"Bu hadisələr Rusiyanı öz qüvvə və vasitələrini xərcləməyə və əlavə resurslar cəlb etməyə vadar edir..."

 

"Ukrayna digər qitələrdə Rusiya ilə döyüşənləri axtarır və düşməni tükəndirmək üçün onları birləşdirir..."

 

Rusiyanın özəl hərbi şirkətlərinin quldur fəaliyyəti sahəsində inhisarçılığı sona yetir. Bu cinayətkarları yerində oturdacaq qüvvələr var.

 

Moderator.az xəbər verir ki, bu barədə Ukrayna Müdafiə Nazirliyi Baş Kəşfiyyat İdarəsinin (BKİ) nümayəndəsi Andrey Yusov bəyan edib. Məlumatı "focus.ua" nəşri yazıb.

 

Yusov BKİ-nin Suriyada Rusiya qoşunlarının mövqelərinə zərbələrdə əli olduğu barədə məlumatı təsdiq etməkdən imtina edib.

 

"Suriya ilə bağlı məlumatı nə təsdiq, nə də təkzib edə bilərik. Bəli, hörmətli KİV-lər məlumat yayır, mənbələr məlumat verir. Lakin fakt faktlığında qalır, kimsə Suriyada Rusiya bazasına hücum edib və bunun müvafiq nəticələri var. Təcavüzkar dövlət dünyanın müxtəlif guşələrində özünün qanunsuz əməllərinə görə məsuliyyət daşımalıdır, hərbi cinayətkarlar isə cəzalandırılmalıdır", - Yusov vurğulayıb.

 

O, həmçinim BKİ-nin xüsusi təyinatlılarının Malidə əməliyyatda əli olduğu barədə məlumatı birbaşa təsdiq etməyib. Həmin əməliyyatda Rusiyanın "Vaqner" özəl hərbi şirkəti muzdlularının kolonu darmadağın edilib.

 

"Müxtəlif guşələrdən məlumatlar dolaşır. Əvvəlcə Sudan, sonra Mali. Daha bir neçə ölkələrdə baş verən hadisələr KİV-lərdə işıqlanndırılmayıb. 

 

Məsələn, Suriyanı götürək. Aydındır ki, söhbət Rusiyanın "Vaqner" özəl hərbi şirkətinin dünyada, o cümlədən Afrikada quldur və piratçılıq "fəaliyyəti" sahəsində inhisarçılığından gedir ki, bu da sona yetməkdədir", - o, qeyd edib.

 

Yusov vurğulayıb ki, bu hadisələr nəticəsində Rusiya nüfuzunu itirib. "Və bu barədə bütün dünya danışır", - o, qeyd edib.

 

Yusov deyib ki, Malidə öldürülən "vaqnerçilərin" sayı haqqında məlumatlar dəqiqləşdirir. Əsirlər daha çox olub, lakin bəziləri yerindəcə mübadilə edilib.

 

Eyni zamanda Yusov tuareqlərin həqiqətən əsirləri təhvil vermək istəməsi barədə suala cavab verməkdən imtiha edivb. "Bu həssas məsələdir, hələ gözləmək lazımdır".

 

Yusov qeyd edib ki, Malidəki hadisələrin həm də hərbi nəticələri var, çünki bu hadisələrdən sonra Rusiya oraya digər guşələrdən, o cümlədən Afrikadan əlavə muzdlular və terrorçular göndərib.

 

"Bu, düşməni qüvvə və vasitələrini xərcləməyə və öz kontingentinin müdafiəsinə əlavə resurslar cəlb etməyə vadar edir. Bütövlükdə bunlar çox yaxşı proseslərdir və dünyanın müxtəlif guşələrində belə əməliyyatları həyata keçirən cəsur və qəhrəman insanlara minnətdarlıq düşür", - Yusov vurğulayıb.

 

O, bundan sonra da bu proseslərin davam edəcəyini deyib, lakin

BKİ-nin bu əməliyyatda əlinin olduğu barədə məlumatı təsdiq və ya təkzib etməyib. 

 

Yalnız onu vurğulayıb ki, "vaqnerçilər" və digər özəl hərbi şirkətlər "Rusiyanın xüsusi xidmət orqanlarının hərbi qanadları və davamıdır, bunlar qatillər, piratlar və qarətçilərdir".

 

Yusov həmçinin BKİ rəhbəri Kirill Budanovun bütün dünya boyunca rusiyalı cinayətkarların cəzalandırılması barədə sözlərini xatırladıb. 

 

"Peşəkar və vətənpərvər insanlar təcavüzkar dövlətin həm Afrika, həm də Yer kürəsinin digər guşələrində imkanlarının azaldılması üzrə artıq növbəti tədbirlər hazırlayır", - Yusov qeyd edib.

 

Rusiyanın Suriya və Malidə problemləri

 

Xatırladaq ki, bu yaxınlarda bəlli olub ki, Malidə üsyançı tuareqlər Rusiyanın "Vaqner" özəl hərbi şirkətinin böyük kolonunu darmadağın edib.

 

"Kyiv Post" məlumat verib ki, Ukrayna xüsusi xidmət orqanları Rusiyanın Suriyadakı basasına kompleks zərbə endirib.

 

Jurnalist Andrey Popov bunu Rusiya üçün yeni cəbhələrin açılması adlandırıb. Onun sözlərinə görə, Ukrayna hazırda Rusiya ilə digər qitələrdə döyüşənləri axtarır və onu tükəndirmək üçün bu qüvvələri birləşdirir.