Moderator.az xəbər verir ki, bu barədə "svoboda.org" nəşri məlumat verib.

 

Hazırda o, polis məntəqəsində dindirilir, bunun nəticəsi olaraq o, həbsə atıla bilər.

 

Depardye iki qadın tərəfindən seksual təcavüzdə ittiham edilir. Onların sözlərinə görə, insidentlər iki filmin-2014-cü ildə "Maq və siamçılar" (Magicien et les Siamois, 2015) filminin çəkiliş meydançasında və 2021-ci ildə "Yaşıl pəncərə çərçivəsi" (Les Volets verts, 2022) filminin çəkilişində baş verib.

 

İddiaçılardan biri məlumat verib ki, Depardye dəhlizdə əyləşərək onu ayaqlarından tutub "baldırları arasında sıxıb", bundan sonra onun intim yerlərinə toxunmağa və seksual xarakterli təkliflər səsləndirməyə başlayıb. 

 

Çəkiliş qrupunun digər iştirakçıları qadının köməyinə gəlib. Aktyor üzrxahlıq etməyə məcbur edilib, lakin buna baxmayaraq çəkilişlərin bütün sonrakı prosesi ərzində o, zərərçəkəni təhqir edib və onu "fahişə" adlandırıb. Aktyorun özü bu ittihamları rədd edir.

 

Müxtəlif vaxtlarda ondan artıq qadın Depardyeni seksual təcavüzdə ittiham edib. Depardye tərəfindən belə seksual təcavüz hallarının əksəriyyəti çəkiliş meydançalarında, o cümlədən "Marsel" kriminal serialın və "Başqa Düma" bioqrafik filmin çəkilişləri zamanı baş verib.

 

Zərərçəkənlərin açıq şikayətləri əksəriyyət hallarda çəkiliş qrupunun digər üzvləri tərəfindən görməzdən gəlinib və cavabında "Ooo, hər şey qaydasındadır, bu, sadəcə, Jerardır!" deyə gülümsəyib.

 

2020-ci ilin dekabrında aktrisa Şarlotta Arnu tərəfindən Jerar Depardyeyə qarşı zorlama və seksual təcavüz ittihamları irəli sürülüb.

 

2019-cu ildə bu işə cinayət tərkibi olmadığına görə xitam verilib, lakin bu qərardan şikayət verildikdən və ittiham edilənlə güman edilən qurban arasında üzləşmədən sonra tədqiqat bərpa edilib.

 

16 dekabr 2020-ci ildə Depardye müttəhim statusu alıb. İttihamlar irəli sürüləndən sonra o, məhkəmənin nəzarətinə buraxılıb.

 

Aktyorun özü ilk gündən günahkar olduğunu inkar edib. Onun sözlərnə görə, bu münasibətlər qarşılıqlı razılıq əsasında baş verib.

 

Bu ilin yanvar ayında Paris Prokurorluğu aktrisa Elen Darrasın ərizəsi əsasında seksual təcavüz barədə Depardyeyə qarşı tədqiqatı dayandırıb. 

 

Aktrisa iddia edib ki, aktyor 2007-ci ildə "Disko" filminin çəkiliş meydançasında ona sataşıb.

 

Onun sözlərinə görə, Depardye "əlləri iıə onun buduna və sağrılarına sığal çəkib", sonra "Mənim qrim otağıma getmək istəyirsən?" sualı ilə müraciət edib.

 

Ötən ilin noyar ayında "France 2" telekanalında  qadınların aktyora qarşı ifadələri əsasında film nümayiş etdirilib.

 

Bundan sonra "France Televisions" dövlət teleşirkəti onun iştirakı ilə filmlərin nümayişini dayandırmaq qərarına gəlib.

 

Bu ittihamların fonunda Depardyenin təxminən 50 həmkarı ona dəstək məktubu yazıb.

 

Onların arasında Pyer Rişar, model və sabiq birinci xanım Karla Bruni, aktyorlar Vensan Peres və Bertran Pulvord, rejissor Betran Bliye, aktrisalar Şarlotta Remplinq, Karol Buke, Natali Bay, Emmaniel Senye, yazıçı Bualem Sansal və başqa məşhurlar var.