Hərbi ekspert Üzeyir Cəfərov bir neçə gün öncə paytaxtın Nərimanov rayonu ərazisində, 5 saylı xəstəxananın yaxınlığında Nəqliyyat Naziriliyinin müvafiq department işçiləri tərəfindən üzləşdiyi problem və təhqir edilməsiylə bağlı nazir Ziya Məmmədova müraciət etmişdi. Bildirmişdi ki, tədbir görülməsə başqa tədbirlərə əl atmaq zorunda qalacaq. Nazirliyin məbuat katibi namiq Həsənov da hərbi ekspertə günahkarların cəzalandırılmasını söz vermişdi .
Ancaq Üzeyir Cəfərov deyəsən nazirliyin tədbir görəcəyinə o qədər də çox ümid etmir. Moderator.az-a açıqlamasında Üzeyir bəy bildirdi ki, bir qədər də gözləyəcək, ondan sonra lazım bildiyi addımları atacaq, daha doğrusu, indidən o isiqamətdə hazırlıqlara da başlayıb:
“Nəqliyyat naziri Ziya Məmmədova verdiyim vaxt düz 2 həftə olacaq. Ancaq indidən mən məhkəməyə iddia ərizəsini hazırlayıram. İnşallah yanvar ayının sonuna kimi nazir qarşısında qaldırdığım məsələyə baxılmayacağı təqdirdə mən nazirin özünə qarşı çox ciddi ittihamlarla iddia qaldırtdıracam. İndiyə kimi mətbuatda olan neqativ hadisələr, nəqliyyat müfəttişlərinin sürücüləri döymələri, təhqir etmələri və onlarla digər məsələri də öz məsələmlə birgə ictimailəşdirəcəm. Bu dəfə deyəsən daş qayaya rast gəlib. Ziya Məmmədov bu rüsvayçılığa son qoymasa güclü ictimai qinaq olacaq.