Maskası düşən BQXK: "Yardım" bəhanəyə çevriləndə - VİDEO

Ermənistan-Azərbaycan münaqişəsinin geridə qalmasına baxmayaraq, Beynəlxalq Qızıl Xaç Komitəsinin fəaliyyəti ilə bağlı suallar uzun illər qalmaqda davam edib.

Moderator.az xəbər verir ki, bu barədə "Caliber"in "YouTube" kanalındakı videomaterialında deyilir.

Qeyd olunub ki, Bakı, xüsusilə təşkilatın Xankəndidə fəaliyyət göstərən idarəsinin Azərbaycan nümayəndəliyinə deyil, Yerevandakı ofisə tabe olmasından narazı olub və bunu suverenlik prinsiplərinin pozulması kimi qiymətləndirib. Azərbaycan tərəfinin bu disbalansın aradan qaldırılması ilə bağlı tələblərinin isə cavabsız qaldığı vurğulanır.

Materialda qeyd olunur ki, 44 günlük müharibədən sonra ziddiyyətlər daha da dərinləşib. Azərbaycan tərəfi təşkilatı itkin düşmüş şəxslərlə bağlı məsələlərdə passivlikdə, həmçinin humanitar mandatdan kənara çıxan addımlarda - qaçaqmalçılıq və hərbi proseslərə müdaxilədə ittiham edib.

O da vurğulanır ki, 2025-ci ilin sentyabrında Azərbaycan BQXK-nin ölkə ərazisində fəaliyyətinə xitam verib və bu addım xarici təzyiqlərə qarşı mövqe kimi dəyərləndirilib.