“Azərbaycan öncə canlı “KQB”-“QRU”+“PKK” minalarını təmizləməlidir, yoxsa...”
Ekskluziv
Oxunub: 3193
09 May 2022 | 17:22
“Azərbaycan öncə canlı “KQB”-“QRU”+“PKK” minalarını təmizləməlidir, yoxsa...”
“... Rəhmətlık Elçibəyə dedim ki, Rusiya ordusunu çıxardıq,  fəqət, əvəzində  hər biri bir orduya bərabər “KQB” və “QRU” generalları başda olmaqla Moskvanın nəhəng agentura şəbəkəsi ölkəmizdə qaldı...”
 
“Əcəba, sovet dövründən “yadigar” qalan yalnız Xəzərdəki və Qarabağdakı minalardırmı?..”  
 
“Tapşırıq verilib ki,  ölkənin bütün sahələrini  rüşvətxorluğa, korrupsiyaya, bürokratiyaya elə bələyin ki,  xalq daim hökumətdən narazı qalsın və sonda  SSRİ nostaljisi ilə desin ki, biz yenidən Moskvanın tabeliyində yaşamaq istəyirik…”
 
“...“Putin “SSRİ-2” planında Azərbaycana dəyməyəcək” deyə arxayın qalmaq da olmaz...”
 
Qeyrət Quliyev: "Bildiririk ki, bilmədiklərinizi bilmək üçün bildiyiniz bir binanın bilinməyən sirləri bilinməlidir..."
 
-FİKİR SAVAŞI-
 
...O gün rəsmi xəbər yayıldı ki, bəs Xəzər dənizinin Azərbaycan sektorunda 6 mina aşkarlanıb: sovet dövründən qalma 6 iri gəmi minası (“KB-1”)... Maraqlıdır ki, sovetlər dönəmində, yaxud sonrakı 30 ildən çox müddətdə SSRİ və sonradan müstəqil Azərbaycan dövləti tərəfindən o minalar nə əcəb aşkarlanmayıb. Çünki rəsmi məlumatdan belə anlaşılır ki, həmin partlayıcılar II Cahan savaşı illərində qoyulub. Sonrakı dövrlərdə Xəzərdə niyə və hansı dövlətə qarşı minalar qoyulsun ki?.. 
 
Bundan əvvəl də - 2018-ci ildə Xəzərin Zirə adasında rəsmi qurumlar tərəfindən dəniz minası, 2021-ci ildə Lənkəranın sahil ərazisində tank minası tapılmışdı... Amma Rusiyanın Ukraynada amansız və məkrli işğalçı savaş aparması və sağına-soluna təhdidlər yağdırması fonunda bu dəfəki xəbər Azərbaycan  vətəndaşında dərhal güclü təəccüb və təşviş hissi yaradır: Bakının qulağının dibində 6 gəmi(!) minası?.. Sovet dövründən qalma?..
 
*** ***
 
Ümumiyyətlə, 2020-ci ilin 44 günlük qalib Qarabağ savaşımızdan sonra məmləkətdə mina mövzusu çox aktualdır... Müharibə bitən, yəni 30 ilə yaxın işğal altında qalmış ərazilərimizin əksər  hissəsi azad edilən kimi o torpaqlarımızın məhz minalardan təmizlənməsi problemi baş qaldırdı... Ermənilərin Sovet İttifaqı dağılan günlərdən bəri elə həmin sovet ordusundan alaraq basdırdığı minaları... Bu, çox vacib məsələdir. Hələ əvvəlki 30 ildəki dövrü demirik, yalnız 10 noyabr 2020-ci il razılaşmasından bəri ötən il yarıma yaxın müddətdə yüzlərlə hərbi və mülki vətəndaşımız işğaldan azad torpaqlarımızda minaya düşərək həlak olub, yaxud ağır bədən xəsarətləri alaraq ömürlük şikəst qalıb... Sözügedən zaman kəsimində dövlətimizin bütün gücünü səfərbər edərək  qardaş Türkiyədən və s. dəstək alaraq,  Ermənistandan mina formulyarlarını-xəritələrinin xeyli hissəsinin alınmasına nail olaraq Qarabağdakı minaları mümkün qədər tez təmizləməyə çalışdığı görünür...
 
*** ***
 
Əcəba, sovet dövründən bəri, sovet ordusundan, o cümlədən 366-cı alaydan “yadigar” qalan yalnız Xəzərdəki və Qarabağdakı minalardırmı?..  Əslində sovet dövründə  Azərbaycanda müstəqil(!) dövlətimizi və bütövlükdə xalqımızı siyasi, mənəvi-ideoloji, ruhi-psixoloji baxımdan daimi şikəst qoymaq təhlükəsi daşıyan dəhşətli və həm də canlı minalar yerləşdirilib...
 
*** ***
 
Rusiyanın artıq 4-cü əsrdir ki, Azərbaycan torpaqlarının işğalıyla məşğul olması faktını heç kəs inkar edə bilməz. Yeri gəlmişkən, bu il iyunun 18-də həmin azğın imperiyanın Azərbaycana ilk genişmiqyaslı işğalçı yürüşlərinin başlanmasının düz 300 ili tamam olacaq. Həmin yürüşü Rusiyanın ilk imperatoru I Pyotr təşkil etmişdi... Faciəli və eyni zamanda ibrətamiz tarixdir, hə? O gündən bəri 300 ildir ki, Moskvanın Vətən torpaqlarımızı işğal etmə cəhdləri və uzunmüddətli işğalları davam edir. 1813-1828-ci illərdən 1991-ci ilədək isə Quzey Azərbaycanın əksər hissəsi cəmi 23 aylıq  Xalq Cümhuriyyəti dövrünü çıxmaq şərti ilə davamlı şəkildə Rusiyanın işğalı altında qalıb. Və bu müddətdə ondan əvvəlki 1722-1813-cü illərdə də təbii olaraq bu imperiyanın kəşfiyyatı Azərbaycan əhalisi arasında işləyib və burada “en” sayda agent, casus, xəfiyyə, çuğul, təxribatçı, provakator və s. yetişdirib. Sovet dövründəki “milli” Kreml agentləri öncə “ÇK”-ya, ondan sonra da “NKVD” və “KQB”-yə, yaxud “QRU”-ya xidmət ediblər.  Və məhz belələrinin sayəsində  Rusiya Azərbaycan torpaqlarında hökmranlığını davam etdirib və azadlıq, müstəqillik haqda cınqırını belə, çıxaran “xalq düşmən”lərini aşkar edərək repressiyalara, sürgün və güllələnmələrə məruz qoyub...
 
