Moderator.az millət vəkili, şair Tahir Rzayevin rübailərinin təqdimatına başlayır. Poeziya həvəskarları saytın "Ədəbiyyat" bölümündə deputatın şeirləriylə müəmadi olaraq tanış olmaq imkanı qazancaq.
Rübailər
Ay Allah, insanı yaradan
zaman,
Sən ona ağıl ver, bir də
ki, iman.
Ağılsız, imansız olan
insanlar
Min fitnə törədər, salar
ölüm, qan
Ya rəbbim, rəhm eylə
yaratdığına,
Ləyaqəti yoxsa var vermə
ona.
Dövləti çox olsa
şərəfsizlərin,
Əl açar, baş əyər aqil
nadana.
Yaxşını yamandan seçməsə
bəşər,
Dünyanın başına oyun açar
şər.
Hadanlar, zalımlar törəyib
artar,
Qananlar qanmazla dəyişik
düşər.
Allahın dediyi yol ilə
getsən,
Haqqa, həqiqətə sitayiş
etsən
Ey insan, əbədi
yaşadacaqsan,
Özünü, dinini, Allahını
sən.
Sənindir kainat, günəş,
yer, Allah!
Nə görmək istəsən özün gör,
Allah!
Gözlərə nur, işıq verməzdən
əvvəl
Qəlblərə mərhəmət, iman
ver, Allah!
Haqqın dərgahında haqq
qazananlar
Allahın yanında hörmətli
olar.
Kim haqqı nahaqqa edirsə möhtac
Onun haqq evində öz cəzası
var.
Ey insan, özünü dərk edəndə
sən
Aqilsən, qadirsən, həm də
böyüksən.
Alçalıb, kiçilib,
xırdalanarsan
Özündən, sözündən gözünü
çəksən.
Ey insan, tanrının min
qapısı var
Bilməzsən üzünə hansı
açılar.
Ancaq ki, kamala, ağla
yetənlər
Həmin qapılardan xəbərdar
olar.
Ey insan, insafı unudan
gündən
Xəmirin acımır, küt gedir
kündən.
Varına güvənib zalımlıq
etmə
Allah verdiyini alacaq
səndən.
Ey insan, bu qədər varsa
qüdrətin,
Nədən zəlilisən bəs
həqiqətin?
Hər yerdə, hər zaman haqq
söyləyirsən
Haqqasa çatmağa yox
cəsarətin.
Alim qarşısında nə qədər
ensən,
O qədər ucalıb,
yüksələcəksən.
Nadana, zalıma baş əysən
əğər
Ömrün sonunadək dərd
çəkəcəksən.
Tanrım, elə yarat sən
insanları
Haqqın qulluğunda dursunlar
barı.
Dünyaya nə lazım zalım,
zülmkar,
Niyə yaradırdın bu
insanları?
Allah qismətinə qane ol hər
an,
Çünki odur verən, həm də
ki, alan.
Tanrına kəm baxıb yolunu
azsan
Başın min bəlalar çəkər, ey
insan!
Əl atdım bağçada qönçə bir
gülə
Gül haray qoparıb gəldi tez
dilə.
Dedi:-Yetişməmiş gəl üzmə
məni
Qoy bir az yaşayım,
körpəyəm hələ.
Əlində ixtiyar olduğu
zaman,
Gərək ədalətli olsun hər
insan.
İmkanı olanda baş kəsən
kəsin
Nə fayda dar gündə
yalvarmağından.
Boş sözə aqillər eyləməz
həvəs
Elə söz danış ki, dinləsin
hər kəs.
Ağzından çıxan söz səninki
deyil
Bir söz gedər gəlməz, bir
də ki, nəfəs.
Ağlının gücünə arxayın olan
Nə qəliz danışar, nə də ki,
yalan.
Ağıllı adamlar düzgün
seçiblər
Köhlənə məxmər çul, eşşəyə
palan.
Yel kimi ömrümdən keçən hər
günə,
Baxıb kövrəlirəm mən
dönə-dönə.
Əlimdən sürüşüb uçan bir
anı
Min yol səsləsəm də
qayıtmaz yenə.
Allahım, rəhm eylə
yaratdığına
İnsan susamasın ölümə,
qana.
Qoyma yolun çaşıb bəşər
övladı
Haqqı, ədaləti, insafı
dana.
Olma adın, pulun, malın
möhtacı
O deyil həyatın, dərdin
əlacı.
Var-dövlətdən əvvəl ağlını
artır
Anla ki, başların ağıldır
tacı.
Vəfalı dünyanı vəfasız
edən,
Ey insan, anla ki, sənin
özünsən.
Əlbəttə, dünya da
vəfasızlaşar,
Andını, sözünü dəyişəndə
sən.
