Moderator.az xəbər verir ki, “Hərbi Jurnalistlər” İctimai Birliyinin rəhbəri, hərbi ekspert Üzeyir Cəfərov facebook səhifəsində Ermənistan prezidenti Serj Sərkisyanla Kollektiv Təhlükəsizlik Müqaviləsi Təşkilatının (KTMT) baş katibi Nikolay Bordyuja arasındakı görüşü şərh edib. Hərbi ekspert proseslərin Azərbaycan üçün təhlükəli məcraya qədəm qoyduğunu vurğulayıb:
“Dəyərli dostlar,
hörmətli həmkarlar!!
Son
günlər çətin dövrünü yaşayan Ermənistanın idarə olunan rəhbərliyinin köməyinə
Rusiyanın növbəti dəfə özünü yetirməsindən danışmaq istərdim. Özü də, çox vacib
bir məsələ olduğuna görə, sizlərlə düşüncələrimi
bölüşməklə yanaşı, bu konuda sizin də fikirlərinizi bilmək maraqlı olardı.
Bildiyiniz kimi, dünən
Ermənistanın cinayətkar prezidenti Serj Sərkisyan İrəvanda Kollektiv Təhlükəsizlik
Müqaviləsi Təşkilatının (KTMT) baş katibi, rus generalı Nikolay Bordyujanı qəbul
edib.Verilən xəbərlərdə şəxsən məni ən çox narahat edən Sərkisyanla Bordyujanın
Qafqaz regionunda təhlükəsizliyin qorunması məsələlərinə toxunması deyil,
ayrıca olaraq Azərbaycanın ayrılmaz tərkib hissəsi olan Dağlıq Qarabağla bağlı
müzakirələrin aparması məsələsi oldu ki, hesab edirəm, Azərbaycan tərəfi həm
Xarici işlər Nazirliyi (XİN) , eləcə də Müdafiə Nazirliyi (MN) səviyyəsində bu
özbaşınalığa öz kəskin münasibətini bildirməlidir. Bundan əlavə də
biz ATƏT-in Minsk qrupundan bu məsələyə münasibət bildirməyi tələb etməliyik.
Çünki dolayısı ilə söhbət Rusiya tərəfinin
açıq şəkildə Ermənistanı KTMT xətti ilə dəstəklənməsindən, ona havadarlıq etməsindən
gedir ki, bu da çox narahatedici məqamdır.
Prinsip etibarı ilə mən rus generalı Nikolay
Bordyujanın onsuz da Ermənistan-Moskva marşrutunu "su yoluna" döndərməsindən
mətbuatda geniş bəhs etdiyimə görə, bu haqda çox da uzun-uzadı danışmaq istəməzdim.
Amma son günlər cəbhə xəttində məhz Ermənistanın birbaşa təxribatları və təhrikləri
nəticəsində günahsız insanların ölümlərinə, həmçinin onların yaralanmasına görə
bu məqamın üzərindən də sükutla keçə bilmədiyimdən, hesab edirəm ki, gələn iş həftəsinin
əvvəllərində XİN və MN bu məsələni müvafiq diplomatik və açıq xətlə lazım olan
ünvanlara çatdıracaqlar. Belə
olmazsa, bizi çox təhlükəli presedent gözləmiş olur. Faktiki olaraq, KTMT kimi
bir qurumun heç bir halda - nə hüquqi baxımdan, nə də mənəvi haqqı olmadığı
halda işğal olunmuş ərazilərimizlə bağlı müzakirələrə baş vurması Azərbaycanın ərazi
bütövlüyünə və suverenliyinə birbaşa təhdid və hörmətsizlikdir.
Əziz həmvətənlərim,
yazdıqlarıma xahiş edirəm, elə-belə adi bir hal kimi yanaşmayın. Ermənistanın hərbi-siyası
rəhbərliyinin də ən çox çalışdığı və can atdığı məqam ondan ibarətdir ki, onlar
bizi KTMT ilə həm qorxuzur, həm də sabah Azərbaycan Silahlı Qüvvələrinin erməni
separatçılarına qarşı başlaya biləcək antiterror əməliyyatı zamanı, bizə zor və
güc tətbiq ediləcəyi fikrini formalaşdırmağa çalışır. Mən başa düşürəm və qəbul edirəm ki, Rusiya bizim böyük
qonşumuzdur və iki ölkə arasında bir çox sahələrdə sıx münasibətlər mövcuddur. Amma
bu o anlama gəlməməlidir ki, üzdə bizə xoş məram göstərməyə çalışan ruslar,
faktiki bu 20 ildən artıq bir müddətdə ortalığa qoyduqları qeyri-səmimi münasibəti
bu gün də daha əcaib formada həyata keçirirlər. Məni narahat edən və rahatlıq
verməyən tamam başqa, daha ciddi, daha qorxulu məqamlardır ki,o haqda çox da
açıq şəkildə yazmaq və danışmaq istəməzdim. Yəqin ki, dəyərli dostlarım nə demək
istədiyimi anlayırlar. Fakt ortalıqdadır ki, Ermənistanın cinayətkar rəhbərliyi,
həm də ona açıq və ya gizli yolla dəstək olan havadarları artıq bəzi beynəlxalq
hüquq və normaları açıq şəkildə pozmaq yolunu tutublar. Azərbaycan-Ermənistan sərhədində
gərginləşən situasiyanı müzakirə edən rus generalı nədənsə bu yaxınlarda o
yaramaz Serj Sarkisyanın hansı haqla Dağlıq Qarabağın Ermənistanın ayrılmaz
hissəsi olması ilə bağlı səsləndirdiyi sərsəm fikir ilə bağlı izahat istəmək əvəzinə,
onunla hələ üz-üzə oturub hansısa müzakirə aparır? Özü də bildiyi halda ki, Azərbaycanın
de-yure bütün beynəlxalq səviyyədə tanınan ərazisi olan Qarabağ hüquqi cəhətdən
KTMT-nin məsuliyyət zonasına daxil deyil və heç kimə o səlahiyyət verilməyib
ki, bizim daxili işlərimizə qarışsın.
Deyirəm ki, görəsən bu
rus generalı Nikolay Bordyuja və onunla bərabər ATƏT-in Minsk qrupu üzvləri
olan dövlətlərin rəsmiləri zərrə qədər də olsa vicdan əzabı çəkirlərmi ki, məhz
onların hoqqabazlığı ucbatından Ermənistan həm regionda, həm də bütün dünyada
separatçılığın əsasını qoyub və minlərlə, milyonlarla günahsız insanlar həm əziyyət
çəkir, həm də çoxsaylı vətəndaşlar həyatlarını itiriblər. Belə baxıram ki,
bu vicdan hissini itirmiş şəxslər üçün ən başlıcası onların tutduqları
postlardır. Onlar başqalarının bədbəxtçiliyində öz xoşbətliyini qurmaq yolunu seçiblər. Belə səhv yol
isə gec-tez iflasa məhkumdur.
Tanrı
xalqımızı belə məkrli planlardan qorusun!”