*** ***
 
Bəs hər hansı bir ölkə bir imperiyanın köləliyindən qurtulub müstəqil olmağa çalışandan sonra həmin imperiyanın öz ərazisindəki, öz xalqı arasındakı agentlərini, çuğullarını və s. üzə çıxarmalı deyilmi?  Bu agentura şəbəkələri ifşa edilib aşkara çıxarılmazsa və müstəqil(!) ölkədə fəaliyyətini davam etdirərsə, o dövlət əsl mənada müstəqil ola bilərmi, onun xalqı gerçək şəkildə rifah içində yaşamağa nail ola bilərmi? Xeyr, əsla!..
 
Və buna əmin olduğundan bəndəniz hələ gənc yaşlarından, yəni 1993-1994-cü illərdən bəri Vətəni Azərbaycanda baş verən  və əksəriyyətinin əsl  təşkilatçı və icraçıları bu günədək üzə çıxarılıb cəzalandırılmamış heç bir müəmmalı, reytinqçi medianın təbirincə desək, “şok” olay və cinayətlərə təəccüblənməyib. Çünki görmüşəm ki, müstəqillik(!) qazanmış dövlətimiz hələ çar dövrünü demirəm, ən azı, 70 ildə baba-nənələrimizi, ata-analarımızı sürgünlərə, deportasiyalara, repressiyalara, qətllərə məruz qoymuş sovet imperiyasının heç olmasa, ölkəmizdəki arxivlərini açaraq Kremlin agentlərini zərərsizləşdirməyə rəsmi cəhd belə, etməyib... Əksinə, imperiyanın satqın, xəyanətkar, Azərbaycan xalqını qanına bələməyə daim hazır olan inventar-agentləri dövlət və hökumət orqanlarının, qanunverici orqanımızın, eləcə də  elmimizin, təhsilimizin, səhiyyəmizin, ordumuzun, mədəniyyətimizin, ədəbiyyyatımızın, jurnalistikamızın və s. başına yerləşdirilib....Və o zamandan bəri məmləkəti hər tərəfinə minalar basdırılmış, ruhi-mənəvi, siyasi-ideoloji torlar qurulmuş bir məkan kimi təsəvvür etmiş və hər addımda maksimum ehtiyatlı olaraq öncə ruhumu, vicdanımı, sonra da canımı o həmin mina və torlardan qorumağa çalışmışam.  Bəla burasındadır ki, o minalar bir dəfə partlamaqla bitmir. Çünki onlar canlıdır... Çünki onlar məhz həmin arxivləri açılmamış “KQB”, “QRU”, “PKK” şəbəkələrində gizlənmiş rezident, agent və çuğullardır. Onların hər biri öz məkrli, amansız fəaliyyətləri sayəsində son 3 onillikdə də müstəqil(!), suveren(!) Azərbaycanda topdağıtmaz bir şəbəkə qurublar. Bu mənada bu gün korrupsiyaya, məmur özbaşınalığına, digər haqsızlıqlara  qarşı aktiv mübarizə aparmamaqda suçladığımız xalqımızı bir yandan da qınamaq olmur... Çünki həyatımızın bütün sahələrində haraya ayaq atırsan, nəinki sözügedən  Ramiz Mehdiyev, Nəcməddin Sadıkov, Eldar Mahmudov və s. canlı minalarının özlərini, yaxud onların öz xain əlaltıları, eləcə də nəfsinə, tamahına uymuş on minlərlə vətəndaşın sayəsində qurduqları torlarını, şəbəkələrini görürsən: rüşvətxorluq, korrupsiya minası, yalan minası, yaltaqlıq minası, seçkilərdə, elmi adların, rütbələrin, fəxri ad və mükafatların verilməsində saxtakarlıq minası, əxlaqsızlıq minası, vicdansızlıq, dələduzluq minası və s... Nəticədə çox nadir insanlar fədakarlıq göstərərək həmin minalardan, onların tor-şəbəkələrindən təmiz, salamat qurtula bilirlər... 
 
*** ***
 
Onu bilmək lazımdır ki, hələ öncələri demirik, ta ki sözsüz  “KQB”-nin yetişdirdiyi  peşəkar agent və siyasi-ideoloji təxribatçı olan Zori Balayanın 1984-cü ildə “Ocaq” kitabının nəşrindən, 1986-cı ildə Bakının mərkəzində 106 saylı avtobusun partladılmasından, 1988-ci ilin Sumqayıt hadisələrindən,  Meydan hərəkatından, 20 Yanvar qətliamı, Xocalı faciəsi, Şuşa, Laçın, Kəlbəcərin və s. işğalı, 4 iyun hadisələri və s. olaylardan üzü bəri akademik Ziya Bünyadovun qətli, 2010-cu il aprelin 30-dakı Dövlət Neft Akademiyasındakı terroru, 2020-cil noyabrın 9-da Naxçıvanla sərhəddə Rusiya vertolyotun vurulması və həmçinin bu gün daha çox ictimai müzakirələrə səbəb olan, amma 5 ildir ki, bəlli təşkilatçı və icraçılarının çoxu  hələ də azadlıqda gəzən 2017-ci il  Tərtər qətliamınadək  xalqımızın başına gətirilmiş bir çox müəmmalı oyun və faciələrin sirrlərinin əsl mənada bilinməsi, baiskar və icraçıların cəzalandırılması, məhz DTK arxivlərinin açılmasına bağlıdır... Yəni ölkəmizin hər tərəfinə yayılmış bu canlı-ruhi mina şəbəkəsinin xəritələri məhz arxivlərdə gizlənir...
 
