Azərbaycan Müəllimlər İnstitutunun Mingəçevir filialının direktor müavini Xatirə Həsənova Moderator.az-a bir yazı göndərib və onun olduğu kimi saytda yerləşdirilməsini xahiş edib:
"Hörmətli redaksiya, ilk öncə sizin haqları pozulan vətəndaşın haqq səsini ictimailəşdirib lazımı instansiyalara catdıraraq problemlərinin həllində yardımçı olmaq cəhdinizi alqışlayır, Sizə bu fəaliyyətinizdə ardıcıl uğurlar arzu edirəm.
Siyasi baxışlarımız fərqlı olsa, sizinlə haqsızlığa və saxtakarlığa barışmazlıq, hər addımda qanunlarımızın aliliyini ,ədaləti meyyar qəbul etmək,obyektivlik, insanlara cəmiyyətdəki mövqeyinə,vəzifəsinə,sosial durumuna deyil, insanlığına görə münasibət gostərmək, humanistlik və s. kimi ümumi cəhətlərimiz çoxdur . Aylar öncə məndən müsahibə alarkən sizin insanların probleminə nə qədər ürək ağrısı ilə yanaşdıqınızın şahidi oldum. Halbukı 1 il öncə AMİ-nin Mingəçevir filialının sabiq direktoru Orucəli Rzayevin və Mıngəçevir ŞPŞ-nın rəisi Ə.Bədəlovun mənə qarşı qərəzlı və məqsədlı şəkildə aparılan şər ”“ böhtan dolu kampaniyada ıştirak etmışdınız. Sizinlə söhbət zamanı haqqınızda nə qədər yalnış fikirdə olduğumu, bu kampaniyada bilmədən, yalnış informasiyalara əsaslanaraq iştirak etdiyinzi anladım.
Bir neçə gün öncə saytınızda Mingəçevir Şəhər Polis Şöbəsinin rəisi Ələsgər Bədəlovun cinayəti ört ”“basdir etməsi, oğrulara himayədarlığı barədə materialı oxudum. Bir mingəçevirli kımı qeyd edim kı, Ə.Bədəlovun fəalıyyətində bunun kimi yüzlərlə qanun pozuntusu, qanunazidd hərəkət və hərəkətsizlik var. Mingəçevirdə böyüyüb başa çatan bir şəhər ziyalısı, qadin, ana kimi ürək ağrısı ilə bildirirəm kı, nur şəhəri Mingəçeviri Ə.Bədəlov əxlaqsızlıq yuvasına, kazino və narkomanıya şəhərinə çevirib. Polis rəisinin himayə etdiyi restoranlarda əxlaqsızlıq tuğyan edir,cayxanalarda qumarxanalar fəaliyyət göstərir.
Jurnalıst araşdırması aparıb nə qədər haqlı olduğumun şahidi olarsınız.Onun oğruları himayə etməsi Mingəçevirdə cinayətkarlığı günü -gündən artırır. Sizi inandırıram ki,Gülər Nəbiyevanın vəziyyəti mənimlə müqayisədə necə deyərlər, ,,toya -bayrama getməlidir”
Sizə müracətimin əsas səbəbi saytınızda məsələyə münasibət bildirən DİN-nin mətbuat xidmətinin şöbə rəisi, polis polkovnik-leytenantı Orxan Mansursadənin Gülər Nəbiyevanın Mingəçevir Polis Şöbəsinin rəisi haqqında səsləndirdiyi fikirlərin həqiqətə uyğun olmadığını qeyd edərək polıs rəisini müdafiə etməsidir. DİN rəsmisinin polis rəisinə hər vəchlə müdafiə etməyə çalışması mənimçün bir çox qaranlıq məqamları aydınlatdı.