Xoşbəxt o kəsdir ki,
gözləri toxdur
Ürəyi təmizdir, tamahı
yoxdur.
Harama qurşanıb pul
yıganların,
Dərdi dövlətindən min dəfə
çoxdur.
Süfrəni agıllı kəslərə
açsan,
Həmişə çörəkli, duzlu
olarsan.
Dosların agılsız, şərəfsiz
olsa,
Bir tikə çörəyə möhtac
qalarsan.
Ey fani dünyanı yaradan
Allah!
İnsan hər an sənə gətirir
pənah.
Dövlət yox, agıl ver
yaratdığına,
Səndən üz döndərib etməsin
günah.
Bəxtinin gözünü agılla
açsan,
Tanınıb, ucalıb, ad
qazanarsan.
Agılsız kəslərin ardınca
getsən,
Hörmətdən düşərsən bir anda
inan.
Yananda elə yan, alovun,
közün
Aləmə nur saçsın, sevinsin
gözün.
Alim ol, sair ol, kim
olursan ol,
Məsləkdə, sevgidə özün ol,
özün.
Yetişməz Tanrıya bil ahın
sənin,
Çünki var-dövlətdir allahın
sənin.
Başına, döşünə döyüb
ağlama,
Allaha bəllidir günahın
sənin.
Bu qədər yalvarış, ibadət
bəsdir,
Məscidin qapısın gedib az
kəsdir.
Qəlbin Allahınla birgə
deyilsə,
Orucun, namazın billah
əbəsdir.
Hər ağac, gül-çiçək,
daş-kəsək, yarpaq
Sirli bir aləmdir duysaq, anlasaq.
Torpaqdan yaranan dilsiz
olsa da
Ona duyanların gözləriylə
bax.
Gənclikdə qazansan
ucalığını
Şərəflə yaşarsan
qocalığını.
Sev-sevil, adını qəlblərdə
ucalt
Neylirsən şərəfsiz
cansağlığını.
Çox uysan dünyanın
var-dövlətinə,
Xələl gətirərsən
ləyaqətinə.
Vicdanını satıb pul
qazananlar,
Hər iki dünyada qalar pis
günə.
Allah həm can verir, həm də
can alir,
Ancaq nə yorulur, nə də
qocalır.
Haqq ilə hər işi qoyur
yoluna
Hər vaxt öz andına o sadiq
qalır.
Həqiqət nə qədər olsa da
acı
Odur bu dünyada ömrün
əlacı.
Qızıl tac ağılsız başda
təzəkdir
Ağıldır insanın başının
tacı.
Baş özü qızıla layiq
olmasa,
Qızıl tac o başda batacaq
yasa.
Ağılla, kamalla şərəflidir
bil
Ömür uzun olsun, ya da ki,
qısa.
Ömrünü ucaltmaq istəsən
əğər,
Yaman əməllərdən qurtar bir
təhər.
Halal çörək qazan, olmasın
heç vaxt
Yediyin zəhrimar, içdiyin
zəhər.
Dünyanın sirrindən baş
açmayanlar,
Yolunu tez çaşıb naəlac
qalar.
Haqqın, ədalətin yolçusu
olsaq
Həm insan, həm də ki, dünya
şad olar.
Boş baş həm ayağa, həm cana
yükdür,
Torpağa, millətə, insana
yükdür.
Eşqsiz ürəklər, ağılsız
başlar
Dünyaya bəladır, cahana
yükdür.
Ağılsız insanlar keçərsə
başa,
Dünya qara geyər, yaz dönər
qışa.
Ağıllı ağlıyla açar yolları
Bərəkət gətirər torpağa,
daşa.
İnamın dövlətin, daş-qaşın
olsun,
Düz sözün, saf eşqin
sirdaşın olsun.
Şərəfli, mənali bir ömür
yaşa
Əməlin əbədi başdaşın
olsun.
Vara çox güvənmə əcəl
çatanda,
Sənə kömək etməz o bircə an
da.
Əməlin pak olsa dadına
yetər,
Ruhun rahat olar nəfəssiz
canda.
Yalanın, böhtanın dalınca
daş at
Xeyirxahlıq edib ömrünü
ucalt
Köməksiz, arxasız, tənha
kəslərə
Dilini uzatma, əlini uzat.
Zalımlıq yolunu tutarsa
insan,
Heç vaxt uzaq olmaz
qandan-qadadan.
Haqqı, ədaləti qorumaq üçün
İnsana düşüncə verib
Yaradan.
Səni xəlq edənin borcunu
versən,
Hər vaxt ucalarsan, xeyir
görərsən.
Əgər haqq yolunu dansan,
unutsan
Nifrətin, qəzəbin sahibisən
sən.
Ardı var...