İkinci Qarabağ müharibəsi zamanı Azərbaycan Prezidenti İlham Əliyev taleyüklü informasiya müharibəsinin bütün ağırlığını öz üzərinə götürdü. İ.Əliyev 44 gün ərzində yüzlərlə müsahibə, müraciət, şərh verdi, dünya elektron mediasının efirində qızğın polemik mübahisələrdə iştirak etdi. Azərbaycan dövlətinin başçısının çıxışları bütün dünyada geniş rezonans doğurdu və biz virtualaz.org olaraq bütün bunları öz buraxılışlarımızda ətraflı şəkildə işıqlandırmışıq.
Bu gün redaksiyamızın diqqətini hətta dünya sosial şəbəkəsi səviyyəsində nadir və fenomenal hadisə cəlb edib – İ.Əliyevin çıxışı dünya miqyasında partlayan bomba effekti yaradıb.
Bütün internet İlham Əliyevin Britaniya BBC-i ilə müsahibəsini müzakirə edir
9 Noyabr 2020-ci ildə İlham Əliyev İngiltərənin BBC News televiziya şirkətinə uzun bir müsahibə verdi. Müsahibə zamanı televiziya şirkətinin jurnalisti Azərbaycan hökumətinin siyasətini tənqid etməyə çalışdı, lakin həmsöhbətinin əsaslandırılmış və inandırıcı arqumentləri ilə qarşılaşdı. Müasir terminologiyadan istifadə etsək, deyə bilərik ki, viral (virtualal aləmdə olduğca sürətıə yayılan) hala gələn həmin müsahibənin məh o hissəsi oldu.
Mayın 5-də britaniyalı jurnalistin Azərbaycanda söz azadlığı ilə bağlı ehtimal olunan problemlərdən danışdığı və Prezident Əliyevdən layiqli cavab aldığı müsahibədən bu səs-küylü fraqment sosial televiziya şəbəkəsinin Amerika, Avropa və hətta Hind seqmentində əks-səda doğurub. İki gün ərzində video 3 milyondan çox baxış yığıb. Və 32,5 min retweet alıb. Eyni zamanda, çoxsaylı şərhlərdə dünyanın hər yerindən sosial media istifadəçiləri tərəfindən İlham Əliyevin mövqeyinə dəstək ifadə olunur. Prezidentin çıxışının dünya auditoriyasında populyarlığını anlamaq üçün yalnız bir illüstrativ şərhdən bəhs etmək kifayətdir.
Müsahibəyə 3 milyon izləyici baxıb. Tvitterdə 32 min repost var...
Alabamadan olan amerikalı istifadəçi Mark Davis təəccüblənir: "Elə etmək olarmı ki, bu oğlan ABŞ prezidentliyinə namizəd olsun?". Və onun təklifi, İ.Əliyevin sözlərinin ədaləti və inandırıcılığını qeyd edən bir çox amerikalı sosial şəbəkə istifadəçisi tərəfindən, əks-səda tapır.
Bu videonun retvitini yerləşdirənlər arasında məşhur Culian Assancın vətəndaş nikahında olduğu və öz heyranlığını gizlətməyən Stella Morris da var idi: "Prezident Əliyev BBC-yə bildirdi ki, Böyük Britaniyanın Culian Assancı həbsdə saxladığı müddətdə heç kim ona" mətbuat azadlığı "barədə mühazirələr oxuya bilməz.
Assancın həyat yoldaşı İlham Əliyevə istinad edib
Həmin videofraqment Qərb KİV-lərinin gözdən saldığı ölkələrdə xüsusi rezonans əldə edib. Hindistanda internet istifadəçiləri Azərbaycan Prezidentinə heyran olublar.
Məsələ ondadır ki, Hindistan ciddi koronavirus böhranı ilə mübarizə apardığı bir vaxtda Qərb mediasının “quzğun hücumu”na məruz qalıb.
Onlar Hindistandakı az qala bütün dəfn mərasimlərini lentə alaraq öz auditoriyalarına göstərməyə çalışırlar. Bu məqsədlə dronlardan belə istifadə olunur. Daha çox baxış əldə etməyə çalışan bu dairələr çəkdikləri kadrları 23 min kron rupiyə satır. Beləliklə, Qərb mətbuatı Hindistanın bədbəxtliyindən vicdansızcasına faydalanmağa çalışır.
