Mütaliə insanların zehni tələbatıdır. Bu tələbatı ödəmək, zehnimizi qidalandırmaq üçün oxumaq vacibdir. Bəzən işlərimizin çoxluğundan və digər qayğılardan kitab və ya hər hansı bir məlumatdan yararlanmaq imkanımız az olur. 

Moderator.az bir çox tanınmış simaların 2018-ci ildə  oxuyub bitirdiyi kitabların siyahısını təqdim edir:

Azərfaks İnformasiya Agentliyinin baş redaktoru Nicat Hüseyn Dağlar: 

Bu il o qədər də çox kitab oxumamışam. Yalnız iki kitabı oxumaq imkanım olub. İkisi də rus dilindədir. Biri bilavasitə, digəri isə müəyyən dərəcədə jurnalistikaya aiddir. Birinci kitab "KİV bizi necə aldadır: İnformasiya ilə manipulyasiya" adlanır. Müəllifi tanınmış televiziya və radio aparıcısı Serqey İlçenkodur. İkinci kitab isə rejissor və ssenarist Aleksandr Mittanın yazdığı "Cəhənnəmlə cənnət arasındakı kino".

"Yılmaz Özdil “Mustafa Kamal”, Dan Broun “Başlanğıc”,  Soner Yalçın “Doğru bildiyimiz yanlışlar”,  Ramiz Mehdiyev “Dağlık Karabağ: Kaynakların diliylə tarih”,  Qriqoriy Petrov “Beyaz zambaklar ülkesinde”,  Sabir Rüstəmxanlı “Akademikin son əsəsri”, Serkan Koç “Bir Gladyo projesi: The Gulen”.

"Son oxuduğum və həyatımda çox müsbət dəyisikliklərə səbəb olan kitablarin adlarını sizinlə də paylaşmaq istərdim. Etiraf edim ki, kitab oxumağı çox sevirəm. Bu mənim həyat tərzimdir. Hətta ən son pulumu belə düşünmədən kitaba verirəm. Hətta buna görə uzun yolu piyada getdiyim də olub, evə almalı olduğum ərzaqları almadığım vaxtlar da. İnsanlara tövsiyə edirəm ki, Paulonun “Kazanan Yalnızdır” kitabını oxusunlar. 2018-ci ildə oxuyub bitirdiyim və hər kəsə məsləhət biləcəyim digər kitab “Rio-Pyedranın sahilində oturdum və ağladım” kitabıdır. Bu kitabın elə ilk səhifəsindən də kitabi bəyəndim. Çox təəssüflər olsun ki, xarici əsərlərin bizim dilimizə tərcüməsi çox zəif gedir. Basqa dilləri bilməyən dostlarimizin oxuya bilmək şansı azdır. 2018-ci ildə oxuduğum maraqlı kitablardan biri də Deyl Karneginin “ Dostları necə qazanmalı və insanlara necə təsir etməli” kitabıdır. Hesab edirəm ki, insanlar qarşısında çıxış etməkdən tutmuş dostlar qazanmaq, insanlarla ünsiyyətin bütün xırdalıqlarını öyrədən bu kitab məktəblərdə keçilməlidir. Oxunması çox rahatdır, kitab maraqlı əhvalatlarla boldur və pozitiv, daha uğurlu olmaq istəyən hər bir həs məncə bu kitabdan başlamalıdır. Geridə qoyduğumuz ildə, yay tətili vaxtı oxuduğum kitablardan biri 25 milyon nüsxə çap olunmuş Stephen Coveyin “ Yüksək Effektiv İnsanların 7 Vərdişi” kitabıdır. Gənclərə üzümü tutub deyirəm ki, gələcəyə optimizm, həvəs, motivasiya istəyirsinizsə bu kitabı mütləq oxuyun. Tək oxumaq kifayət deyil, oxuduqlarınıza əməl edin. Uğur sizi izləyəcək. 2018-ci ilin yay tətlində rayonda zövqlə oxuduğum kitablardan biri də Coco Moyesin “Səndən Öncə Mən” kitabı idi. Etiraf edim ki, romantik stildə yazılmış bu kitabı ağlaya-ağlaya oxumuşam. Bu il kitabın filmi də çıxdı, gözəl idi, amma kitab məni daha çox ruhlandırmışdı. Əsasən romantik insanlara, xüsusi ilə də xanımlara bu kitabı tövsiyə edirəm. 2018-ci ilin noyabrdında oxuyub bitirdiyim kitab Ayn Randın Fontanbaş (The Fountainhead) kitabıdır. Ayn Rand Amerika tarixinə ən dəlisov yazarlardan biri kimi düşüb. Onun siyasi və iqtisadi mülahizələri ilə (Atlas Shrugged kitabından) razı olmasam da Fontanbaş kitabı oxuduğum ən gözəl kitablardan biridir. Bu kitab insanı qutudan kənarda düşünməyə, yaradıcı olmağa, standardlardan kənara çıxmağa və başqalarının fikirlərinə məhəl qoymamağa kömək edir.

 

"Yola saldığımız ildə oxuyub bitirdiyim kitablar mühacirətdə yaşayan iranlı Pərinuş Səniinin “Mənim payım” adlı romanı, Azərbaycan Milli Hökumətinin Prokuror olmuş Firudin İbrahiminin yazdığı “Azərbaycan danışır...” tarixi kitabı, Mehriban Vəzir “Səyyarə xanım və Ferens List” haqqında tarixi romanı oxumuşam. Bundan başqa sosial şəbəkələrdə yayılan müxtəlif məzmunlu hekayə və novellaları mütaliə etmişəm. Bir də bizim işimiz oxumaqdır. Oxumasaq yaza bilmərik.

“Pozitivniy intellect”,  Maykl Holl: “Təhtəlşüura və davranışa gizli təsirin qızıl sirləri”, Allan &Barbara Peace: “Bədən dili haqqında mükəmməl kitab”, Filip Kottler:  “Marketinqə dair 300 başlıca sual”,  Stephen R. Covey: “Yüksək effektli insanların 7 vərdişi”, TEAS Press: “İş tapşırmaq”, TEAS Press: “İclasların aparılması”,  TEAS Press: “Rəhbərliklə münasibətlər”.

"Aqil Abbas "Dolu",  Qurban Yaquboğlu "Mən yoxam", bundan başqa, demək olar ki, stolüstü kitablarim olan "Kəlilə ve Dimnə", bir də Əliağa Vahidin qəzəlləridir. İşimle əlaqədar olaraq, ilin əvvəli "Bakı xalçaları" kitabını oxuyub redaktı etmişəm. İl ərzində elmi işimlə ve işgüzar fəaliyyətimlə bağlı olaraq, media ve beynəlxalq mövzularda bir neçə dildə çoxsaylı elmi ve publisistik əsərlər oxumuşam ve davam edirəm. Bu aralar gömrüklə bağlı ədəbiyyata daha çox üstünlük verirəm. Bu sahədə biliklərimi artırmağa çalışıram. Mütəmadi olaraq, fransız mediasını izləyir və oxuyuram".