Belə kı, mən də aprelin 26-da daxili işlər naziri Ramil Usubovun Göyçayda əhali ilə görüşü zamanı qəbulunda olmuşam. Qəbul zamanı Mingəçevir Şəhər Polis Şöbəsinin rəisi Ələsgər Bədəlovun mənə qarşı qərəzli mövqeyi, AMİ-nin Mingəçevir filialında dövlət sənədlərini saxtalaşdıranlara, bununla da külli miqdarda dövlət vəsaitini mənimsəyənlərə himayədarlıq etməsi, dövlət əmlakının oğurlanmasını saxta sənədlərlə ört-basdır etməsi və digər ciddi qanun pozuntuları barədə ərizəmı çox hörmətli Ramil Usubova təqdim etdim. Qəbulda olarkən polis rəisinin mənə qarşı insanlığa sığmayan təzyiq, təqibləri və digər çoxsaylı qanun pozuntularını bir daha qeyd edib, təqdim etdiyim faktların araşdırılmasına göstəriş verilməsini və bu araşdırmanın xüsusi nəzarətə götürülməsini xahiş etmışdim. Hörmətli nazirimiz məni diqqətlə dinləyib bu məsələnın ciddi araşdırılacağını bildirdi və bu barədə tapşırıq verdi. Qəbula böyük ümidlərlə gəlmişdim. Düşünürdüm ki, artıq 2 ilə yaxın mənim həyatımı cəhənnəmə döndərən Ələsgər Bədəlovun zülmünə son qoyulacaq, onun davranışlarına hüquqi qiymət veriləcək. Lakin polis rəisi ilə bağlı ciddi araşdırma aparılacağını gözlədiyim halda, tam əksi olaraq nazirin tapşırığına, qanunlarımıza zidd olaraq nazirlik tərəfindən gözlənilməz addım atıldı. DiN-dən 07.05.2014-cü il tarixdə mənə ünvanlanan 001-16095 H saylı məktub bütün ümidlərimi alt-üst etdi. Məktubda müraciətimin baxılması ücün Mingəçevir ŞPŞ-nə göndərildiyi və nəticəsı barədə yerli polis şöbəsindən mənə əlavə məlumat veriləcəyi qeyd edilmışdi. Mən Ələsgər Bədəlovun ciddi qanun pozuntularının araşdırılması ücün məhz onun özünə, rəhbərlik etdiyi şöbəyə göndərilməsinin səbəbini və məntiqini anlamaqda bu gün də acizəm . Mənə indi məlum oldu kı, Ə. Bədəlovun məhz Daxili İşlər Nazirlıyində Orxan Mansurzadə kimi müdafiəçiləri cənab naziri yanlış məlumatlandıraraq polis rəisinin qanunsuz hərəkətlərinə şərait yaradır. Cünki İnanmıram mənə qarşı törədilən bu qədər haqsızlığa, qanun pozuntularına Ramil Usubov belə laqeyd münasibət göstərsın. Axı cənab nazir nədən ,,Vətəndaşların müraciətlərinəbaxılması qaydası haqqında” Azərbaycan Respublikasının Qanunu pozaraq verdiyi sözün əksınə getsin? Bu məhz Ə. Bədəlovun himayədarlarının xidmətləridir. Belə ki, həmin qanunun 7-ci maddəsinə əsasən ,,vətəndaşların şikayətlərinin baxılmaq üçün qanuna zidd hərəkətlərindən (hərəkətsizlıyindən ) şikayət edilən orqanlara və ya vəzifəli şəxslərə göndərilməsi qadağandır”
Hörmətli redaksiya, mən Sızın saytınız vasitəsi ilə nazirliyin mətbuat xidmətinin şöbə rəisi, polis polkovnik-leytenantı Orxan Mansurzadənin açıqlamasına bir müəllım,alim, Mingəçevir ziyalısı kimi münasibətimi bildirmək, məni narahat edən bir neçə suala cavab almaq istəyirəm.
Hörmətli Orxan müəllım,
Qeyd edim kı,Sizin polis rəisini faktla bağlı ümumiləşdirilmış bir fikrlə mudafiə cəhdiniz paqonunu daşıdığınız ali orqan haqqındakı təsəvvürlərimə və ümidlərimə sarsıdıcı zərbə vurduğuna görə məni çox pərt edib. Birincısi, görünən dağa bələdçı nəyə lazım? Bütün Mingəçevir əhalisi Ə. Bədəlovun ,,fəaliyyəti”nə yaxından bələddir.Açıqlama verirsiniz kı,“Istənilən rayon və şəhərdə polis rəisi cinayətin açılmasında, cinayətkarın tapılması və vətəndaşlara dəyən ziyanın ödənilməsində ən çox maraqlı olan şəxsdir. Bu baxımdan Ə.Bədəlov da istisna deyil”.
Amma Ələsgər Bədəlov məhz elə o istisnadır kı, öz maraqlarını vəzifə borcundan, xalqa və dövlətçilyə xidmətdən üstün tutaraq hörmətli nazirimiz Ramil Usubovun xalqımız qarşısındakı xidmətlərinə və bütün Daxili İşlər Nazirliyinin fəaliyyətinə kölgə salır. Vətəndaş oğruların məlum olduğunu,həbs edilib sonradan buraxıldığını bildirirsə, Mingəçevir Polis Şöbəsi kimi axtarır? Məhz nazirə oğruya ev dustaqlığı verildiyini qeyd edibsə, cənab nazirsə Ələsgər Bədəlova əsəbləşərək sərt şəkildə “təcili həbs edilsin” deyirsə, niyə özünüzü və naziri aldadırsınız?
