“Mən ermənilərin bir millət olaraq xarakterinə yaxşı bələdəm.  Sovet ordusunda, xüsusən indiki Gümrü, o vaxtkı Leninakan şəhərində tank alay komandirinin siyasi məsələlər üzrə müavini vəzifəsində qulluq edəndə də onları yaxından tanımışam. Ermənilər yaltaqlığa, ikiüzlülüyə vərdiş ediblər. Lakin artıq bu dəfə Azərbaycan xalqı, xüsusən onun gəncləri tam ayılıbdır və son 30 ildəki xainlik, namərdlik və vəhşiliklərini onlara bağışlamayacaqdır. Odur ki, ermənilər başa düşür ki, Qarabağda, hətta  “Ermənistan” adlanan ərazidə də onlar  üçün Azərbaycan xalqı ilə, türklərlə birgə və yanaşı yaşamaq çox çətin olacaq. Ona görə də indidən başlarına çarə qılmağa, ora-bura, xaricə qaçmağa çalışırlar”. 

Bu fikirləri Moderator.az-a açıqlamasında  Azərbaycan Müdafiə nazirinin keçmiş müavini, ehtiyatda olan polkovnik Mehman Səlimov ifadə edib.

 

“Putin çıxışında yenə deyir ki, guya Qarabağa  50 min qaçqın qayıdıb. Təbii ki, o, erməniləri nəzərdə tutur. Amma onu  da yaxşı bilir ki, rusların oraya zorla daşıdığı ermənilərdən heç  10-15 mini qalmayıb. Onları da  Rusiya hərbi kontingenti zorla  saxlayır Qarabağda. Bəs o yardımları nədən ötrü edirlər? Edirlər ki, ermənilər birtəhər yaşasın və Azərbaycan torpaqlarından qaçmasın.  Əks halda, yəni Qarabağda ermənilərin qalmayacağı halda Putinin “sülhməramlı”larına da ehtiyac qalmayacaq”- açıqlamasının ardında bunları söyləyən polkovnik  Rusiyanın sülhməramlı sayılan hərbi kontingentinin Qarabağdakı qanunsuz erməni ordusuna silah-sursat daşımasının mümkünlüyündən də bəhs edib. 

“Əldə etdiyim məlumata görə, hətta Qarabağdakı ermənilər rast gəldikləri mülki, yaxud hərbi azərbaycanlılara yalvarırlar ki, onlara Azərbaycanın digər ərazilərindən Gürcüstana qaçması üçün şərait yaratsınlar. Elə Putinin də əsas qorxusu ondan ibarətdir ki,  Qarabağdakı, Ermənistandakı ermənilər qaçıb Krasnodara, Stavropola, Rostova doluşsunlar. Və bu, gec-tez baş verəcək.  Çünki yaxşı bilirəm ki, ermənilər rahat yaşamağı xoşlayandır. Ona görə də hər vasitə ilə qaçmağa can atırlar. Odur ki, Rusiya,  Putin əlindən gələni edir ki,  ermənilər Qarabağdan çıxmasın. Və bu məqsədlə onlara nəinki humanitar yardım edirlər, onların silahlı dəstələrini də təchiz edirlər ki, mülki əhali təhlükəsizliklərinə daha çox əmin olub yerlərində qalsınlar. Bu səbəbdən Rusiyanın humanitar yardım adı altında və ya həmin yardımın içərisində Qarabağdakı qanunsuz erməni ordusuna silah-sursat da daşıması tamamilə mümkün olan bir işdir. Halbuki 10 noyabr üçtərəfli razılaşmasına əsasən  Rusiya kontingenti Qarabağdakı qanunsuz erməni birləşmələrini tərksilah etməlidir”- deyə Müdafiə nazirinin sabiq müavini vurğulayıb.

 

Sultan Laçın