İlham Əliyev və Mehriban Əliyeva Zəngilan ictimaiyyətinin nümayəndələri ilə görüşüblər - TAM MƏTN + FOTO
Oxunub: 696
21 Oct 2021 | 12:29
İlham Əliyev və Mehriban Əliyeva Zəngilan ictimaiyyətinin nümayəndələri ilə görüşüblər - TAM MƏTN + FOTO
Azərbaycan Respublikasının Prezidenti İlham Əliyev və Birinci vitse-prezident Mehriban Əliyeva oktyabrın 20-də Zəngilan rayon ictimaiyyətinin nümayəndələri ilə görüşüblər.
 
AZƏRTAC xəbər verir ki, rayon ictimaiyyətinin nümayəndələrini salamlayan Prezident İlham Əliyev deyib: 
 
“Xoş gəlmisiniz Zəngilana. Uzun fasilədən sonra – 27 il erməni işğalından sonra artıq Zəngilan Vətənə qayıtdı, qaytardıq. Şanlı Ordumuz qəhrəmanlıq göstərərək Zəngilan şəhərini və bir neçə kəndi məhz düz bir il bundan əvvəl işğalçılardan azad etdi və beləliklə, 27 illik işğala son qoyuldu. İndi mən “Xoş gəlmisiniz” deyirəm, çünki mən sizi dəvət etmişəm ki, bu gözəl tarixi birlikdə burada qeyd edək. Amma bundan sonra mən Zəngilana gələndə zəngilanlılar “Xoş gəlmisiniz” deyəcəklər”.
 
Milli Məclisin deputatı İmamverdi İsmayılov: “Cənab Prezident, sağ olun. Möhtərəm cənab Prezident, hörmətli Mehriban xanım, icazə versəydiniz, Sizi qədim Zəngəzurumuzun bu dilbər guşəsi olan Zəngilanda salamlayardıq. Siz bizi artıq məcburi köçkünlükdən çıxarmısınız. Zəngilan çox bərəkətli torpağa malik olan bir diyardır, gözəl meşələri, təbii sərvətləri, filiz yataqları, çayları və dünyada ikinci, Avropada birinci olan təbii çinar meşələri - saymaqla qurtaran deyil. Amma cənab Prezident, vaxt var idi ki, biz gəlirdik Horadizə, sonra da Cocuq Mərcanlıya, oradan həsrətlə boylanırdıq öz yurdumuza. Amma taleyin hökmünə bax, dünən ayağımızla gələ bilmədiyimiz, maşınımızla gələ bilmədiyimiz diyarımıza indi hətta müasir hava limanı olan təyyarələrimizlə gələ bilirik. Çox sağ olun, var olun. Arzularımızdan Qarabağdakı reallığa gəldik. Gördüklərimiz düşüncələrimizi çox geridə qoyub. Bu gün ulu öndərimiz, böyük tarixi şəxsiyyət olan Heydər Əliyevin ruhu şaddır. Çünki zəngilanlılar Heydər Əliyevin xilaskarlıq missiyasını heç vaxt unutmurlar və unutmayacaqlar. Əgər o, böyük tarixi şəxsiyyət olmasaydı, 1993-cü ildə zəngilanlılar özünü Araza vurar, yolları hər yerdən bağlanmış və Araza qərq olmuş camaat növbəti Xocalı sakinlərinin taleyini yaşayacaqdı. İndi taleyin ədalətli məntiqinə baxın. Heydər Əliyev zəngilanlıların xilaskarı oldu, Siz isə Zəngilanın xilaskarı oldunuz”.
 
Prezident İlham Əliyev: “Sağ olun. Zəngilan doğrudan da çox füsunkar təbiətə malik olan bir diyardır. Mən ilk dəfə Zəngilana keçən ilin sonlarında gəldim, dekabr ayında və o vaxt heyran oldum bu diyara. Əzəmətli dağlar, yaşıl meşələr, çaylar, iqlim - bura doğrudan da Azərbaycanın ən gözəl yerlərindən biridir və məqsədimiz də odur ki, Zəngilanı yenidən quraq. Çünki köhnə Zəngilandan bir şey qalmayıb. Siz indi görürsünüz, mənfur düşmən demək olar ki, bütün binaları dağıtmışdır. Bir neçə bina qalıb ki, orada hərbçilər yerləşirdi. Qalan bütün binaları, bütün kəndlərin binalarını bir məqsədlə dağıtmışlar ki, biz buraya qayıtmayaq. Amma biz qayıtmışıq, şanlı Ordumuz düz bir il bundan əvvəl Azərbaycan bayrağını Zəngilanda qaldırdı və düşməni bu torpaqlardan qovdu. Zəngilan azad olunandan sonra artıq yolumuz Qubadlıya açıldı və beş gün sonra Qubadlı azad olundu, ondan sonra da Laçın dəhlizinə çıxdıq. Laçın dəhlizinə çıxdıqda demək olar, düşmən də bildi ki, artıq müqavimət göstərməyin mənası qalmayıb.
 
Amma indi Zəngilanın yeni dövrü başlayır və şəhərin baş planı artıq hazırlanır. Bir xarici şirkət müsabiqədə qalib gəldi və hesab edirəm ki, yaxın aylarda baş plan təqdim ediləcək. Bütün bu təbii gözəllik nəzərə alınaraq müasir, çox gözəl bir şəhər qurulacaq, həmçinin də kəndlər. Siz də bilirsiniz ki, azad edilmiş bütün torpaqlarda birinci “Ağıllı kənd” layihəsi məhz Zəngilan rayonunda həyata keçirildi.
 
Aprel ayında Ağalı kəndinin təməli qoyuldu. Bu gün mən buraya gəlməzdən əvvəl işin gedişatı ilə tanış oldum. Artıq bəzi binalar hazırdır və çalışacağıq ki, gələn ilin əvvəli, bəlkə də bu ilin sonu zəngilanlıları Zəngilana köçürməyə başlayaq”.
 
Sakin: “Cənab Prezident, dünyanın bir çox aparıcı dövlətləri indi Azərbaycanın hərb modelini öyrənir. Özü də o model ki, Zəfər tarixi modelidir və dərsliyə düşüb. Siz Qarabağın və Zəngəzurun xilaskarı, Ali Baş Komandan kimi Azərbaycan dövlətini də, Azərbaycan Ordusunu da, Azərbaycan xalqını da müzəffər edən tarixi şəxsiyyət olaraq öz adınızı tarixə qızıl hərflərlə yazdırdınız”.
 
