- Bunları etməmək mümkün deyil. Məsələn, uşaqla şəkil qoyursan, dostlarla şəkil paylaşırsan, hər şeyə bir irad bildirirlər. “İnstagram” şəkil, video üçündü. Əgər bunu işlədirsənsə, aktiv olmalısan. Yoxsa həftədə bir dəfə şəkil qoymaqla heç vaxt aktivlik əldə etmək olmaz. Hər gün divara söykənib şəkil çəkdirməli deylik ki. Məsələn, yemək qoyursan, yazırlar, "toxun acdan nə xəbəri", səyahətdə şəkil qoyursan yazır ki, "kefdəsiz, qazanırsız". Bunu imkanlı bir şəxs etsə, o insanda irad tutmazlar. Bir zəhmətkeş insan bunu edəndə bu olay yaradır. İnsanlarda paxıllıq yaradır. Bir məmur yaxud biznesmen oğlu 200 minlik maşın alsa heç kim heç nə deməyəcək. Mən sıfırdan başlayıb bu günə gəlib çıxmışam. Mən alsam bu artıq olay yaradır. Bunu elə adamlar deyir ki, mən sürdüyüm maşının yüzünü birdən alarlar. Bütün bunları görüb haqqımda artıq-əskik sözlər yazırlar. Nə olsun ki, tanınmışam, mən də insanam.Tanınmışam deyə kimsə gəlib məni söyüb getməlidir? Kim olur olsun, cavabı veriləcək. Elə anda mən tanınmışlığımı kənara qoyuram. Hamı necə, mən də elə oluram. Adi bir insanı təhqir edəndə necə reaksiya verərsə, mən də elə edirəm. Mən heç kəsi durduğum yerdə təhqir etmirəm.