*** 
 
Onu da düşünün ki, əgər 1-ci Qarabağ savaşından bəri Azərbaycanda dinc şəraitdə təxminən 4-5 min mülki və hərbi vətəndaş minaya düşübsə, 300-400 nəfər həlak olubsa və bundan sonrakı 10 ildə  işğaldan azad edilmiş torpaqlarda, Allah eləməmiş, 2-3 min nəfər minaya düşüb 200-300 nəfəri həlak olacaqsa, “KQB”-“FSB”-“QRU”-“PKK” canlı minaları son 30 ildə və bundan sonra da nəinki minləri, milyonları, bütövlükdə xalqı ruhi-mənəvi, ideoloji, əqli, psixoloji, fizioloji və s. cəhətdən şikəst edib və əgər qarşısı alınıb zərərsizləşdirilməzsə, bu müdhiş işini davam etdirəcək...
 
*** ***
 
Kimlərsə, sual edə bilər ki, “KQB”-ni, “QRU”-nu anladıq, bəs bu “PKK” minaları nə demək?..
Çox sadə... 1960-1980-ci illərdə Yaxın Şərq – əsasən İraq və Türkiyədə əsası qoyulan həmin terrorçu təşkilatın Kremlin məhz “KQB”-nin Azərbaycan və Ermənistan şöbələri vasitəsilə formalaşdırıb koordinə etdiyinə şübhə yoxdur. Bir az dərinə getsək, hələ  “ASALA” minaları da üzə çıxar... 
 
*** ***
 
Bəs bu canlı sovet-Rusiya minalarını zərərsizləşdirmək üçün nə etmək gərəkdir? Əlbəttə ki, öncə heç olmasa, “KQB”-nin Bakıda - əlimizin altında olan arxivlərini açaraq həmin "mina"ların kimliyini hüquqi cəhətdən, de-yure təsdiqləmək və onlara etdikləri cinayətlərə görə layiqli cəza verməklə yanaşı, özlərini də, vəzifədə olan oğul-qız, yaxın qohum-əqrəbasını da dövlət vəzifələrindən uzaqlaşdırmaq. Onlara heç Azərbaycanda özəl şirkət rəhbəri olmağa da imkan yaratmaq doğru deyil...
 
*** ***
 
Əgər Bakıdakı arxivlər yetərli  deyilsə, Azərbaycanın müstəqil(!) dövləti Rusiyanın Moskvadakı, Sankt-Peterburqdakı müvafiq arxivlərində araşdırma aparılmasını Kremldən tələb etməlidir. Müstəqil dövlətin buna kifayət qədər haqqı var... Əgər bundan imtina edilərsə, MİT, “Mİ-6”, “Mossad”, “CİA”  və s. kimi həmin arxivlərə girmə imkanı olan müttəfiq ölkə kəşfiyyatlarının dəstəyindən də yararlanmaq olar...
 
*** ***
 
Ötən illər ərzində DTK arxivləri mövzusunda dediyim fikirləri bir az da genişlənmiş formada yenidən təkrarlamağa məcburam... 
 
*** ***
 
...2019-cu ildə Latviyada  müstəqillik dövründə iki dəfə baş nazir olmuş şəxsin ”KQB” agenti çıxması haqqındakı son xəbər  bu sualın yenidən qoyulmasına şərait yaratdı: “Niyə Pribaltika, Ukrayna, Şərqi Avropa ölkələrində qərbpərəstlərin “kommunizm qalıqlarından təmizlənmə qanunu” adlandırdıqları Lüstrasiya haqqında qanun qəbul edilir, hətta qonşu Gürcüstanda  buna cəhdlər olur, amma bizdə nə parlamentdən, nə digər qurumlardan belə bir təşəbbüs səslənir? Düzdür, dəfələrlə təhlükəsizlik üzrə ekspertlər agentlərin kütləvi çəkildə açıqlanmasının çətin və təhlükəli bir proses olduğunu, hətta ölkədə ailədaxili münaqişələr, siyasi qarşıdurmalar yarada biləcəyini vurğulayırlar…
 
*** ***
 
Yaxşı yadımdadır, 1994-cü ilin avqustunda Kələki kəndində mərhum eks-prezident Əbülfəz Elçibəylə jurnalist kimi bir saatdan çox davam edən söhbətimizdə suallarımdan biri də  “Siz hakimiyyətə gələndə DTK arxivlərini niyə açmadınız” oldu. Sabiq dövlət başçısı cavabında bunun Azərbaycanda vətəndaş müharibəsi ilə nəticələnə biləcəyini bildirdi…Öz növbəmdə cavab verdim ki, bəy, “KQB” arxivləri açılmadı, amma düzdü,  Azərbaycan Güney Qafqazda ilk dəfə olaraq Rusiya ordusunu ərazisindən çıxardı,  fəqət, əvəzində  hər biri bir orduya bərabər “KQB” və “QRU” generalları başda olmaqla Moskvanın on minlərlə agent, xəfiyyə və çuğulundan ibarət agentura şəbəkəsi ölkəmizdə qaldı... Son nəticədə sizin rəhbəri olduğunuz hakimiyyət devrildi və ardınca Azərbaycanın daha 6 rayonu işğal edildi və on minlərlə soydaşımız həlak oldu, yarım milyona yaxın insanımız doğma yurd-yuvasından didərgin düşdü... Vətəndaş savaşı olsaydı belə, bundan çoxmu ziyan vurardı Azərbaycana?..  
 
*** ***
 
Onu da deyim ki, Əbülfəz Elçibəyin o vaxtkı müsahibəsinin xeyli hissəsini kabinetindən də, kostyumundan da arxivlərinin yarısının açılmadığı "37-ci il"in qoxusu gələn yoldaş Cahangir İldırımzadənin başçılığıyla möhtərəm senzura söküb çıxarmışdı...
 