Prezident İlham Əliyev: “Sağ olun”.
 
Sakin: “İyirmi birinci əsrdə indiyədək görünməmiş tarixi möcüzə yaratdınız. Bu Qələbənin müəllifi, memarı özünüzsünüz. Ona görə də biz hamımız, bütün Azərbaycan xalqı Sizi çox istəyir və qəlbən sevir”.
 
Prezident İlham Əliyev: “Sağ olun. Bu, hamımızın qələbəsidir, Azərbaycan xalqının qələbəsidir. Çünki xalqımız işğal dövründə əyilmədi, vəziyyətlə barışmadı, öz doğma torpaqlarını unutmadı. Hətta bu torpaqları görməyən gənclər də bu torpaqların azad edilməsi eşqi ilə yaşamışlar və ölümə gedən də məhz onlar oldu. Birinci sırada gedən məhz o uşaqlar idi ki, işğaldan sonra dünyaya gəliblər və bəlkə də işğal dövründə onların 5-10 yaşı var idi. Yəni, bu, onu göstərir ki, xalqımız müqəddəs Zəfər gününü gözləyirdi, bütün çətinliklərə, əzab-əziyyətlərə baxmayaraq, bu günü gözləyirdi və inanırdı ki, bu gün gələcək və biz də, sadəcə olaraq, bütün xalqımızı səfərbər etmək, gəncləri vətənpərvərlik ruhunda tərbiyə etmək üçün səylər göstərdik. Əlbəttə ki, ordumuzu gücləndirdik, iqtisadiyyatı gücləndirdik, beynəlxalq mövqelərimizi genişləndirdik və istədiyimizə nail olduq, tarixi ədalətə nail olduq. Bu gün sizinlə bərabər buradayıq. Mən dördüncü dəfədir ki, Zəngilana gəlirəm. Dekabr ayında gəlmişdim, o vaxt vəziyyətlə tanış olduq. Ondan sonra fevral ayında gəlmişdim, o vaxt ermənilər tərəfindən bir çox hissəsi dağıdılmış Bəsitçay qoruğunda çinar ağacları əkdik. Aprel ayında gələndə hava limanının təməli qoyuldu. İndi oraya baş çəkdim, artıq zolağın torpaq işləri hazırlanır. Bilirsiniz ki, sovet vaxtında Zəngilanda hava limanı yox idi. Amma indi nəinki hava limanı, beynəlxalq hava limanı olacaq və Zəngilan ölkəmizin nəqliyyat-logistika mərkəzinə çevriləcək. Çünki Zəngəzur dəhlizi buradan keçir, dəmir yolu, Horadiz-Ağbənd avtomobil yolu tikilir. Zəngəzur dəhlizinin açılması ilə bağlı son hadisələr onu göstərir ki, istədiyimizə nail oluruq. Birinci mərhələdə Ermənistan tərəfi müqavimət göstərsə də, indi özləri artıq buna razılaşıblar. Burada, əlbəttə ki, yumşaq desək, bizim rolumuz az deyil. Ona görə artıq avtomobil yolunun açılışı məsələsi həll olunur, dəmir yolu məsələsi həll olunur. Bu gün Moskvada Azərbaycan, Rusiya, Ermənistan baş nazirlərinin müavinləri növbəti dəfə görüşəcəklər və bizim mövqeyimiz orada bir daha səslənəcək. Beləliklə, Zəngilanda müasir logistika-nəqliyyat mərkəzi, yük təyyarələri, sərnişin təyyarələri, dəmir yolu qovşağı, avtomobil yolları - bütün infrastruktur qurulacaq, paralel olaraq təbiətin qorunması, çayların qorunması. Bilirsiniz ki, Oxçuçayı ermənilər nə günə qoymuşlar. Oxçuçay təbii fəlakət zonasıdır. Oradan götürülən analizlər göstərir ki, zəhərli maddələrin həcmi normadan bəlkə də 10 dəfə, 20 dəfə artıqdır. Biz bu çayları təmizləyəcəyik və burada dağ-mədən sənayesi inkişaf edəcək. Vejnəli qızıl yatağını ermənilər xarici şirkətlərlə birlikdə qanunsuz olaraq istismar edirdilər. O xarici şirkətlərin məhkəməyə verilməsi prosesinə start verdik, yaxın gələcəkdə eşidəcəksiniz. Onların bu işdən boyun qaçırmaq cəhdləri demək olar ki, imkansızdır. Çünki hər şey göz qabağındadır. Başqa ölkənin ərazisində qanunsuz işlər görüb, buradan qızılı qanunsuz olaraq daşıyıb və dünya bazarlarında satıb. Biz onlarla əlbir olanları da məsuliyyətə cəlb edəcəyik. Beynəlxalq hüquqşünasları da cəlb etdik.
 
Artıq turizm, kənd təsərrüfatı, nəqliyyat, logistika, ətraf mühitin qorunması və əlbəttə ki, insanlar üçün şəraitin yaradılması istiqamətində işlər görülür. İndi Ağalı kəndi inşa edilir, Zəngilan şəhərinin baş planı təsdiq olunandan sonra burada da inşaat işlərinə start verəcəyik. Zəngilan ölkə üzrə çox müasir və böyük əhəmiyyətə malik olan bölgəyə çevriləcəkdir. Şübhəm yoxdur, bunu sizinlə birlikdə edəcəyik və sizin də məsləhətinizə ehtiyac olacaq. Ona görə ki, baş plan təqdim olunandan sonra gərək ictimaiyyət də öz fikrini desin. Çünki siz - burada yaşamış insanlar yaxşı bilirsiniz, harada nə olub. Yəqin ki, siz də bu dağıntıları görüb yadınıza salırsınız ki, burada nə olub”.
 
Sakin: “Cənab Prezident, xatırlamasam, günah olar, bizim Zəngilan rayonunun ərazisində böyük Mincivan stansiyası yerləşirdi. Sovetlər dönəmində oraya hansı qatarlar gəlmirdi - Bakı-Qafan, Bakı-Noraşen, Bakı-Mincivan. O qatarlar bizim arzularımız idi. Bu yerlərin, yurdların insanları öz vaxtını, zamanının ölçüsünü o qatarların hərəkət qrafiki ilə qururdular. İndi Siz Azərbaycanın dəmir yollarını Zəngəzura və dünyaya açırsınız. Tezliklə o yollarla böyük qatarlar gələcək. Bu qatarlar Azərbaycanı dünya ilə qovuşduracaq. Bu da Sizin böyük quruculuq əzminizdən xəbər verir”.
 
