Milyonların sevimlisi olan gənc xanəndə...

Doğum günün mübarək Almaxanım!!!

 

​

 

​ ​Almaxanım Əhmədli​ 2001-ci il​ avqust ayının 18-də​ Bakı şəhərində​ ziyalı ailəsində anadan olmuşdur. Görkəmli ədəbiyyatşünas​ alim,​ şair,​ filologiya elmləri doktoru,​ professor​ Vüqar Əhmədin​ qızıdır.​ 2006​ -​ 2014-cü illərdə​ S. C. Pişəvəri adına Humanitar Fənlər Gimnaziyasında oxumuşdur. 2017- ci ildə Bakı şəhəri M.Ə.Sabir adına orta məktəbi əla qiymətlərlə bitirmişdir. 2017-ci ildə Səid Rüstəmov adına Bakı şəhəri 13 saylı musiqi məktəbinin "Muğam" şöbəsini qırmızı​ diplomla​ bitirmişdir. 2017-ci ildə​ Azərbaycan Milli Konservatoriyasının​ Solo oxuma fakültəsinə daxil olub.Bu il oranı əla qiymətlərlə bitirərək Azərbaycan Dövlət Mədəniyyət və İncəsənət Universitetinə yüksək balla daxil olub.

 

2014-cü ilin​ iyul ayının 13-də​ muğam,​ təsnif, xalq və bəstəkar mahnılarından ibarət “Qarabağ” adlı ilk audio​ diski​ işıq üzü görmüşdür.​

 

2014-cü iln​ mart​ ayında​ türk xalqları​ üzrə beynəlxalq musiqi müsabiqəsinin qalibi kimi "Bürünc"​ medala​ layiq görülmüş və​ diplomla​ təltif olunmuşdur.

 

2014-cü ilin​ oktyabr ayının 7-dən​ televiziya​ ekranlarında çıxış edir.​ Hal-hazırda​ Amerikanın​ 7,​ Avropanın​ 4 televiziyasında ifaları yayımlanır. Repertuarında muğam dəstgahları, bəstəkar və xalq mahnıları ilə yanaşı​ türk,​ ərəb,​ fars​ və​ ingilis dillərində​ oxuduğu​ nəğmələr​ yer tutur.​

 

2017-ci ilin​ iyun ayının 12-də​ Heydər Əliyev Fondu,​ Azərbaycan Dövlət Televiziyası,​ Mədəniyyət və Turizm Nazirliyi​ və Mədəniyyət Fondunun birgə təşkil etdiyi VI Muğam Müsabiqəsinin qalibi - baş mükafatçısı olmuş, “Qran Piri”​ mükafatı​ ilə təltif olunmuşdur.Almaxanım Əhmədlinin​ müsabiqə​ ərzində oxuduğu dəstgahlar teleradionun "qızıl fond"unda saxlanılacaq.​

 

2017-ci ildən Aztv-nin solisti kimi fəaliyyət göstərir. Hal-hazırda, eyni zamanda​ Beynəlxalq Muğam Mərkəzinin solistidir.

 

V Respublika Muğam Müsabiqəsi - 1-ci yeri qazanıb.​

 

​ 2017-ci ildə​ Beynəlxalq Muğam Mərkəzində​ ilk solo konsertini verib.

 

2018-ci ildə​ Tacikistanın​ Düşənbə​ şəhərində​ Azərbaycan Xalq Cümhuriyyətinin​ yaranmasının 100 illiyi münasibətilə solo konsert vermişdir.​

 

2019-cu ildə​ Qüdsdə​ solo konsertlə çıxış edib.

 

​ 2020- ci il yeni il gecəsi Almaniyada Avropa türklərinin televiziyasında solo konsertlə çıxış edib.​ ​ ​ ​ ​ ​ ​ ​ ​ ​ Bu yaxında yüksək məharətlə oxuduğu " Çahargah" dəstgahı solisti olduğu Az.TV - də nümayiş olinub, muğam ictimaiyyəti və tamaşaçılar tərəfindən rəğbətlə qarşılanıb.​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​

 

Gənc xanəndə, müğənni Almaxanım milyonların sevimlisidir. İstər doğma Vətənində, istərsə də Türkiyə, İran, ərəb və Avropa ölkələrində sevilir, pərəstişkarları saysızdır.​ ​ ​ ​ ​ ​ ​ ​ ​ ​ ​ ​

 

​ DOĞUM GÜNÜN MÜBARƏK SEVİMLİ, İSTEDADLI AZƏRBAYCAN QIZI.

 

20 YAŞIN- YUBİLEYİN MÜBARƏK!!!​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​