*** ***
 
...O da maraqlıdır ki, AXC hakimiyyəti dövründə Elçibəydən sonra ikinci şəxs olan sabiq parlament sədri və Müsavat başqanı İsa Qəmbər ondan təxminən 8 ay öncə -1994-cü ilin yanvarında bəndənizin oxşar sualına “Mən və dostlarım DTK arxivlərinin açılmasından ehtiyat etmirik” cavabını vermişdi…
 
*** ***
 
Doğrudur,  vətəndaş müharibəsi də dövlətçilik üçün təhlükəlidir. Amma əvvəla, sual olunur: bəs niyə  “KQB” arxivlərinin açıldığı digər ölkələrdə, o cümlədən Latviyada belə bir müharibə olmadı? Heç xırda bir iğtişaş da, ailə münaqişəsi də yaranmadı. Düzdü, kimlərsə deyə bilər ki, Baltikyanı respublika xalqlarının siyasi şüur səviyyəsi bizimkindən yüksəkdir... Bununla belə,  onların təcrübəsindən yararlanıb, arxivlərin açılması mexanizmini öyrənib eyni işi görə bilərik…
 
İkincisi,  öncə dediyim kimi, 1992-1994-cü illərdə davam edən işğallar və 1 milyandan çox insanımızın 30 ilə yaxın müddətdə qaçqın—köçkün həyatı sürməsi, torpaqlarımızın 20 faizinin işğal altında qalması və talan olunması azmı zərbə vurdu dövlətçiliyimizə? Böyük ehtimalla DTK arxivləri vaxtında açılsaydı, torpaqlarımız bu səviyyədə işğal olunmazdı. 
 
Üçüncüsü, müstəqil hesab edilən  ölkədə nəhəng bir imperiyanın xüsusi xidmət və kəşfiyyat şəbəkəsinin qalıqlarının, inventarlarının  belə, qalması və açıqlanmadan, arın-arxayın Azərbaycan əleyhinə fəaliyyətini davam etdirməsi  vətəndaş müharibəsindən də təhlükəlidir. 
 
Dördüncüsü  də, biz demirik ki, agentura şəbəkələri xırdalığına qədər, ailə-məişət səviyyəsində açıqlansın. Ən azı, müvafiq dövlət komissiyası tərəfindən önəmli vəzifə postları tutan, siyasət meydanında fəallıq göstərənlərin üzə çıxması önəmlidir… Necə ki, xəbər verildiyi kimi, son dövrlərdə Latviyanın arxivlərinin müəyyən qisminin açılması nəticəsində ölkənin tanınmış ictimai-siyasi xadimlərinin, dövlət rəsmilərinin, jurnalistlərin və idmançıların DTK agenti olması üzə çıxıb. Arxivlər açıqlanarkən Latviyanın müstəqilliyi dövründə iki dəfə baş naziri olan İvars Qodsmanın, Riqa və bütün Latviya mitropolu Aleksandrın, Latviyanın müstəqilliyi uğrunda tanınmış ictimai-siyasi xadim Mavrik Vultsfon, Dauqvapilsin sabiq meri Rixard Eyqim, əfsənavi basketbolçu, SSRİ yığmasının keçmiş kapitanı Valdis Valters, populyar “Lida” iaşə şəbəkəsinin yaradıcısı Qunars Kirsons və digərlərinin DTK agenti olması rəsmi qaydada təsdiqlənib...
 
*** ***
 
Düzdü, SSRİ dağılarkən Moskvanın Bakıdakı kəşfiyyat və agentura arxivlərinin xeyli hissəsini çıxarması, yandırması mümkündür.   Sovet Latviyası DTK-nın əks-kəşfiyyat idarəsinin sabiq rəisi Bruno Şteynbrik də təsdiq edib ki, Latviya müstəqilliyini əldə edəndə ölkə ilə bağlı əsas informasiyalar və  vacib olan agentlərin kartotekaları ölkədən çıxarılıb. Amma buna rəğmən
Latviya DTK ilə əməkdaşlıq etmiş şəxslərin adlarını açmaqda israrlıdır və bu işi davam etdirmək niyyətindədir… Ona görə ki, öncə dediyimiz kimi, ölkədə imperiyadan qalma xarici kəşfiyyat şəbəkəsinin  varlığı hədsiz dərəcədə təhlükəlidir…
 
*** ***
 
Yeri gəlmişkən, Latviyanın müstəqillik əldə etdikdən sonra qısa müddətdə Avropaya inteqrasiya etməsi və NATO-ya üzv qəbul edilməsinin bir səbəblərindən biri də məhz “KQB” arxivlərinin açılmasıyla bu ölkənin öz ərazisində Rusiyanın “5-ci kalon”unun formalaşıb qalma riskindən qurtulması oldu... Amma Ermənistan kimi Azərbaycanda da “5-ci kalon” minaları hər addımda ayağımıza dolaşır...   
 
*** ***
 
Təxminən, 2001-ci ildə Mirzə Xəzər “Azadlıq” radiosundakı bir şərhində ABŞ MKİ-yə istinadla belə bir faktı səsləndirmişdi: “Azərbaycanda 80 minə yaxın Rusiya agenti var…” Rəhmətliyin özü ilə də bu barədə üzbəüz söhbətimiz olmuşdu... O dövrdə əhalinin 8 milyon nəfərə yaxın olduğunu nəzərə alsaq, bu o demək idi ki, hər 100 nəfərdən biri Rusiya agenti olub. Və belə çıxır ki, hər kiçik kənddə, binada belə, Rusiyanın agenti olub və  hələ də var… Bu gün isə “Həmin agentura şəbəkəsi məhz  DTK arxivlərinin açılmaması sayəsində güclü bir ordu sayına(təxm 100 min nəfər) bərabər olub” desək, yəqin ki, yanılmarıq… 
 
*** ***
 
Dərindən düşünəndə adamı dəhşət bürüyür. Bəlkə elə on illərdir işdən azad edildikcə, tutulduqca bitib tükənməyən, ölkənin sərvətlərini, milyonlarını talayan bu korrupsionerlər, dələduzların başçıları elə “KQB” agentləridir? Yəqin, elə o boyda keçmiş Milli Təhlükəsilik Nazirliyini dələduzxanaya, “gestapo”ya çevirən də, Beynəlxalq Bankı talan edən də və s. elə həmin agentura şəbəkəsi imiş… İndi oturaq gözləyək ki, bu dələduz, “KQB”-korrupsiya-oliqarxiya şəbəkəsi rüşvətxorluğu yaymaqda davam etsin?.. Özü də Putin Ukraynanı işğal edib bizi də “nüvə zərbələri” ilə, ərazimizdə guya ABŞ-ın bioloji laboratoriyaları olması haqda təhdid etdirdiyi bir  zamanda...
 