Prezident İlham Əliyev: “Mən birinci dəfə gələndə Mincivana getdim, orada dəmir yolu stansiyasının önündə Azərbaycan xalqına müraciət etdim. Orada demək olar ki, hər şey dağıdılıb. Bir şey yoxdur, dəmir yollarını onlar çoxdan daşıyıb aparmışdılar. O relslərdən tank əleyhinə istehkamlar qurmuşdular. Stansiyanın binası da tamamilə dağılmış vəziyyətdə idi”.
 
Sakin: “Cənab Prezident, Siz Mehriban xanımla qoşa qanad kimi Azərbaycanın bütün kəndlərini, Zəngəzuru, Qarabağı diyar-diyar gəzmisiniz, qarış-qarış gəzib ziyarət etmisiniz. Ən vacibi nədir? Siz o kəndləri, toponimlərin qədim adlarını bilirsiniz, bərpa edirsiniz, onları bizə öyrədirsiniz, həm də tarixi ədaləti bərpa edirsiniz. Bu, çox vacib amildir. Çünki bizim tariximizdə bunlar unudulmuş məqamlardır. Biz bunları bərpa etməliyik. Ona görə də biz Sizə böyük minnətdarlığımızı bildiririk”.
 
Prezident İlham Əliyev: “Çox sağ olun, buradan Naxçıvana yol açılacaq. Oradan da Türkiyəyə, oradan da Avropaya”.
 
Əməkdar artist Almaz Orucova: “İcazə verin, mən dayandığımız bu torpağın müqəddəsliyini, şərəfini, qürurunu, dünyada başımızın ucalığını bizə təqdim etdiyiniz üçün Sizə dərin, sonsuz minnətdarlığımı çatdırım”.
 
Prezident İlham Əliyev: “Sağ olun”.
 
Almaz Orucova: “Bir az əvvəl mən doğma ocağıma getdim”.
 
Prezident İlham Əliyev: “Haradadır, sizin eviniz burada idi?”
 
Almaz Orucova: “Bəli, bir az qabağa gedib sola çıxırsan, bizim evimizdir”.
 
Prezident İlham Əliyev: “Ev qalıb, yoxsa dağıdılıb?”
 
Almaz Orucova: “Heç nə qalmayıb, bir az yeri qalıb, daş qalıb. O doğma hissləri, o şirin hissləri, o xatirələri yaşamağı heç nə ilə əvəz edə bilmərəm. Siz bizim başımızı dünyada uca etdiniz. Azərbaycan Ordusunun, Azərbaycan xalqının dəyərli bir sərkərdəsinin olduğunu göstərdiniz. Var olun, sağ olun. Varlığınızla, sağlığınızla hər zaman bu xalqın, bu Ordunun başında olasınız”.
 
Sakin: “Cənab Prezident, Elnur mənə dedi ki, kamançanı gətirməmişik. Mehriban xanım, dedim ki, kamançasız Zəngilana gəlmək olmaz”.
 
Əməkdar artist Elnur Əhmədov: “Doğma Zəngilan torpağında Sizi salamlayıram, Mehriban xanımı ürəkdən salamlayıram. Mən bu torpaqda dünyaya göz açmışam, məhz daşıyıcısı olduğum bu sənəti Zəngilan rayonunun Məmmədbəyli kəndində sevmişəm. Allah Sizləri var eləsin. Mehriban xanıma mən məxsusi təşəkkürümü bildirirəm ki, bizim muğamımızın dünyaya inteqrasiya olunmasında məxsusi xidmətləri var”.
 
Cənab Prezident, biz “Qarabağ” muğam qrupu olaraq xanəndə, Xalq artisti Mənsum İbrahimov, sənət dostlarım Elçin Həşimov və Kamran Kərimov ilə birgə dünyanın demək olar, elə bir ölkəsi yoxdur ki, orada konsert proqramı ilə çıxış etməyək. Amma hər birimizin böyük arzumuz, bizim üçün dünyanın ən böyük səhnəsi Siz başda olmaqla, Mehriban xanım başda olmaqla Şuşada Cıdır düzündə keçirilən “Xarıbülbül” festivalı idi. Çünki bizim üçün ondan böyük, şərəfli gün yox idi. Cənab Prezident, hörmətli Mehriban xanım, mənim ən böyük arzum o idi ki, anadan olduğum o kənddə, uçuq da olsa, o evdə kamançamın səsi gəlsin”.
 
Sakin: “Kamançanın səsi gəlsin”.
 
Elnur Əhmədov: “O şəraiti bizə yaratdığınıza görə Sizə dərin təşəkkürümü bildirirəm”.
 
Almaz Orucova Elnur Əhmədovun müşayiəti ilə muğam ifa edir.
 
Sakinlər: “Sağ olun”.
 
Almaz Orucova: “Çox sağ olun, Mehriban xanım”.
 
Prezident İlham Əliyev: “Salam, necəsiniz? Bu kişini tanıyırsan, Mehriban?”
 
Birinci vitse-prezident Mehriban Əliyeva: “Salam, necəsiniz? Şəhriyar Məmmədyarovun atasıdır?”
 
Prezident İlham Əliyev: “Şəhriyar Məmmədyarovun atasıdır”.
 
Birinci vitse-prezident Mehriban Əliyeva: “Xoş gördük”.
 
Prezident İlham Əliyev: “Şəhriyar necədir?”
 
Həmid Məmmədyarov: “Çox sağ olun. Hər şey gözəldir, sağ olun”.
 
Prezident İlham Əliyev: “Sağ ol”.
 
Sakin: “Cənab Prezident, mən də təşəkkür edirəm. Biz 27 il idi ki, həmişə oktyabrın 30-u dost-tanışla müzakirə edirdik ki, Zəngilanın işğalı günü gəlir, nə edək, nə tədbir keçirək? Daim o qəmi, qüssəni yaşayırdıq. Sağ olun ki, biz bu gün artıq Zəngilanın işğaldan azad olunmasının bir illiyini qeyd edirik. Siz az öncə qeyd etdiniz ki, Zəngilan böyük nəqliyyat dəhlizinə çevrilir və bu, bölgənin inkişafına çox böyük təsir göstərəcək. Dünyanın super gücləri bu gün nəqliyyat dəhlizləri uğrunda mübarizə aparırlar. Siz böyük işlərə imza atmısınız. Bütün zəngilanlılar, bütün Azərbaycan bu işdə Sizə uğurlar arzulayır. Biz Sizi həmişə dəstəkləyirik, yanınızdayıq. Uğurlar arzulayırıq. Sağ olun”.
 