Qarabaq əsilli ,damarlarından əsl azərbaycanlı qanı axan bir vətəndaş kimi məni və hadisədən xəbərdar olan şəhər sakinlərini sarsıdan hallardan biri də polis rəisinin 14 yaşı tamam olmamış Xocalı sakininin zorlanma faktını ört-basdır etməsi olmuşdur. Xatırladım ki, bu olayda da cənab rəis qızı zorlayan cinayətkarı həbs etməyib,cinayət işini rədd etmışdi.Qızın anası Zoya İsmayılovanın 1 il gözü yaşlı halda polis şöbəsinə təpik döyməsi hec bir nəticə vermədi. Yalnız hadisədən 1 il sonra ana hörmətlı nazirimiz Ramil Usubovun qəbuluna düşub başına gələnləri nəql etdikdən sonra hadisəni törədən cinayətkar barəsində cinayət işi başlanıldı və o həbs edildi. Böyük bir şəhərin polis rəisinin başı müsibətlər çəkmiş, Xocalı qətliamından zorla canını qurtarıb Mingəçevirə pənah gətirən bir ananın müsibətinə, 14 yaşlı yetkinlik yaşına çatmayan qız uşağının həyatının puç olmasına bu qədər etinasız yanaşmasına nə ad vermək olar? Yaxşı ki, Ramil Usubov bu dəfə də haqqı pozulmuş bir vətəndaşımızın harayını eşitdi, onu şəxsən dinlədi və ciddi tədbir görülməsinə göstəriş verdi.
Hörmətli polkovnik-leytenant,
Sual olunur, Mingəçevirdə polis rəisinin haqsızlığından zərərçəkmişlərin hamısı nazirlə görüşmək xoşbəxtliyinə nail ola bilirmı? 14 yaşlı Xocalı qızının zorlanma faktı ort ”“basdır edilirsə, Mingəçevirdə kim bu haldan sığortalanıb? Cinayəti törədən həbs olundu,özü də cənab nazirin göstərişi ilə, bəs cinayəti hər vəchlə ört ”“basdır edən, bəs balasının başına oyun gətirilən ananı 1 il qapılarda süründürən polis rəisi niyə cəzasız qaldı? Mənə qarşı etdikləri qanunsuzluqlarınsa sayı yoxdur. Mən dövlət sənədlərini total saxtalaşdıran və dövlət vəsaitini talan edən cinayətkar şəbəkənin göndərdiyi krminal tərəfindən təhdid olunur, bu təhdidlərdən birində yıxılaraq onurğamdan ciddi zədə alaraq aylarla Bakıda xəstəxanaya düşürəm. Amma cinayətkarları himayə edən polis rəisi nəinki ölcü götürmür, müxtəlif bəhanələrlə teleqramla məni polisə cağırır.
Sizi kimi müdafiəçilərinin hesabına təqaüd vaxti çatsa da xidmət müddəti 4ildir uzanır. Sual olunur hansıxidmətlərinə görə? Biz mingəçevirlilərin gunahı nədir? Ələsgər Bədəlovdan nazirə şikayətimi niyə axı özü araşdırıb özü də cavab göndərsin? Bu hansı qanunvericiliyə,hansı ədalət meyarlarına uyğundur? Dəfələrlə müraciətimdən sonra ərizəmin indi də Mingəçevir prokurorluğuna göndərilməsi rəisin sifarişımı, ya DİN məhsulıyyəti öz üzərindənmi atır ? Daxili İşlər Nazirliyində Daxili Təhqiqat İdarəsi mövcud olduğu halda nədən araşdırma polis rəisinin özünə, yerli prokurorluğa tapşırılır? Möhtərəm prezidentimiz cıxışında xalqına xidmət etdiyini, xalqının xidmətçisi olduğunu vurğulayır. Ələsgər Bədəlovun xalqa zulm edib, dərəbəylik etməsinə kim səlahiyyət verib? Qəbulda şahidi oldum ki, general-polkovnık olan nazir necə vətəndaşlara qayğı ilə yanaşır, kömək etməyə calışırdı. Bəs polis rəisi bu özbaşınalıqlarında kimə arxalanır?Müraciətlərimə ehtinasızlıq məndə caşqınlıq yaradır. Amma yenə də mən bu gün respublikamızdakı sabitliyə görə minnətdar olacağımız başda Ramil Usubov olmaqla bir orduya inamsızlıq nümayiş etdirmək fikrindən cox uzağam.Əksinə, mən əminəm ki,qəbuldan sonrakı proseslərdən cənab nazirin xəbəri yoxdur.
Mən Yeni Azərbaycan Partiyasının fəallarındanam.14 iyun 2013- cü il tarixdə Azərbaycan Respublikası YAP Qadınlarının 4-cü Qurultayının nümayəndəsi olmuşam,fəlsəfə doktoruyam.Alı təhsil ocağında direktor müaviniyəm. Mətbuatda cıxışlarla bir polis rəisinə görə bütün nazirliyin fəaliyyətinə inamsızlıq nümayiş etdirmək istəməzdim. Amma bu gün də mənim və övladlarımın həyatının təhlükədə olduğu məni narahat edir.Cənab nazirin Bərdədə təkrar görüşünə düşməyə calışsam da mümkün olmadı. Bu məsələ ciddi araşdırılmalı, hələ elə məqamlar var ki,onu yalnız obyektiv araşdırma aparacaq quruma acıqlayacağam. Mən cənab nazirdən özümün və övladlarımın təhlükəsizliyinin təmin olunmasını, müraciətimin məhz hörmətlı nazirimizin nəzarəti altında DİN ”“in müvafiq Təhqiqat İdarələrindən birində araşdırılmasını xahış edirəm."