*** ***
 
Birdən adama elə gəlir ki, 1991-ci ildən bəri Kremldən “KQB”-nin, “QRU”-nun  ölkəmizdəki gizli qalmış agentura şəbəkələrinə tapşırıq verilib ki, daraşın bu müstəqil olmaq istəyən Azərbaycanın bütün mövcud strukturlarına və onları rüşvətxorluğa, korrupsiyaya, bürokratiyaya elə bələyin ki,  xalq daim hökumətdən narazı qalsın və sonda  SSRİ nostaljisi ilə desin ki, biz yenidən Moskvanın tabeliyində yaşamaq istəyirik…
 
*** ***
 
DTK arxivlərinin açılmasının Qarabağın tamamilə azad edilməsində və Qafqazdakı “erməni məsələsi”nin birdəfəlik çözülməsində də rolu ola bilər. Çünki bəzi mənbələrə görə, 1987-ci ildən bəri Azərbaycan və erməni xalqları arasındakı ziddiyyətləri qızışdırmaq və silahlı qarşıdurmaya çevirmək üçün hər iki tərəfdən məhz SSRİ-ni  çökürtmək istəyən ABŞ, Britaniya  və s. kəşfiyyatları ilə əlbir işləyən “KQB”, “QRU” agentləri böyük rol oynayıblar…
 
*** ***
 
Kimsə düşünməsin ki, ifşa olunmalı “KQB” agentləri deyiləndə aralarında bu gün də rəsmi vəzifədə olub-olmamasına rəğmən xalqa, dövlətə xidmət etməyə çalışan vicdanlı şəxslərin olduğu Azərbaycan SSR DTK-nın bütün general və zabitləri də nəzərdə tutulur. Əlbəttə, xalqa, dövlətə gerçək münasibətləri, özlərinin və ailələrinin həyat tərzi ilə ömürləri boyu Moskva “KQB”-“FSB”-nin şantajı altında olanlar istisnadır...
 
*** ***
 
Çox həssas günləri yaşayırıq... Ukraynadakı “xüsusi əməliyyatı”nda həm mənəvi-ruhi, həm geostrateji və həm də güc, sayları nisbətləri baxımından fiziki, hərbi, texniki cəhətdən də uduzan Putin diktaturası yarımçıq da olsa, 9 may paradını keçirə bilirsə, deməli, hələ Rusiya imperiyasının tam mənada çöküşü xeyli çəkəcək... Və SSRİ-nin dağıldığı illərdə olduğu kimi Rusiyanın çöküşü də Azərbaycan üçün də ciddi fəsadlar törədə bilər... Ən azı ona görə ki, məhz arxivləri bağlı qalmış şəbəkəsi sayəsində əksər keçmiş müttəfiq respublikalarda olduğu kimi, Azərbaycanda da “KQB”-FSB”-korrupsiya-oliqarxiya şəbəkəsinin filialı və onun himayə etdiyi varlılı-kasıblı, vəzifəli-vəzifəsiz “5-ci kalon” hələ də işləkdir... 
 
*** ***
 
1988-1991-ci illərdə  “KQB” arxivlərini açmaq üçün hüquqi imkanımız yox idi... Amma gec olsa da, bu gün həmin “xəritəni” açıb “KQB”-“QRU”-“PKK”-nin canlı minalarını zərərsizləşdirmək imkanımız kifayət qədərdir... Lazım gəlsə, ən azı, qardaş(!) Türkiyənin MİT-i də arxamızdadır...
 
*** 
 
Bilirsiz, Putin lap bu gün-sabah elə onu başa gətirmiş və özünün 22 ildə daha da möhkəmlətdiyi şəbəkə tərəfindən aradan götürülsə də, həmin “KQB”-“FSB”+ “QRU” şəbəkəsi özünə bir az yumşaq olsa da, başqa bir lider seçib Rusiyanı əldən verməməyə çalışacaq. Və həmin müddətdə kimin harda, nə vaxt, nə edəcəyi bəlli deyil... Amma bu boşluqdan yararlanıb Kremlin içimizdəki ən təhlükəli minalarını zərərsizləşdirmək olar... Yoxsa onların hələ başımıza nə işlər açacağını bilmək olmaz... "Putin “SSRİ-2” planında Azərbaycana dəyməyəcək” deyə arxayın qalmaq da olmaz... 
****
 
Rəhmətlik dəyərli həmkarımız Qeyrət Quliyevin hələ 1997-ci ildə dediyi kimi: "Bildiririk ki, bilmədiklərinizi bilmək üçün bildiyiniz bir binanın bilinməyən sirləri bilinməlidir... İqtidar olub müxalifət olanlar və müxalifət olub iqtidar olanlar əllərində səlahiyyət olanda o binanın arxivlərini açmadılar və... yox, nə vaxtsa hansısa komanda oranı açacaq. Bunu dəqiq bilirik..."
 