Prezident İlham Əliyev: “Sağ olun. İşğal tarixi artıq tarixdə qaldı, əbədi silindi. İndi yeni tarix var - 20 oktyabr tarixi”.
 
Sakin: “Əsas məsələ də odur. Bu gün Zəngilanın azad olunan günüdür, cənab Prezident. Zəngilana ən böyük payınız, ən böyük ərməğanınız budur. Sağ olun”.
 
Sakin: “Cənab Prezident, mən də Zəngilan gəncləri və idmançıları adından Sizə dərin təşəkkürümü bildirirəm ki, bizi görmədiyimiz bu ata-baba yurdumuza gətirib çıxardınız. Allah Sizə bu işlərinizdə kömək olsun, var olun”.
 
Professor Adilə Abbasova: “Cənab Prezident, Sizə çox böyük minnətdarlığımızı bildiririk. Bu gözəl diyarda, Odlar Yurdu Azərbaycanımızın dilbər guşəsi olan Zəngilanda, qızıl Zəngilanda, azad Zəngilanda, zəngin Zəngilandayıq. Bu hissləri Siz bizə yaşatdınız. Biz bu dəqiqə Sizə qürurla baxırıq, Sizinlə danışırıq, söhbət edirik. Çox həyəcanlıyıq. Allah bizə bunu qismət etdi. Mən Sizə bütün zəngilanlılar adından minnətdarlığımı bildirirəm. Cənab Prezident, Siz Azərbaycan xalqının bütün arzularını yerinə yetirən böyük şəxsiyyətsiniz. Siz böyük, Müzəffər Sərkərdəsiniz. Dünyanın heç bir yerində Sizin kimi dövlət xadimi görməmişik. Siz 44 günlük Vətən müharibəsi ərzində Qarabağ məsələsinin mümkünsüzlüyünü mümkün etdiniz. Siz Azərbaycanın Zəfər tarixinə adınızı əbədi yazdınız. İndi bizim nəsildən qalanlardan biri mənəm. Atam da Zəngilan rayonunda çox işləyib, 14 il icraiyyə komitəsinin sədri olub. Demək istəyirəm ki, uşaqlıq illərim burada keçib. Siz Zəngilanı bütün dünyaya tanıtdınız. Ulu Öndər Sizin haqqınızda belə deyirdi: “Mən ona özüm qədər inanıram və onun gələcəyinə çox böyük ümid bəsləyirəm”. Siz hər bir azərbaycanlının Prezidentisiniz. Ata vəsiyyətini yerinə yetirdiniz, Azərbaycan xalqının başını uca etdiniz, Azərbaycanı qalib dövlətə çevirdiniz”.
 
Prezident İlham Əliyev: “Çox sağ olun, çox təşəkkür edirəm”.
 
Adilə Abbasova: “Bu haqda çox fikirləşmişəm, mənə elə gəlir, dünyada elə bir dövlət xadimi yoxdur ki, Sizin kimi 44 gün ərzində belə bir Zəfər əldə etsin. Ona görə Siz dünyanın ən böyük mükafatına layiqsiniz. Sizə çox minnətdarıq”.
 
Prezident İlham Əliyev: “Çox sağ olun. Biz hələ Moskvadan bir-birimizi tanıyırıq. O vaxt azərbaycanlıların vətəndaş cəmiyyətində, Azərbaycan Assambleyasında bərabər iştirak etmişik”.
 
Adilə Abbasova: “Sizin fəaliyyətinizi mən hələ Moskvadan bilirəm, çox görmüşəm, eşitmişəm. Mənim yadımdadır, o cəmiyyət yaradılanda Ulu Öndər onunla maraqlanırdı. Azərbaycanlıların qurultayı keçirildi.
 
Demək istəyirəm ki, Sizin Azərbaycana bəxş etdiyiniz bu hisslər, bu sevinc xüsusi qeyd olunmalıdır. Mən ürəkdən danışan adamam, bəlkə də bir az həyəcanla danışıram. Amma ürəkdən danışıram. Cənab Prezident, Sizi bütün Azərbaycan xalqı ürəkdən sevir. Siz dünyanın ən böyük mükafatına layiqsiniz”.
 
Prezident İlham Əliyev: “Çox sağ olun. Ən böyük mükafatım bu gün burada Sizinlə bərabər olmağımdır”.
 
Adilə Abbasova: “Azərbaycan xalqının milli qüruruna çevrilən bir ifadə var: Qarabağ Azərbaycandır! Yaşasın Azərbaycan! Eşq olsun, eşq olsun!”
 
Prezident İlham Əliyev: “Azərbaycan xalqına eşq olsun!”
 
Adilə Abbasova: “Eşq olsun Azərbaycan xalqına! Eşq olsun Ali Baş Komandanımız, Prezidentimiz İlham Əliyevə!”
 
Prezident İlham Əliyev: “Sağ olun. Çox sağ olun”.
 
Sakin: “Cənab Prezident, Vətən Müharibəsi Qəhrəmanı şəhid Surxay Noçuyevin atasıdır. Siz ona fəxri ad vermisiniz”.
 
Şəhid atası Əbdül Noçuyev: “44 günlük müharibə dövründə Sizin xalqa müraciətlərinizi mütəmadi olaraq izləmişik. Hər dəfə işğaldan azad olunan ərazilərin adları sadalandıqca bizim sevincimizin həddi-hüdudu olmayıb. Mənim oğlum, tabor komandiri, kapitan Surxay Noçuyev Şuşa uğrunda gedən döyüşlərdə müharibənin 44-cü günündə qəhrəmancasına şəhid oldu”.
 
Prezident İlham Əliyev: “Allah rəhmət eləsin”.
 
Əbdül Noçuyev: “Siz müvafiq Sərəncamınızla ona Vətən Müharibəsi Qəhrəmanı adı verdiniz. Buna görə Sizə minnətdarlığımızı bildiririk. 2021-ci il sentyabrın 27-də Sizin və Mehriban xanımın iştirakı ilə yürüş keçirildi. Orada Surxay Noçuyevin şəkli həkk olunmuş lövhə ön cərgədə idi. Həmin lövhəni Sizin göstərişinizlə bizim ailəyə təqdim etdilər. Bu, bizim ailəmiz üçün ən böyük hədiyyə oldu. Çox sağ olun, cənab Prezident”.
 
