Belə bir deyim var: “Hər şey insanın, insan isə qadının əlindədir”. Çox güman ki, bu ifadədə qadınların nə qədər güclü, eyni zamanda zərif bir varlıq olduğunu anlamaq o qədər də çətin deyil... 

Moderator.az-da yayımlanacaq yeni “Zərif güclülər” layihəsinin ilk müsahibi isə "Narınc" Psixologiya Mərkəzinin direktoru, ölkənin tanınmış psixoloqu Narınc Rüstəmovadır.

- Lalə xanım, ilk olaraq sizə yeni layihənizdə uğurlar arzulayıram. İnşallah bu müsahibə də karyera qurmaq istəyən xanımlar üçün bir stimul olar. Bilirsiniz ki, biz bu işə həyat yoldaşım Elnur Rüstəmovla birlikdə başladıq. Əlbəttə, hər bir sahədə olduğu kimi bu sahədə də bir çox problemlər var idi. Bu işə başlayanda ən böyük problemlərimizdən biri insanların psixlogiya haqqında məlumatıının az olması idi. Biz insanları bu sahədə maarifləndirmək, onlarda psixologiya haqqında təsəvvürlər yaratmaq üçün çox işlər gördük, bu gün də görürük. Bununla yanaşı fəaliyyətə başladığımız zamanlarda demək olar ki, maddi dəstəyimiz heç yox idi. Bir kompüter və "Tefal" çaydanla biz bu işə başladıq. O günləri hər zaman xatırlayıram. Kənardan elə görsənə bilər ki, bizim maddi durumumuz əla olub. Bu günlərə də rahatlıqla gəlmişik. Ancaq elə deyil. Maddi problemlərimiz oldu, sonra bu işə bizimlə başlayan dostlarımız bizi yarı yolda qoydular. Ancaq bizim bir- birimizə olan sevgimiz, güvənimiz bizi ayaqda saxladı və bugünə kimi gətirdi.

 

- Əlbəttə, mən çox sevinirəm ki, Elnur müəllimlə biz eyni sahədə çalışırıq. İstər evdə olsun, istərsə də işdə hər zaman onun dəstəyin hiss etmişəm. O heç bir  zaman problem etməz ki, yemək niyə hazır deyil və yaxud hansısa iş niyə yolunda deyil. Hər zaman məni anlayışla qarşılayır. Bununla yanaşı o hər zaman mənə motivasiya verir. Bəzən mən tənbəllik edəndə də məni həvəsləndirəcək sözlər söyləyir, məni işə ruhlandırır. 

- Rəqabət olmayan yerdə heç bir inkişafdan söz gedə bilməz. Ancaq bizim aramızda olan şirin rəqabətdir. Günün sonunda biz gündəlik işlərimizi, getdiyimiz yerləri müzakirə edirik. Rəqabətlə yanaşı bizdə fəxr hissi də var. Yəni biz qarşılıqlı olaraq bir- birimizlə qürur duyuruq. Kimsə məndən soruşanda fəxrlə deyirəm ki, mən Elnur Rüstəmovun həyat yoldaşıyam. Mən fəxr edirəm ki, mənim həyat yoldaşım hər kəsin hörmət etdiyi, sevdiyi bir insandır. O da həmçinin fəxr edir ki, onun həyat yoldaşı məhz Narınc Rüstəmovadır. 

Bilirsiniz, bunlarla yanaşı bizim ailədə hər kəsin yeri məlumdur. Hər ailədə olduğu kimi ailəmizin başçısı Elnur müəllimdir. Ailə büdcəmiz bir yerdə olur və bu büdcəni də evin kişisi idarə edir.  İşlədiyimə görə mən o büdcədən maaş alıram və bu mənim öz şəxsi xərclərimə sərf olunur. 

 

- Bilirsiniz, kişilərin xarakterində hakimiyyət var. Ailələr var ki, qadın işləyəndə düşünür ki, o azaddır. Və ya elə qadınlar var ki, aldığı maaşı, qazancını  evin müəyyən bir tələbatına xərcləyir, pis niyyətlə olmasa da bunu kişinin yanında deyir, biruzə verdirir. Bu hal kişilərdə özünə güvənsizlik, qıcıq yaradır. Bu zaman kişi tərəfindən ailədə süni konfliktlər yaranır. Qadınlar nə qədər qazansalar da, yenə də bunu biruzə verməsinlər. Yəni qadınlarımız ailədə hər zaman kişini üstün tutsunlar, onların dediyinə də hörmətlə yanaşsınlar. Düzdür, elə problemlər var ki, onlar müzakirə olunaraq həllini tapmalıdır. 

 

- Bilirsiniz, anlaşılmamazlıq hər ailədə olur. Sadəcə bizdə fəqlidir. Biz bir – birimizlə demək olar ki, savaşmaq halına gəlmirik. Çünki  iradımızı müzakirə yolu ilə həll edirik. Elə vaxt olur ki, çox əsəbi olduğumu bilirəm. Bu zaman  yatıram. Ayılanda beyin daha dinc olur və baş verən prosesləri daha aydın şəkildə analiz edir. Bu zaman problem müzakirə edir və barışırıq. 

- Bəli, bu deyimlə razıyam. Çox şey ailədə qadının öz həyat yoldaşına münasibətindən asılıdır. Qadın hər zaman evdə kişiyə hörmətlə yanaşmalıdır. Qadının evin kişisinə olan hörmətini gördükdə uşaqlar, daha sonra ətrafdakı insanlar ona hörmət bəsləyir. Hörmət, ehtiram olunan hər bir kişidə özgüvən  və bu özgüvəndən doğan uğur yaranır. Bizdə bu münasibətlər qarşılıqlıdır. Karyeramda uğur əldə etməyimdə, eyni zamanda həyat yoldaşımın da uğur qazanmasında bizim bir- birimizə qarşılıqlı hörmətimiz, dəstəyimiz böyük rol oynayıb. 

Bununla yanaşı ailədə tərəflər bir birinə, münasibətlərinə güvənməlidir. Güvən olmayan ailədə heç bir tərəf uğur əldə edə bilməz.

- Bəli, mən özümü güclü hesab edirəm. Uğurlu karyeram, gözəl ailəm və övladlarım var. Bütün bu uğurlarımı isə mənə hər zaman dəstək olan, güvənən həyat yoldaşım Elnur Rüstəmova borcluyam.