Ürək-damar sistemi xəstəliklətinin inkişafına insanlar 40 yaşından sonra və yanaşı xəstəlikləri olanlar daha çox meyllidir. Onlar öz qidalanmasına xüsusi diqqət göstərməlidir.

 

Moderator.az xəbər verir ki, bu barədə "cursorinfo.co" nəşri yazıb.

 

Düzgün olmayan qidalanma və qeyri-sağlam qida vərdişləri ürəyin vəziyyətini pisləşdirə bilər.

 

Həkimlər hansı məhsullardan imtina etməyi tövsiyə edib. Bu barədə kardioloq Lyubov Stesyuk özünün "İnstagram" səhifəsində məlumat verib.

 

 

Ürəyin başlıca düşmənlərindən biri alkoqoldur. O, həzm orqanlarının pozuntusuna gətirib çıxarır, orqanizmin intoksikasiyasını artırır, qara ciyər və böyrəklərin işini çətinləşdirir, damarların kövrəkliyini artırır.

 

 

Şəkərdən istifadəni minimuma endirmək və onu günün birinci yarısında istifadə etmək lazımdır. Bu ona görədir ki, alınan karbohidratlar orqanizmin energetik ehtiyacları üçün istifadə edilsin, piy ehtiyatına çevrilməsin. Sutkalıq norma 50-75 qramdır. 

 

 

Bunlar insanın praktiki olaraq bütün orqanları üçün ziyanlıdır. Məsələ burasındadır ki, faydalı mikroelementlərin böyük hissəsi sənaye emalı zamanı mexaniki və termiki təsirdən dağılır. 

 

 

Qırmızı ətin tərkibində çoxlu ziyanlı doymuş yağlar var. Ona görə də onlardan həftədə 3 dəfədən çox olmayaraq istifadə etmək lazımdır. 

 

 

Marqarinin tərkibində təxminən 90 qram palma yağları, transyağlar (maye bitki yağlarından alınan doymamış yağ) var ki, onlar onkoloji xəstəliklərin inkişaf riskini artırır. Gündəlik 50 qram istifadə edilməsi aterosklerozun inkişaf riskini 12 dəfə artırır. 

 

 

Mayonezin tərkibində transyağlar var, bu, təbiətdə olmayan modifikasiya edilmiş bitki yağlarıdır. Ona görə də insan orqanizmi onları mənimsəyib parçalamaq qabiliyyətinə malik deyil. Nəticədə onlar damarların divarlarında, qara ciyərdə və mədəaltı vəzdə toplanır. 

 

Bundan öncə xəbər verilib ki, ABŞ, Danimarka və Kanada alimləri müəyyən edib ki, piylənmənin əsas səbəbləri istifadə edilən qidanın miqdarı ilə deyil, tərkibi ilə əlaqədardır. 

 

Amerikanın xəstəliklərə nəzarət və profilaktika üzrə Mərkəzinin məlumatına görə, ABŞ əhalisinin 40 faizindən çoxu piylənmədən əziyyət çəkir, onlarda ürək xəstəlikləri, insult, ikincili tip diabet və xərçəngin müxtəlif növlərinin inkişaf riski daha yüksəkdir.