Prezident İlham Əliyev: “Sağ olun. Allah bütün şəhidlərimizə rəhmət eləsin. Biz torpaqlarımızı onların canı-qanı bahasına işğalçılardan azad etmişik. Şəhid olmuş hər bir insan, gənc bizim ürəyimizdə, Azərbaycan xalqının ürəyində əbədi yaşayacaq. Şəhidlərin adlarının əbədiləşdirilməsi üçün əməli işlər gedir, bundan sonra da gedəcək. Anım Günündə təşkil olunan yürüş bütün Azərbaycan xalqının birliyini göstərdi, şəhidlərimizin xatirəsinə olan hörmətimizi göstərdi. Yürüşdə aparılan portretlər mənim göstərişimlə gözəl bir xatirə kimi şəhid ailələrinə təqdim edildi. Çünki onlar bizimlə olmasalar da, bu Zəfər yürüşünə bizimlə bərabər çıxıblar. Yəni, bütün Azərbaycan o gün orada idi. Onların ruhu bu gün şaddır. Onlar az yaşayıblar, dünyadan gənc gediblər, şəhid olaraq gediblər. Amma onlar hər zaman ürəyimizdə yaşayacaqlar. Sizin simanızda onların valideynlərinə mən Prezident, Ali Baş Komandan kimi öz təşəkkürümü bildirmək istəyirəm. Çünki doğrudan da bizim şəhidlərimiz şüurlu şəkildə ölümə gedirdilər. Hamımız yaxşı bilirik ki, ağır döyüşlərdə o istehkamları yarmaq, oradan keçmək, dağlara qalxmaq, dağlara dırmaşmaq, xüsusilə Şuşa əməliyyatı tarixdə bəlkə də misli görünməmiş qəhrəmanlıq nümunəsidir. Bunu ancaq milli ruhda böyüyən insanlar edə bilərdilər. Sizin kimi valideynlər onları milli ruhda böyüdüb Vətənə bəxş etdiniz. Onlar da öz həyatlarını Vətənə bəxş etdilər. Mən sizi ürəkdən təbrik edirəm, təşəkkürümü bildirirəm və qucaqlayıram, bağrıma basıram”.
 
Əbdül Noçuyev: “Çox sağ olun, cənab Prezident”.
 
Sakin: “Cənab Prezident, biz orta məktəbdə oxuyanda Zəngilanda xoş bir ənənə var idi. Biz bu dağlara, təbiətin bu gözəl guşələrinə çaylardan çınqıllar yığıb gətirərdik. Orada o çınqıllardan ürək sözlərimizi, Vətənlə bağlı sözlərimizi yazardıq. Yeni tarixi Siz diktə etdiniz, yeni tarixin müəllifisiniz. Ona görə Zəngilanda tikiləcək məktəbin şagirdləri, bugünkü müasir tariximizə, Zəfər tariximizə şahidlik edən gənclərimiz yenidən çınqıllar və daşlar daşıyıb bu təpələrdə Azərbaycanın əzəmətlə dalğalanan o bayraqlarının altında Azərbaycanın xəritəsini çəkəcək və yeni sözlər yazacaqlar. Yazacaqlar “Qarabağ Azərbaycandır!”. Bu yurdların xilaskarına eşq olsun! Böyük Qayıdışımız mübarək, cənab Prezident!”
 
Prezident İlham Əliyev: “Bu gün yarımstansiyanın da açılışını etdik. Mənə məlumat verildi ki, sovet vaxtında Zəngilan rayonunun ümumi enerji tələbatı cəmi 7 meqavat idi, çünki əhali o qədər də çox deyildi. İndi isə biz gələcək inkişafı nəzərə almaq şərti ilə yarımstansiyanı 50 meqavatlıq etdik. Bir də ki, əhali artıb. İşğala qədər Zəngilan rayonunun əhalisi təqribən 30 mindən bir qədər çox idi. İndi 45 minə çatıb və əminəm ki, zəngilanlıların hamısı gəlib burada, belə bir gözəl yerdə, doğma vətəndə yerləşəcək”.
 
Sakin: “Təşəkkür edirik, cənab Prezident”.
 
Prezident İlham Əliyev: “Biz indi məscidi də bərpa edirik”.
 
Axund: “Bu məsciddə axund işləmişəm. Mehriban xanıma da təşəkkür edirik. Bu xoş günləri bizə yaşatdığınıza görə Sizə bir daha təşəkkür edirəm. Əslində, Siz bizə ikinci dəfə Zəngilanda yaşamağı qismət edibsiniz. Cənab Prezident, Sizə bütün Zəngilan camaatı adından təşəkkür edirəm.
 
Birinci vitse-prezident Mehriban Əliyeva: “Çox sağ olun”.
 
Prezident İlham Əliyev: “Çox sağ ol. Heydər Əliyev Fondu məscidin bərpası ilə məşğuldur, artıq orada lövhələr də qoyulub. Biz də burada olanda simvolik olaraq təməl daşını da qoyduq. Onu da bərpa edəcəyik”.
 
Birinci vitse-prezident Mehriban Əliyeva: “O qalan hissəni”.
 
Prezident İlham Əliyev: “Bəli, qədimdən qalan o hissəni bərpa edəcəyik. Mənə dedilər ki, sovet vaxtında ora klub idi, ya da anbar”.
 
Sakin: “Ora bizim kəndimizin meşəsidir. Azərbaycanın böyük münbit meşələrindən biridir”.
 
Prezident İlham Əliyev: “Sizin kəndiniz buradadır?”
 
Sakin: “Bəli, Vənədli kəndi, aşağıdadır. Bütün ağacları qırıblar - cökə, palıd, vələs, ulas. Tarixin çox məşhur ağacları olan böyük meşələrdən biri olub”.
 
Prezident İlham Əliyev: “Kəsib daşıyıblar ağacları. Biz Bəsitçayda olanda gördük ki, hətta kötükləri yandırıblar. Kəsiblər ağacları, yandırıblar. Bəsitçay qoruğunun bir hissəsi qalıb, ora 100 hektardan böyük bir ərazi idi”.
 
Sakin: “Bəli, dövlət qoruğu olub əvvəllər”.
 
Prezident İlham Əliyev: “Bəli, Siz də dediniz, Avropada birinci çinar meşəsidir”.
 