Bu gün Qərb KİV-i Hindistanda koronavirusla bağlı vəziyyəti təsvir etmək üçün bəzən köhnə, saxta fotolardan da istifadə edir. Bu isə təbii olaraq, hindistanlıların nifrətinə səbəb olur.
Bütün bunların fonunda haqqında yuxarıda bəhs etdiyimiz köhnə bir video - İlham Əliyevin BBC-nin müxbirinə müsahibəsi trendə çevrilməkdədir. Hələ 2020-ci ilin noyabrında götürülmüş müsahibədə müxbir İlham Əliyevə Azərbaycanda mətbuat azadlığı ilə bağlı sual ünvanlayaraq, guya onu çətin vəziyyətə salmağa çalışır. Azərbaycanın dövlət başçısı isə nəinki müdafiə olunmağa ehtiyac görmür, əksinə, “hücuma keçərək” müxbirə birbaşa sual verir: “Siz hesab edirsiniz ki, insanların bu haqları yoxdur? Siz nəyə əsasən Azərbaycanda azad medianın, müxalifətin olmadığını düşünürsünüz?”.
BBC-nin əməkdaşı cavabında iddia edir ki, Azərbaycanda müstəqil medianın olmadığı haqda məlumatları müstəqil mənbələrdən alıb. Belə olan təqdirdə Azərbaycan Prezidenti müxbirdən həmin müstəqil mənbələrin adlarını çəkməsini tələb edir. Müxbir bundan imtina etdikdə Əliyev soyuqqanlı şəkildə cavab verir: “Əgər siz onların adlarını deyə bilmirsinizsə, bu, o deməkdir ki, siz bir nağıl uydurursunuz”.
Daha sonra İlham Əliyev BBC müxbirinin media azadlığının məhdudlaşdırılması, QHT-lərin təqib edilməsi, tənqidçilərin həbs olunması və s. ittihamlarını qətiyyətlə təkzib edir və “Wikileaks”in yaradıcısı Culian Assanjın həbsindən danışır:
Assancın müdafiəsinə dair Əliyevin arqumentini Qərb imperializminin tənqidçiləri qəbul ediblər
“Tamamilə feykdir. Tamamilə. Bizim azad mediamız var. Bizim azad internetimiz var. İndi hərbi vəziyyətə görə bizim bəzi məhdudiyyətlərimiz var, lakin əvvəllər heç bir məhdudiyyət yox idi. Azərbaycanda internet istifadəçilərinin sayı 80% dən çoxdur. Siz internetin azad olduğu, senzuranın olmadığı və 80% internet istifadəçilərinin olduğu bir ölkədə medianın məhdudlaşdırılmasını təsəvvürünüzə gətirə bilərsiniz? Bizim “Facebook”da milyonlarla insanımız var. Bizdə azad medianın olmadığını necə deyə bilərsiniz? Bu, yenə də qərəzli yanaşmadır. Bu, Qərb auditoriyasında Azərbaycan haqqında bir fikir formalaşdırmaq cəhdidir. Bizim müxalifətimiz var, bizim QHT-lərimiz var. Bizdə azad siyasi fəaliyyət var. Bizdə azad media var. Bizdə söz azadlığı var. Əgər siz bu sualı qaldırdınızsa, mən də sizə bir sual verə bilərəmmi? Siz cənab Assanjla baş verənləri necə qiymətləndirirsiniz? Bu, sizin ölkədə azad mətbuatın təzahürüdür?”.
Beləliklə, Əliyev Assanjın “Wikileaks”ə görə haqsız həbs edildiyini qabardır.
Xatırladaq ki, vaxtilə Ekvadorun Londondakı səfirliyində 2 il qalmış Culian Assanj sonda saxlanılıb və hazırda o, Böyük Britaniya həbsxanasındadır. Bu gün ABŞ belə, Assanjın ekstradisiyasına nail olmağa çalışır. Vaşinqton onu ABŞ-ın hərbi məlumatlar bazasının sındırılmasında iştirak etdiyinə görə həbs etməyə çalışır. ABŞ-da hesab edirlər ki, Assanj konfidensial məlumatları əldə edərək, “Wikileaks” saytına yerləşdirib. Başqa sözlə, Vaşinqton Culian Assanjı jurnalist fəaliyyətinə, digər insanların oğurlanmış sənədlərinin yayılmasına görə mühakimə etmək istəyir. Məsələ ondadır ki, bu sənədlər ABŞ-ın Əfqanıstan, İraq və s. ölkələrki hərbi cinayətlərini ifşa edib. Lakin oğurlanmış, yaxud sızdırılmış məlumatların dərci cinayət yox, jurnalistikadır.