*** ***
 
Əlbəttə, Azərbaycanın söylədiyimiz təhlükələrə qarşı mübarizə apara bilən müvafiq qurumları var və onlar dünya, region və ölkədəki durumu da, gələcək üçün hansı tədbirlər görülməli olduğunu da bizlərdən yaxşı  bilirlər.  Biz, sadəcə, bir vətəndaş, jurnalist olaraq  bizləri narahat edən məsələri dilə gətirməyi özümüzə borc bilirik. Gerisi təqdiri-ilahidir…
 
Sultan Laçın
 
Oxşar xəbərlər
N.Tusi adına Klinika
00:45, Bu gün
Rübabə Muradovanın əldən-ələ keçən qavalının aqibəti Moderator.az-ın xüsusi araşdırmasında...
00:42, Bu gün
Sonsuzluqdan əziyyət çəkən qadın 9 uşaq doğdu: "9 tək rəqəmdir, birini də istəyərdim..."
00:23, Bu gün
İsrailin kənd təsərrüfatı naziri: “Azərbaycandan buğda almağa hazırıq”
00:01, Bu gün
Məşhur filmlərin bəstəkarı vəfat etdi
19 May 2022 | 23:41
Bu tərəvəzlər siqaretin zərərini azaltmağa kömək edəcək - Kərəviz, cəfəri və kök...
19 May 2022 | 23:37
“Deyirdi ki, uşaqlar ağlamasın, amma özü bizi ağlar qoyub getdi...” - FOTO
19 May 2022 | 22:45
Broyler toyuqlara iynə vurulur? - Mütəxəssis Şəlalə Zeynalovadan AÇIQLAMA + VİDEO
19 May 2022 | 22:24
“Fəxri adı mənə Zeynəb Xanlarova verdirdi, kənd uşağı olduğuma görə mənə dəstək oldu...”
19 May 2022 | 22:07
İlham Əliyevlə Paşinyanın bu tarixdə Brüsseldə görüşəcəyi iddia edildi...
19 May 2022 | 22:03
ABŞ Ukraynaya əlavə 100 milyon dollarlıq yardım edəcək
19 May 2022 | 22:00
"Mən ona atəş açmaq istəmirdim, anlayırdım ki, qarşımdakı mülki şəxsdir..."
19 May 2022 | 21:47
“Mercedes-Benz” 17 000-dən çox avtomobili geri çağırır
19 May 2022 | 20:47
“Ədliyyə orqanlarında və məhkəmələrdə kommunikasiya siyasəti” mövzusunda təlim keçirilib
19 May 2022 | 20:32
BDU-da simvologiya haqqında təlim...
19 May 2022 | 20:30
"İnsanları qidalandıra bilmiriksə, deməli, münaqişələri qidalandırırıq"
19 May 2022 | 20:27
BDU kollektivi DTX-nın “Şöhrət” muzeyini ziyarət edib
19 May 2022 | 20:25
BDU-da “Kimya və kimya texnologiyası” mövzusunda Respublika elmi konfransı
19 May 2022 | 20:23
Biologiya fakültəsinin tələbələri istehsalat təcrübəsində...
19 May 2022 | 20:22
BDU-da elmi nəşrlərin beynəlxalq reytinq göstəricilərini yaxşılaşdırmaq imkanları müzakirə olunub
19 May 2022 | 20:18
Bugünədək Mediasiya Şurasına 15018 iş daxil olub
19 May 2022 | 19:19
"İran "Ağıllı kəndlər"in İsrail kəşfiyyatının bazaları olduğundan şübhələnir..."
19 May 2022 | 19:18
Ədliyyə naziri Şəmkirdə ətraf rayonlardan olan vətəndaşların qəbulunu keçirdi
19 May 2022 | 18:55
MN: “Azad edilən ərazilərdə 140 km-dən artıq yeni təminat yolu çəkilib” - FOTO/VİDEO
19 May 2022 | 18:41
SOCAR-ın vitse-prezidenti şirkətdə hansı kadrlara tələbat olduğunu AÇIQLADI
19 May 2022 | 18:30
Azərbaycana qarşı hücumlar və Ermənistanın himayəçiləri - ŞƏRH
19 May 2022 | 18:25
Dövlət əmlakının özəlləşdirilməsi ilə bağlı qanunda dəyişiklik TƏSDİQLƏNDİ
19 May 2022 | 18:22
“Uşaq evində böyüdüm, 8 il həbs yatdım” - Nizami Rəmzinin oğlu
19 May 2022 | 18:21
Səfir: “Ukrayna Finlandiya və İsveç kimi tez bir zamanda NATO-ya üzv ola bilər”
19 May 2022 | 18:20
İki rayona yeni rəis TƏYİN EDİLDİ
19 May 2022 | 18:16
Bakıda oğlan ailə məsələsinə görə özünü öldürmək istədi
19 May 2022 | 18:12
İspaniyanın didərgin düşmüş keçmiş kralı illər sonra vətəninə qayıdır - FOTO
19 May 2022 | 18:05
"Bu gün mütləq şərin rəmzi olan bir ad və ona qarşı birləşən dünya mövcuddur"
19 May 2022 | 18:04
"Azəriqaz" İB-nin xanım əməkdaşı təqaüdə yola salındı
19 May 2022 | 17:54
Türkiyənin kənd təsərrüfatı və meşəçilik naziri Qarabağa səfər edəcək
19 May 2022 | 17:52
“Putini kəsdilər və bu, hələ son deyil... -O, artıq Türkiyəyə uçmayacaq...”-VİDEO
19 May 2022 | 17:50
ABŞ-ın Ermənistandakı səfiri: "Azərbaycanla Ermənistan arasında sülh danışıqlarına..."
19 May 2022 | 17:49
Norveçin keçmiş deputatı Ukrayna uğrunda döyüşlərə qatılıb - FOTO
19 May 2022 | 17:48
ABŞ Rusiyanın neft gəlirlərinə zərbə vurmağa hazırlaşır
19 May 2022 | 17:47
Ukrayna kəşfiyyatı keçmiş deputatın qardaşını saxladı - şəhərdə partlayış planlayırmış
19 May 2022 | 17:40
Avropa Parlamentində Azərbaycanla əməkdaşlığın inkişafı müzakirə olunub - FOTO
19 May 2022 | 17:37
Məşhurlarımızın bilinməyən əsl adları - ARAŞDIRMA + FOTO
19 May 2022 | 17:31