Sakin: “Cənab Prezident, Ali Baş Komandan, Sərkərdə kimi 44 günü nə qədər narahat keçirdiniz. Dünyanın bu vaxtında belə qərar qəbul etmək, savaşı bu cür Zəfərlə başa çatdırmaq, bunları belə peşəkarlıqla idarə etmək Sizin əsl Liderliyinizdən xəbər verir. Cənab Prezident çox sağ olun, çox minnətdarıq”.
 
Prezident İlham Əliyev: “Siz sağ olun”.
 
Sakin: “Zəngilan azad olunan gün zəngilanlıları bu ocağa topladınız. Çox sağ olun, minnətdarıq”.
 
Prezident İlham Əliyev: “Çox sağ olun”.
 
Sakin: “Tarix unudulmur”.
 
Prezident İlham Əliyev: “Tarixi gündür. Tarix həmişə olacaq. 20 oktyabr həm zəngilanlılar üçün, həm bütün xalqımız üçün əbədi bir Zəfər günü kimi qalacaq. Çünki azad edilmiş hər bir şəhərin azad olunma günü tarixi Zəfər günüdür”.
 
Sakinlər: “Cənab Prezident, Mehriban xanım, gün o gün olsun ki, Sizi abad Zəngilanda qarşılaya bilək. Sizə uğurlar arzu edirik. Qədəmləriniz uğurlu olsun. Çox sağ olun, İnşallah, abad Zəngilanda gözləyəcəyik”.
 
Birinci vitse-prezident Mehriban Əliyeva: “İnşallah. Allah amanında. Sağ olun.
 
Prezident İlham Əliyev: “Bir daha təbrik edirəm.
 
