“Biz Qarabağa heç vaxt dönməyəcəyik – Ermənistanı da tərk etmək istəyirik...”

Depardye Parisdə saxlanıldı - Dindirilmədən sonra həbs oluna bilər

"Qərb radikal İslama qarşı üçüncü dünya savaşının qızğın çağındadır" - İsrail XİN rəhbəri

"Ukraynanın məğlubiyyəti Qərbə trilyonlarla dollara başa gələcək" - Britaniyanın sabiq müdafiə naziri

Gənc qadın konservləşdirilmiş sup yedi və iflic oldu...

“Polis tərəfindən insan hüquqlarının pozulması halları 20 faiz artıb...”- “Johovurd”

Qüdrət Həsənquliyev: "Vəziyyəti dəyişmək isə birbaşa hakim partiyadan asılıdır"

Bayden Netanyahuya Rafaha hücumla bağlı öz mövqeyini ifadə edib

"Nədən Putin nüvə silahını tətbiq etməyəcək?" - Polşa XİN rəhbəri

“Biz Qarabağa heç vaxt dönməyəcəyik – Ermənistanı da tərk etmək istəyirik...”

Oxunub: 9983

15 Apr 2021 | 14:11

“Biz Qarabağa heç vaxt dönməyəcəyik – Ermənistanı da tərk etmək istəyirik...”

Şahin Sultanyan kimilərin Sumqayıtdan Spitaka, Vanadzordan Qubadlıya, Qubadlıdan geriyə - Gümrüyə getməklə sərgərdan, faciəvi həyat yaşamasına səbəb məhz öz faşist xislətli erməni başbilənləridir...

Bu gün, xüsusən Azərbaycanın 44 günlük müzəffər savaşından sonra Ermənistandan da, Qarabağdan da bezərək xaricə köçməyə çalışan ermənilər yüz minlərlədir...

1997-ci ildən 2020-ci ilin oktyabrınadək qanunsuz olaraq Qubadlı rayonunun “Kumayri” adlandırılmış Tatar kəndində məskunlaşmış Şahin Sultanyan hazırda arvadı və 6 övladıyla bərabər Ermənistanın Gümrü şəhərində miskin bir durumda kirayədə qalır. Bu, Şahin Sultanyanın Gümrüdəki artıq ikinci həyat dövrüdür. Birinci dəfə o, buraya 5 yaşında ikən ata-anasıyla birgə yaşadıqları Spitak şəhərindəki zəlzələdən sonra gəlib...

Moderator.az xəbər verir ki, hazırda Ermənistanda Qarabağ köçkünü sayılan ailələrdən biri haqqındakı reportajı “Sputnik Armeniya” nəşri yayımlayıb.

Məlum olur ki, Şahin Sultanyan Spitaka 1988-ci ildə 4 yaşınadək yaşadığı Azərbaycanın Sumqayıt şəhərindəki məhz ermənilərin özlərinin “KQB” və digər xarici kəşfiyyat orqanlarının dəstəyi ilə törətdiyi məlum etnik qarşıdurmadan sonra gəlib. Gümrüdə bir müddət qaldıqdan və orada Təhmin adlı qızla ailə qurduqdan sonra Sultanyan valideynləri ilə birgə Vanadzora köçüb. 1997-ci ilədək orada yaşayıblar. Həmin ildə isə Ermənistan hökumətinin təşkil etdiyi qanunsuz məskunlaşdırma proqramı çərçivəsində Azərbaycan Respublikasının işğal altındakı Qubadlı rayonunun Tatar kəndinə köçürülüblər. Gümrüdən buraya köçənlərin sayı çox olduğundan bu Azərbaycan kəndinin adını “Kumayri” qoyublar. Burada Sultanyanlar ailəsi əsasən heyvandarlıqla məşğul olub. Lakin bir neçə il sonra Şahin Sultanyan eyni zamanda tikintidə işləmək üçün qış aylarında Rusiyaya getməyə də başlayıb.

2020-ci ilin oktyabrın 1-də - müharibənin 4-cü günü əri Rusiyada olan Təhmin 6 uşağı ilə birgə İrəvana təxliyə edilib. Sonradan Rusiyadan gəlib çıxan Şahin ailəsini taparaq Gümrüyə aparıb və orada ağır şəraitdə kirayənişin qalmağa başlayıblar. Özü isə digər qardaşları kimi Azərbaycana qarşı müharibəyə yollanıb. Kiçik qardaşı müharibədə itkin düşüb. İndiyədək tez-tez qardaşını tapmaq ümidi ilə Xankəndinə gedib-gəlir...

Müxbirin “Qarabağa nə vaxt qayıdacaqsınız” sualına Ş.Sultanyan qəti şəkildə “Heç vaxt” cavabını verir.

“Bəs özünüzün və övladlarınızın gələcəyini necə görürsünüz?” sualına cavabında isə “Ermənistanda heç bir gələcək görmürük. Burada da yeni bir şey yaratmaq üçün bir ruh, həvəs yoxdur. Biz Ermənistanı da tərk etmək istəyirik" -deyə ər-arvad bir ağızdan deyir...

P.S. Bu, bir ailənin nümunəsində Ermənistanın faşist, terrorçu xislətli rəhbər və ideoloqlarının öz soydaşlarının başına gətirdiklərinin acı nəticələridir. Göründüyü kimi, Spitak zəlzələsi istisna olmaqla Şahin Sultanyanın yaşadığı faciələr məhz “Böyük Ermənistan” xülyası, türkofobiya, Azərbaycanofobiya xəstəliklərinə düçar olmuş toplum başbilənlərinin öz namərd, qeyri-insani əməllərinin sayəsində baş verib. Sumqayıt hadisələrini özləri törədiblər, Azərbaycanın torpaqlarını işğal edib minlərlə Sultanyan kimiləri o yurdlarda qanunsuz olaraq özləri məskunlaşdırıblar və sonradan Azərbaycanı hərbi yolla torpaqlarını azad etməyə vadar edərək nəticədə o torpaqlara köçürülən insanların geriyə qaçqın düşməsinə də, onların qardaşlarının, digər doğmalarının döyüşlərdə ölməsinə, yaxud əsir, itkin düşmələrinə də özləri şərait yaradıblar....

Bu gün, xüsusən Azərbaycanın 44 günlük müzəffər savaşından sonra Ermənistandan da, Qarabağdan da bezərək xaricə köçməyə çalışan ermənilər yüz minlərlədir...

P.P.S. Adı da, soyadı da Azərbaycan, türk adıdır- Şahin Sultanyan. Sultan adını da, yəqin ki, babaları sonradan xəyanət etdikləri ancaq yüz illərlə himayələrində heç bir ayrı-seçkilik qoyulmadan, əksinə saraylarda belə, vəzifələrə çəkilərək rifah içində yaşadıqları Osmanlı sultanlarının şərəfinə özlərinə, övladlarına qoyublar...