Paşinyan deputatlığa namizəd Andranik Tevanyanı dövlətə xəyanətdə ittiham edib

Ermənistanın Baş naziri Nikol Paşinyan "Çiçəklənən Ermənistan" partiyasından deputatlığa namizəd Andranik Tevanyanı xəyanətdə ittiham edib.

Moderator.az-ın Ermənistan KİV-inə istinadən verdiyi məlumata görə, Baş nazir bu barədə Vanadzorda keçirilən seçkiqabağı mitinqdə bildirib.

"Sabah Ermənistan Milli Təhlükəsizlik Xidməti cinayətlə bağlı müəyyən edilmiş prosedura uyğun olaraq İstintaq Komitəsinə hesabat təqdim edəcək və Andranik Tevanyana qarşı dövlətə xəyanət ittihamı ilə cinayət işi açmaq ümidi ilə. Biz Ermənistan Respublikasında bu casus şəbəkəsini tamamilə məhv edəcəyik", - deyə Paşinyan vurğulayıb.

2026-cı ilin fevral ayında Andranik Tevanyanın rəhbərlik etdiyi "Ana Ermənistan" partiyası, Qaqik Tsarukyanın rəhbərlik etdiyi "Çiçəklənən Ermənistan" partiyası ilə birlikdə parlament seçkilərində iştirak edəcəyini elan edib. Tevanyan "Çiçəklənən Ermənistan" partiyasının seçki siyahısında ikinci yerdədir.