Sakinlər: “Sağ olun, hər şeyə görə sağ olun.
Oxşar xəbərlər
N.Tusi adına Klinika
16:34, Bu gün
Dronların ölkəyə gətirilməsi asanlaşa bilər? - AÇIQLAMA
16:31, Bu gün
"İndiki vaxtda Ukraynanı tərk etmək satqınlıq olardı" - Diaspor sədrindən AÇIQLAMA
16:28, Bu gün
Bərdədə 4 800 şəhidin paltarlarının və şəxsi əşyalarının basdırıldığı yer - FOTO
16:26, Bu gün
Dünyanın ən güclü ordularının yeni reytinqi: Azərbaycan 34 pillə...
16:25, Bu gün
“Ermənistan nə qədər qeyri-müəyyən hərəkətlər etməyə çalışsa da sülh sazişi bağlamaqdan başqa çarəsi yoxdur...”
16:22, Bu gün
Azərbaycanda üç helikopter satışa çıxarılır - FOTO
16:17, Bu gün
Alimlər: “Omikron”a qarşı ən effektiv mübarizə buster dozadır”
16:14, Bu gün
Putin ABŞ-ın təhlükəsizlik zəmanətləri ilə bağlı yazılı cavabını şəxsən oxuyub
16:13, Bu gün
Oğlunun çarpayısının altında gizləndi, arvadının telefonla danışığını eşidib onu öldürdü - Azərbaycanda QƏTL
16:06, Bu gün
Bakıda “26-lar” kafesinin sahibinin oğlu AXTARIŞA VERİLDİ
15:58, Bu gün
Ərəblərin ov üçün getdiyi Ceyrançöldəki çadırlarından görüntülər - VİDEO
15:50, Bu gün
2 yaşlı uşaq telefondan 1800 dollarlıq alış-veriş etdi - Anaya "sürpriz"
15:48, Bu gün
Putin təklifi qəbul etdi: Bakı və Ankara Ukraynadakı oyunu dəyişə bilər - TƏHLİL
15:46, Bu gün
“Əslində papağımızı qabağımıza qoyub düşünməliydik ki, şagirdlərimiz niyə belədir...”
15:44, Bu gün
Bakıda göstəriciləri aşağı olan məktəblər açıqlandı...
15:43, Bu gün
Mövlud Çavuşoğlu: "Nikol Paşinyan Türkiyəyə səfər edəcəyinə söz verib"
15:41, Bu gün
Korporativ sosial məsuliyyət tədbirlərində fəal iştirak edən sosial tərəfdaşlar mükafatlandırılıb - FOTO
15:40, Bu gün
Kəlbəcərə dəmir yolu xətti çəkiləcək
15:38, Bu gün
"Qardaşım qeyri-yaşayış obyekti tikir" - Generaldan açıqlama
15:36, Bu gün
“The Politico”: Afərin, Volodya! Putin NATO-nu dirçəldir
15:32, Bu gün
Mikayıl Cabbarov sənaye zonalarına qoyulan investisiyaların həcmini açıqladı - FOTO
15:24, Bu gün
“Türklər Ukrayna tarixində…”- “Bu ərazidəki əhali daimi türk komponentli olub…”
15:24, Bu gün
Müharibə ehtimalı 70 faizdir: Ukrayna tək qalacaq və Rusiya... - SENSASİON DETALLAR
15:24, Bu gün
Gürcüstan turoperatorlarına “Azərbaycan-Gürcüstan birgə səyahət layihəsi” təqdim olunub
15:21, Bu gün
“Bahar enerji” şirkətindən oğurluğun təfərrüatı məlum olub - VİDEO
15:16, Bu gün
Ərdoğan Ukrayna-Rusiya münasibətləri barədə: “Türkiyə NATO üzvü kimi tələblərini yerinə yetirəcək”
15:10, Bu gün
Dünyanı gözləyən təhlükə...
15:00, Bu gün
Messi Pikedən niyə narazıdır?
14:59, Bu gün
Qətlə görə 14 il həbsdə yatan şəxs Feysbukdan "ovladığı" şəxsləri tora salıb - TƏFƏRRÜAT
14:55, Bu gün
“Omikron” dəridə neçə saat qalır?
14:53, Bu gün
NATO şərq cinahını gücləndirir: Hər ölkəyə min nəfərlik kontingent göndəriləcək
14:49, Bu gün
Bakı polisi Avropada yaşayan bloqer və jurnalist barəsində axtarış elan etdi - FOTO
14:46, Bu gün
Yaponiya Özbəkistana 500 milyon dollara yaxın vəsait ayırır - "İpək yolu"na görə
14:40, Bu gün
Ərdoğandan Sezen Aksuya cavab - VİDEO
14:32, Bu gün
AMEA-ya yeni vitse-prezident TƏYİN EDİLDİ
14:25, Bu gün
Bakıda məşhur oteldə İNTİHARA CƏHD: Qollarını doğradı
14:18, Bu gün
Rafael Cəbrayılovun qardaşı məhkəmədə ifadə verib
14:14, Bu gün
İslamiadada kikboksçularımızın hansı çəkidə mübarizə aparacaqları bilindi
14:13, Bu gün
Hafiz Məmmədov barədə həbs qətimkan tədbiri seçilib
14:12, Bu gün
Vladimir Putin Türkiyəyə səfər edəcək
14:11, Bu gün
BMW ilə “avtoşluq” edən şəxs saxlanıldı - VİDEO
14:04, Bu gün
Gecə klubdan çıxan qızın qarşısını kəsdi: "Qaranlığa çəkib..." - Şok təfərrüat
14:03, Bu gün
"Barselona" klubu formasındakı yazılara görə 440 milyon avro qazanacaq
14:02, Bu gün
Nazir müşaviri: “Zəngilan və Laçın hava limanlarının tikintisinə hazırlıq işləri aparılır”
13:57, Bu gün
Cavanşir Feyziyev: "Ermənistanın bir gözü yeni müttəfiq axtarışındadır"
13:57, Bu gün
Alimlər Marsdakı "nəhəng göl"ün sirrini açdılar…
13:48, Bu gün
“Bizim şəxsi münasibətlərimizin sənətə heç bir aidiyyatı olmayıb” - FOTOLAR
13:46, Bu gün
“Tamaşanı oynayıb evə gələndən sonra koronavirusa yoluxdum”
13:36, Bu gün
“Kitabi-Dədə Qorqud” dastanı Özbək dilinə tərcüməsi başa çatıb
13:29, Bu gün
Sabah bəzi rayonlarda qar yağacaq
13:24, Bu gün
Ukraynada əsgərin 10 nəfəri güllələməsinin görüntüləri yayıldı - VİDEO
13:10, Bu gün
"Get-gedə erməni xalqı anlamağa başlayacaq ki, onun tək şansı Türkün qanadı altına girməkdir"
13:06, Bu gün
Keçmiş nazirdən ŞOK ÇAĞIRIŞ: "Putin ölkəmizə qoşun yeritsin"
13:02, Bu gün
Nazir Kəlbəcərə nümayəndə təyin etdi
13:00, Bu gün
“Azəriqaz” İB-də media və QHT nümayəndələri ilə növbəti görüş keçiriləcək
12:57, Bu gün
Gürcüstandan Azərbaycana gələn yük avtomobillərində siqaretlər aşkarlanıb
12:55, Bu gün
Rusiyanın əmlak kralları - Siyahıya Azərbaycandan olan milyarderlər başçılıq edir
12:52, Bu gün
“Ərdoğana məğlub olduq, dostlarımız bizi satdılar” - Şok etiraf
12:47, Bu gün
“Günahkar müəllim yox, sizsiniz...” - Əli Mirəliyev şagirdlərin valideynlərinə səsləndi...
12:30, Bu gün
“Əgər o, bu cür deyibsə, onda vaxtilə ona dərs deyən Azad Şükürovu da təhqir etmiş olub...”
12:28, Bu gün
“Azərbaycan hökumətinin ölkəmizdə səfirlik açmaq qərarını səbrsizliklə gözləyirik”
12:27, Bu gün
Rusiya imperializmini dayandırmaq üçün cəmi üç addım atmaq kifayətdir... - ŞƏRH
12:24, Bu gün
Məktəb direktorunun səs yazısı yayıldı: “Başına oyun açacağam” - VİDEO
12:21, Bu gün
“Pensiyanı ənənəvi qaydada versəydik, məbləğ indikindən iki dəfə aşağı olacaqdı”
12:17, Bu gün
BDU-nun nəzdində yeni Tədqiqat, İnkişaf və İnnovasiyalar üzrə Mükəmməllik Mərkəzi yaradılıb
12:12, Bu gün
"Diqqətəlayiq haldır ki, onların Azərbaycana səfəri məhz azad edilmiş torpaqlardan başlayıb"
12:11, Bu gün
Fahrettin Altun QHT Agentliyinin rəhbərliyi ilə görüşüb - FOTOLAR
12:05, Bu gün