Beləliklə, Azərbaycan Prezidenti İlham Əliyev digər ölkələrdəki təməl azadlıqlara şübhə ilə yanaşan, Böyük Britaniyanın vergi ödəyiciləri hesabına maliyyələşən BBC-nin riyakarlığını ifşa edib. Bu gün Culian Assanjı həbsdə saxlayan məhz Böyük Britaniyadır. Yeri gəlmişkən, BMT-nin xüsusi məruzəçisi Nils Meltser Culian Assanjı Böyük Britaniya və ABŞ hökumətlərinin haqsızlığının, işgəncə və siyasi təqiblərinin qurbanı sayır. Demək, Assanj kimi jurnalistlərin təqibinə göz yuman, hətta bunu dəstəkləyən Qərbin nəinki Azərbaycanı, ümumiyyətlə heç bir ölkəni tənqid etməyə mənəvi haqqı yoxdur.
BMT-nin Xüsusi Məruzəçisi Nils Meltser İlham Əliyevlə həmrəydir
“Ermənilərin burada azad mətbuatının olmayacağı haqda dediklərini əsas götürərək məni ittiham etmək əvəzinə, gəlin, Assanj barədə danışaq. Bağışlayın, o, Ekvador səfirliyində neçə il keçirdi və nəyə görə? O, indi haradadır? Jurnalist fəaliyyətinə görə siz həmin şəxsi girov saxladınız, əslində, mənəvi və fiziki olaraq onu öldürdünüz. Bunu siz etmisiniz, biz yox. İndi o həbsxanadadır. Siz bu işlərlə məşğul olduğunuz halda, azad mətbuat haqqında danışmağa mənəvi haqqınız yoxdur”, - deyə Azərbaycan Prezidenti İlham Əliyev bildirib.
Bəli, bu, 2020-ci ilin noyabrına aid müsahibədir. Lakin Qərbin aparıcı mətbuat orqanlarına qarşı artmaqda olan nifrət fonunda o, yenidən yayılmağa başlayıb. Bu azmış kimi, koronavirus pandemiyası Qərb mediasının Hindistanda pandemiyaya görə dəfn tonqalların artması ilə bağlı qeyri-sağlam fetişinin olduğunu da ortaya çıxarıb. Məsələn, “Washington Post” və ya “Reuters” kimi bəzi media orqanları koronavirus pandemiyasının ciddiliyini göstərmək məqsədilə Hindistanın müxtəlif hissələrindəki dəfn tonqalları ilə bağlı fotoları yayır. “Washington Post”un jurnalistlərindən biri hətta kremasiya sahəsinin yuxarıdan çəkilmiş fotosunu “möhtəşəm” adlandırıb.
Əliyevin tezisləri Hindistan mediasının redaksiya məqalələrində
Aydındır ki, ölümün olduğu yerdə dəfn tonqalları da olacaq. Lakin pandemiya ABŞ, İtaliya və digər Qərb dövlətlərinə dağıdıcı zərbə vuran zaman heç bir mətbuat orqanı dəfn mərasimləri ilə bağlı fotolar yaymır, pandemiyanın necə yayıldığını bu yolla təsvir etmirdi. Qərb mediası isə koronavirus pandemiyası üzündən dəfn tonqallarının artmasını hindistanlıları aşağılamaq məqsədi ilə yayır. Əslində, Qərb bəlkə də Hindistana paxıllıq edir. Çünki onlardan fərqli olaraq, Hindistan pandemiyanın ilk dalğalarının öhdəsindən uğurla gəlib. O zaman inkişaf etmiş, daha varlı olan ölkələr pandemiyaya heç də lazımi səviyyədə nəzarət edə bilmirdi.
Qərb KİV-inin təkəbbürlü alçaldıcı tonuna ən yaxşı və layiqli cavab Prezident İ.Əliyevin böyük dövlətlərin siyasi-iqtisadi hökmranlığının ekspansionist xarakterini ifşa edən parlaq çıxışı oldu. Humanist azadlıqları Dallesin "cəzalandırıcı dəyənəyi" kimi seçən iyirmi birinci əsrin imperialistləri İlham Əliyevin şəxsində layiqli rəqib - son illər dünya suveren demokratiya hərəkatının liderlərindən biri kimi layiqincə bərqərar olmuş siyasətçi tapdılar.(virtualaz.org)