Türkiyə razı olacaq, ancaq bunları alandan sonra...
19 May 2022 | 17:28
Fələstin səfiri: “Ümid edirəm ki, Qarabağda mina problemi tezliklə həllini tapacaq”
19 May 2022 | 17:25
Rusiya iqtisadiyyatı gözləndiyindən çox zəifləyib – “Bloomberg”
19 May 2022 | 17:23
Bakıda polis maşını qadını vurub? - DYP-dən AÇIQLAMA - VİDEO
19 May 2022 | 17:12
Krım ssenarisi davam edəcək?.. - Kreml Xerson və Zaporojye barədə planlarını açıqlayıb...
19 May 2022 | 17:10
Qarabağda işləmək istəyənlərin NƏZƏRİNƏ - FOTO/VİDEO
19 May 2022 | 17:10
Öhdəliklərə əməl etməyən İrəvan: Anklav, vassal, xidmətçi Ermənistan... - ŞƏRH
19 May 2022 | 17:08
Almaniya kansleri: "Putin daha sülh şərtlərini diktə etməyəcək"
19 May 2022 | 17:04
Sərdar Çam: “Türkiyə hər zaman Azərbaycanın yanındadır”
19 May 2022 | 17:04
Litvanın "INTA" şirkətinin nümayəndələri Azərbaycan-Litva biznes forumu səfəri çərçivəsində Gömrük Akademiyasında olublar
19 May 2022 | 16:59
Dövlət Komitəsinin sədri Mingəçevirdə vətəndaşları qəbul edib
19 May 2022 | 16:56
Bazarda qiymətlər AT BELİNDƏ - Ərzaq böhranından XİLAS YOLU...
19 May 2022 | 16:51
Gömrük Akademiyası ECAR layihəsi çərçivəsində İsveçdə keçirilən seminarda təmsil olunur
19 May 2022 | 16:48
Balıqovlama biletinin verilməsi dövlət rüsumuna cəlb olunacaq
19 May 2022 | 16:46
"Deyirlər sən düz söz deyənsən, yalandan tərifləməzsən, eləsi var, az qalır desin ki..."
19 May 2022 | 16:44
Keçmiş baş nazirin qatillərindən biri azadlığa buraxılıb
19 May 2022 | 16:43
BSU-da Məmməd Səid Ordubadinin 150 illik yubileyi qeyd olunub
19 May 2022 | 16:40
Türkiyənin tanınmış ədəbiyyatşünas alimi və yazıçısı Ali Kafkasyalı BDU-da
19 May 2022 | 16:40
Qusarda gənc oğlan anasının başını niyə kəsib? – ŞOK TƏFƏRRÜAT
19 May 2022 | 16:39
"Kadırovçular talançı, rusiyalı "spesnaz" daha qəddar və qaniçəndir, Omsk desantçıları isə..."
19 May 2022 | 16:35
Türkiyə və Azərbaycanda imtahan suallarını satan şəxslər həbs edildilər - RƏSMİ
19 May 2022 | 16:34
BDU alimlərinin həmmüəllif olduqları məqalə impakt faktorlu jurnalda çap olunub
19 May 2022 | 16:23
Azərbaycanda hibrid avtomobillərinə güzəştlər tətbiq edilməyə başlanılıb
19 May 2022 | 16:20
TDT-nin baş katibi: “Azərbaycanın 44 günlük müharibədə qələbəsi bütün türk dünyasının qələbəsidir”
19 May 2022 | 16:18
Bakının məşhur parkındakı yaşıllıqlar niyə məhv olur? - AÇIQLAMA
19 May 2022 | 16:17
Aydın Kərimov: “Şuşada birinci yaşayış kompleksinin tikintisi üzərində işlər aparılır”
19 May 2022 | 16:16
Şuşada türkdilli dövlətlərin dini liderlərinin toplantısı keçiriləcək
19 May 2022 | 16:11
İrəvan biolaboratoriyaları etiraf etdi: "Yalnız ermənilər çalışır"
19 May 2022 | 16:08
Rusiyalı deputat Finlandiya və İsveçi atom bombası ilə HƏDƏLƏDİ - VİDEO
19 May 2022 | 15:57
“Azəriqaz” İB yanında İctimai Şura növbəti monitorinq keçirib - FOTOLAR
19 May 2022 | 15:51
Çay daşlarından unikal sənət nümunələri yaradan Xaçmaz sakini - VİDEO
19 May 2022 | 15:44
Qənirə Paşayeva Xalq artistini 65 illik yubileyi münasibəti ilə təbrik edib - FOTO
19 May 2022 | 15:40
İndi də “Meymun çiçəyi” virusu yayılır - Ancaq kişilər yoluxur
19 May 2022 | 15:38
Qalmaqallı görüntülərindən danışan Renka: "Bu VİDEOdan sonra məclislərim çoxaldı"
19 May 2022 | 15:34
Ermənistan Azərbaycanla sərhədin delimitasiyası üzrə komissiyanın tərkibini formalaşdırıb
19 May 2022 | 15:22
Hindistanlı turist Azərbaycan dağlarında YOXA ÇIXDI
19 May 2022 | 15:02
Arestoviç Rusiya ilə barışığın yeganə variantını AÇIQLADI
19 May 2022 | 15:01
Rusiya MN müharibədə istifadə olunan "Z" və "V" işarələrinin mənasına aydınlıq gətirib
19 May 2022 | 14:58
Prezident Administrasiyasında bu şöbə ləğv olundu
19 May 2022 | 14:56
“Gənc istedadlar” liseyinin şagirdləri ABŞ-da sertifikat və medala layiq görülüblər
19 May 2022 | 14:49
Sabah "Azəriqaz”ın növbəti “Açıq qapı” aksiyası keçiriləcək
19 May 2022 | 14:47
Zelenskinin Putinin qızı ilə görüşdüyü bəlli oldu...-"Der Spiegel” 
19 May 2022 | 14:41
Əli Həsənov Şahbaz Quliyevin ittihamlarına cavab verdi: “Şahbazı tanımıram"
19 May 2022 | 14:38
Azərbaycanlı tələbələr İsrailə səfər edəcəklər
19 May 2022 | 14:36
Ərdoğanın mesajından sonra geri addım – “Ankaranın şərtini yerinə yetirməsək..."
