDP-dən kanslerliyə namizəd: “Bu, şübhəsiz ki, bütün ölkə üçün seçkilərdən sonra ən uzun bir axşam olacaq. Ancaq bir şey də danılmazdır ki, bir çox vətəndaşlar hökumətdə dəyişiklik və bu ölkənin növbəti kanslerinin Olaf Şolts adlandırılmasını istədikləri üçün SDP-nin qarşısında işarə qoyublar”.
XDİ/XSİ birliyi üçün seçkilərdən sonrakı axşam fəlakət oldu. Onlar 16 ildən sonra hökumətdə aparıcı rolu itirmək təhlükəsi qarşısındadırlar. Buna baxmayaraq, kanslerliyə namizəd Armin Laşet hesab edir ki, seçicilərin onlardan gözləntilərini həyata keçirmək üçün onun və partiyanın üzərinə böyük məsuliyyət düşür.
ARMIN LAŞET, XDİ-dən kanslerliyə namizəd: “Birliyə verilən səslər solçular tərəfindən idarə olunan federal hökumətin əleyhinə verilmiş səslərdir, buna görə də biz birliyin rəhbərliyi altında hökumət qurmaq üçün əlimizdən gələni edəcəyik”.
Hətta ikinci yeri tutsa da, birlik hökumət qura bilər. Qardaş XSİ ilə bağlı vəziyyət də aydındır - şansları hələ də var.
MARKUS ZÖDER, XSİ sədri: “Armin Laşetin Almaniya Federativ Respublikasının kansleri olması üçün birliyə liderlik mandatı almaq üçün danışıqlara başlayaraq qarşımıza dəqiq məqsəd qoyacağıq və bundan sonra böyük problemləri fəal şəkildə həll etməyə çalışacağıq”.
Bu arada seçki günü axşam saatlarında SDP-nin qərargahında xristian demokratların hakimiyyət ambisiyaları təəccüb doğurmuşdu.
LARS KLINQBAYL, SDP-nin baş katibi: “Birliyin indi müzakirə etməyə mövzusu var. Tarixin ən pis nəticəsini göstərdilər, diaqramdakı qara qrafa çox aşağı düşdü. Düşünürəm ki, onlar yeni hökumətdə mümkün iştirak haqqında danışmağa başlamazdan əvvəl keçirdikləri seçki kampaniyası ilə bağlı vəziyyəti və bu qədər vətəndaş etibarını niyə itirdiklərini aydınlaşdırmalıdırlar”.
İndi sual kimin əlində daha yaxşı kartların olmasına bağlıdır. Yeni kanslerin təyin edilməsində həlledici rola malik olan Yaşıllar və Azad Demokrat Partiyasını kim inandıra biləcək? Almaniya kansler postu uğrunda hakimiyyət mübarizəsinin astanasındadır və bu, gərgin ola bilər.
Miraslan