"Hafka" saxlanılması ilə bağlı xəbərdən danışdı: “652 min borcu ödədim...”
11:59, Bu gün
"Nə xoş mənə ki, qarşıma belə bir insan çıxıb..."
11:55, Bu gün
Bu yay Ermənistanın müddətli hərbi xidmətdə olan sonuncu vətəndaşı Qarabağı tərk edəcək
11:52, Bu gün
Hollivud aktrisası moda həftəsində podiuma atla çıxdı - FOTO
11:47, Bu gün
“İngilislərin istəyi odur ki, Rusiyanın Cənubi Qafqazdan geri çəkilməsi baş tutsun...”
11:46, Bu gün
Ermənistanın Baş Qərargah rəisi koronavirusa yoluxub
11:43, Bu gün
Qərb topu Rusiyanın meydanına atdı: Barıt qoxusu çəkilmir – TƏHLİL
11:42, Bu gün
“Azəriqaz” rəhbərliyi onlayn vətəndaş qəbulu keçirəcək
11:38, Bu gün
"Hansısa kiçik bir problem olanda öncə oğlumdan soruşuram, onu günahkar görürəm"
11:07, Bu gün
Ermənistan İstintaq Komitəsi separatçı qurumun zabitinə qarşı irəli sürülən ittihamla bağlı məlumat yayıb
11:05, Bu gün
Azərbaycan səfiri Türkiyənin Baş Qərargah rəisi ilə görüşüb
11:04, Bu gün
Aygün Kazımovanın əyləncə dolu gecəsindən görüntülər - VİDEO
11:03, Bu gün
Nazir generalın qardaşını Mirqafar Seyidova müavin TƏYİN ETDİ
11:01, Bu gün
Türkiyədə məşhur aparıcının ərini qətlə yetirdilər
10:58, Bu gün
“Rusiyanı inandırmaq lazımdır ki, Azərbaycanın Qarabağ üzərində suverenliyinin bərpasına mane olmasın”
10:55, Bu gün
Güc strukturları və Təhsil Nazirliyi üçün unikal imkan – TEKNOFEST
10:25, Bu gün
Rusiya hərbçiləri Xocavənddəki ermənilərə su çəkilişi üçün dəstək verdi...-VİDEO
10:09, Bu gün
Qazaxıstan MTK-nin keçmiş sədri və müavini həbs olunub
09:51, Bu gün
Azərbaycanda ticarət mərkəzində dəhşət: İsinmək istədi, canından oldu
09:45, Bu gün
“Lənətlənmiş” mumiya açıldı: 2000 ildir bətndə çürüməyən döl... – Şok araşdırma
09:42, Bu gün
Nazarbayevin əsas səlahiyyəti əlindən alındı
09:40, Bu gün
İsrail Azərbaycan əsilli müharibə veteranını qəhrəman elan edib - FOTO
09:35, Bu gün
Rəqsanənin qızının nişanından görüntülər - VİDEO
09:32, Bu gün
Ucar polisi əməliyyat keçirib, 4 nəfər saxlanılıb - FOTO
09:31, Bu gün
Medvedev: “Müharibə onun vecinə deyil”
09:27, Bu gün
"İrəvanın bu hərəkətləri müharibəyə səbəb olacaq" - Arkov
09:18, Bu gün
Heydər Əliyevlə Həccə gedən, Rəsulzadəyə şeir yazan, böyrəkləri çıxarılan ŞAİR...
09:17, Bu gün
Kosmosda böyük təhlükə - Nəzarətdən çıxdı, Aya çırpılacaq
09:15, Bu gün
Sabahdan Azərbaycanın televiziya kanalları yeni yayım formatına keçir
09:02, Bu gün
"Paşinyan koronavirusa yoluxmayıb - sadəcə, hansısa rəsmi tədbirdə iştirakdan yayınır..."
08:19, Bu gün
Anadangəlmə əzasız müsəlman uşaq üçün xristian(!) ölkəsində 129 min dollar toplandı və…
07:29, Bu gün
Peyğəmərimiz(ə.s.) hansı idman növlərini tövsiyə edib?..
02:15, Bu gün
Cərrahlar üç uşaq atasında uşaqlıq və yumurtalıq aşkar etdilər - INANILMAZ...
GÜNLÜK
26 Jan 2022 | 18:45
Atası öləndən sonra Azərbaycandan getdi, bacısı ilə bütün əlaqələrini kəsdi, ermənilərin təklifini rədd etdi...
26 Jan 2022 | 19:22
"Burada mən bildim ki, Yer üzündə cəhənnəm varmış..." - MARAQLI + FOTOLAR
26 Jan 2022 | 19:56
“Daşaltı uğursuzluğunun ilkin səbəbi Şuşa türməsindəki terrorçuların buraxılması oldu…”
01:00, Bu gün
Məşhur iş adamının 500 min dollar vergi borcuna görə saxlanılması xəbəri yayıldı...
11:59, Bu gün
"Nə xoş mənə ki, qarşıma belə bir insan çıxıb..."
26 Jan 2022 | 22:14
Məşhur qəhrəmana oxşamaq üçün 40 min dollar xərcləyib tanınmaz hala düşdü - FOTO
00:48, Bu gün
"Rusiya və Ukrayna liderlərinin görüşü üçün Qüdsdən ideal yer tapmaq mümkün deyil"
02:15, Bu gün
Cərrahlar üç uşaq atasında uşaqlıq və yumurtalıq aşkar etdilər - INANILMAZ...
26 Jan 2022 | 21:38
250 minlik ordu Rusiyaya qarşı: “İlk günlərdə üstünlük Ukraynada olacaq”
26 Jan 2022 | 21:20
"Mənə yersiz pislikləri keçməsinə baxmayaraq Baş Prokurorun bu qərarı məni çox sevindirdi"
HƏFTƏLİK
22 Jan 2022 | 15:03
Aparıcıdan hamını heyrətləndirən açıqlama: "Döşlərim sərvət dəyərindədir, əllətmirəm" - FOTOLAR
21 Jan 2022 | 14:07
"Laçın dəhlizində qayda müəyyənləşdirmək səlahiyyətini ölü daşıyan rus generalına kim və nə zaman verib?"
23 Jan 2022 | 15:37
Gəlin bir şilləyə görə toyu ləğv etdi və ertəsi gün öz qohumuna ərə getdi...
22 Jan 2022 | 11:32
Əfqanıstanın tək erotik film ulduzu - Bəlkə də, videolarımı izləyən talibançılar... - FOTOlar
24 Jan 2022 | 10:47
Sezen Aksu Ərdoğana cavab qaytardı: “Əzə bilməzsən“
25 Jan 2022 | 14:06
Qadın kişilərlə görüşdüyünü yuxuda ərinə danışdı, kişi isə... – Xızıda şok olay
23 Jan 2022 | 13:05
"Anar Məmmədxanova "Şuşa"nın adını dəyiş desəydilər..."
25 Jan 2022 | 08:31
"Bu sənədə əsasən Ermənistan Azərbaycanın ərazi bütövlüyünü tanıyır...”-Paşinyan
26 Jan 2022 | 11:29
“43 ildir sənətdəyəm, fəxri adı bundan sonra istəmirəm, öz adım daha üstündür...”
24 Jan 2022 | 19:53
Paşinyan Qarabağda su anbarı, su kəməri, ev tikintisinə 290 mln. dollar ayırdı...-VİDEO
AYLIQ
26 Jan 2022 | 18:45
Atası öləndən sonra Azərbaycandan getdi, bacısı ilə bütün əlaqələrini kəsdi, ermənilərin təklifini rədd etdi...
26 Jan 2022 | 19:22
"Burada mən bildim ki, Yer üzündə cəhənnəm varmış..." - MARAQLI + FOTOLAR
26 Jan 2022 | 19:56
“Daşaltı uğursuzluğunun ilkin səbəbi Şuşa türməsindəki terrorçuların buraxılması oldu…”
01:00, Bu gün
Məşhur iş adamının 500 min dollar vergi borcuna görə saxlanılması xəbəri yayıldı...
11:59, Bu gün
"Nə xoş mənə ki, qarşıma belə bir insan çıxıb..."
26 Jan 2022 | 22:14
Məşhur qəhrəmana oxşamaq üçün 40 min dollar xərcləyib tanınmaz hala düşdü - FOTO
00:48, Bu gün
"Rusiya və Ukrayna liderlərinin görüşü üçün Qüdsdən ideal yer tapmaq mümkün deyil"
02:15, Bu gün
Cərrahlar üç uşaq atasında uşaqlıq və yumurtalıq aşkar etdilər - INANILMAZ...
26 Jan 2022 | 21:38
250 minlik ordu Rusiyaya qarşı: “İlk günlərdə üstünlük Ukraynada olacaq”
26 Jan 2022 | 21:20
"Mənə yersiz pislikləri keçməsinə baxmayaraq Baş Prokurorun bu qərarı məni çox sevindirdi"