19 May 2022 | 14:36
"Hazırda ruslar səylərini bir şəhərin, bir kəndin, bəzən yolayrıcının ələ keçirilməsinə yönəldib"
19 May 2022 | 14:33
TƏBİB Qadir İbrahimlinin kəskin qaraciyər sirrozu olduğunu açıqlayıb, vəziyyəti ağırdır...
19 May 2022 | 14:33
Akademiyada vəzifə saxtakarlığı: Cinayət işi başlanıb
19 May 2022 | 14:32
İrəvan "Qazaxıstan ssenarisi"nə hazırlaşır?
19 May 2022 | 14:30
Şuşada beynəlxalq konfrans başlayıb - FOTO
19 May 2022 | 14:28
Paşinyan Azərbaycanı aldatdı? - Ermənistan üçün "ölüm zəngi" ÇALINIR
19 May 2022 | 14:28
BDU-da Beynəlxalq Muzeylər Günü qeyd olunub
19 May 2022 | 14:25
Cabir İmanov biznesə başladı
19 May 2022 | 14:25
BDU-nun Jurnalistika fakültəsinin tələbələri üçün yeni imkan
19 May 2022 | 14:14
SOCAR işçisinin adı keçən şok cinayət işi: Yarım milyona yaxın pul... – TƏFƏRRÜAT
19 May 2022 | 14:10
İranda bahalığa qarşı etirazlar qızışır: Tanklar şəhər küçələrində, ölən və yaralananlar var - VİDEO
19 May 2022 | 14:08
Gəncə Avtomobil Zavodu ilə Belarusun iki müəssisəsi arasında memorandumlar imzalanıb - FOTO
19 May 2022 | 14:06
Sabina Katanovanın 130 min manatını mənimsəyən vəkil HƏBS EDİLDİ
19 May 2022 | 14:01
Ərdoğan: “İsveç əsl terror yuvasıdır”
GÜNLÜK
19 May 2022 | 10:26
“Bizi kənddən çıxarmaq istəsələr, silaha sarılacağıq...”-Laçının kəndindəki Andranik...
19 May 2022 | 07:55
Ukrayna aviasiyası Rusiyanın 20-yə yaxın zirehli texnikasını məhv etdi...
19 May 2022 | 11:25
Bizim inşaatçılar ermənilərin arasında Laçın dəhlizinə alternativ yolu belə çəkir...-REPORTAJ
19 May 2022 | 08:32
Rusiyada 12-ci hərbi komissarlıq da yandırıldı...-VİDEO
19 May 2022 | 09:16
10 yaşlı bədii qiraətçi Zəhra İmranlı Azərbaycan radiosunun keçirdiyi müsabiqədə birinci oldu -VİDEO
19 May 2022 | 14:47
Zelenskinin Putinin qızı ilə görüşdüyü bəlli oldu...-"Der Spiegel” 
19 May 2022 | 07:09
"Vaxtlı-vaxtında namaz qılmaq insanın gündəlik həyata uyğunlaşmasını təmin edir..."
19 May 2022 | 09:24
Rəşad Dağlı təhdid olunduğu üçün üzr istəyib? - Özü açıqladı
19 May 2022 | 09:20
Taleh atasını öldürdüyü qızla 4 ay əvvəl evlənibmiş
19 May 2022 | 08:50
Vitse-spiker: “Paşinyan cinayətkar polisləri 6,5 milyon dollar mükafatlandırıb”
HƏFTƏLİK
17 May 2022 | 01:19
“Zaura dedim ki, mənimlə zarafat etmə, canlı efirdə cavab qaytardım, dedi ki...”
16 May 2022 | 11:45
"Rusiya ordusu Sxinvalidə - Qarabağda ara qarışarsa, ora dəhliz açmaq üçün dayanıb...”
14 May 2022 | 11:25
“Bu dəfə atəşkəsin uzanmaması üçün ən əsas vəzifə Qarabağın məskunlaşdırılmasıdır...”
14 May 2022 | 12:59
Xüsusi təyinatlı komandirlər... - Əfsanəvi zabitlər kimlərdir?
16 May 2022 | 18:09
“Rusiyanın hazırkı elitası yalnız korrupsioner və oğrulardan ibarətdir...”
14 May 2022 | 17:54
“Hayastan” fondu Tərtər rayonu ərazisində yeni yol çəkilişini davam etdirir...-VİDEO
14 May 2022 | 12:51
"Nə zaman ki “biz” içimizdəki “mən”dən bir az yuxarı olacaq, onda xor oxuyacağıq..."
17 May 2022 | 21:08
Laçın rayonunun Rusiyanın nəzarətində qalan hissəsində son durum...-ARAŞDIRMA
18 May 2022 | 15:06
"Qarabağda erməni və azərbaycanlının belə yaxın dayandığını ilk dəfə gördüm..."-VİDEO
15 May 2022 | 10:21
“Bir gecəyə məşhurlaşdım, mahnımı oxuyaraq arxamca düşürdülər...”  - FOTOLAR
AYLIQ
19 May 2022 | 10:26
“Bizi kənddən çıxarmaq istəsələr, silaha sarılacağıq...”-Laçının kəndindəki Andranik...
19 May 2022 | 07:55
Ukrayna aviasiyası Rusiyanın 20-yə yaxın zirehli texnikasını məhv etdi...
19 May 2022 | 11:25
Bizim inşaatçılar ermənilərin arasında Laçın dəhlizinə alternativ yolu belə çəkir...-REPORTAJ
19 May 2022 | 08:32
Rusiyada 12-ci hərbi komissarlıq da yandırıldı...-VİDEO
19 May 2022 | 09:16
10 yaşlı bədii qiraətçi Zəhra İmranlı Azərbaycan radiosunun keçirdiyi müsabiqədə birinci oldu -VİDEO
19 May 2022 | 14:47
Zelenskinin Putinin qızı ilə görüşdüyü bəlli oldu...-"Der Spiegel” 
19 May 2022 | 07:09
"Vaxtlı-vaxtında namaz qılmaq insanın gündəlik həyata uyğunlaşmasını təmin edir..."
19 May 2022 | 09:24
Rəşad Dağlı təhdid olunduğu üçün üzr istəyib? - Özü açıqladı
19 May 2022 | 09:20
Taleh atasını öldürdüyü qızla 4 ay əvvəl evlənibmiş
19 May 2022 | 08:50
Vitse-spiker: “Paşinyan cinayətkar polisləri 6,5 milyon dollar mükafatlandırıb”