Keçmiş baş prokuror Əli Ömərov Kamran Əliyevin ötən gün baş prokuror təyin olunması ətrafında Moderator.az əməkdaşının bir neçə sualını cavablandırıb:

- Əli müəllim, yeni təyin olunmuş baş prokuror Kamran Əliyevi tanıyırsınızmı? 

- Bəli, tanıyıram, belə ki, 1993-cü ildə mən baş prokuror olarkən Kamran Əliyev mənə ərizə ilə müraciət etmişdi ki, Rusiyyada işləyir və onu Vətəndə işləməsi üçün Azərbaycan Respublikasında prokurorluq orqanlarına işə qəbul edim. Bundan sonra mən Kamran Əliyevi qəbul etdim və onunla söhbət əsnasında gördüm ki, doğrudan da öz gücünə oxumuş, öz gücünə hüquq elmləri namizədi elmi dərəcəsi almış, əxlaqı yerində bir insandır. Ona görə də heç tərəddüd etmədən onu Azərbaycan Baş prokurorluğunun o zaman elmi tədqiqat mərkəzi var idi, ora işə götürülməsinə dair əmr verdim. Yəgin ki, Kamran Əliyevin xatirində olar, mənim onunla görüş zaman apardığımız söhbətim. Belə ki, mən də bir zaman (1973-1974-cü illərdə) Çita vilayətinin Dauriya qəsəbəsində hərbi xidmətdə olarkan hərbi prokurorluqda müstəntiq vəzifəsini icra etmişdim. Kamran Əliyev də 1980-ci illərin sonunda Rusiya Federasiyasının Zabaykalye Nəqliyyat Prokurorluğunun Çita Nəqliyyat prokurorluğunda işləmişdi. Nəqliyyat prokurorluğunda işləməsinin özüdə bir növ bizim həyat yollarımızın bənzərdir, bildiyiniz kimi mən 1983-1993-cü illərdə Gəncə şəhər nəqliyyat prokuroru işləmişəm. Bu gün də Kamran Əliyev mənim kimi Respublikanın Baş prokuroru təyin edildi. Mənim üçün bu qürur verici bir hadisədir, çünki məndən sonra ölkənin 3 baş prokuroru olmuş şəxslərin heç biri mən baş prokuror olarkən Respublikanın prokurorluq orqanlarında işləmirdilər. Eldar Həsənov DİO-da işləyirdir (interpolun rəisi idi) və onu özümə 1-ci müavin gətirdim, Zakir Qaralov prokurorluq orqanlarından xaric olunmuşdu və onun ailə vəziyyətini nəzərə alaraq yenidən öz vəzifəsinə bərpa etdim, Kamran Əliyev isə qeyd etdiyim kimi Rusiya Federasiyasının prokurorluq orqanlarında işləyirdi. Bilmirəm, bəlkə də bu nadir bir haldır ki, bir baş prokuror prokurorluğa işə gətirdiyi insanlardan üçü ondan sonra onun kimi ölkənin baş prokuroru olurlar.

- Eldar Həsənov bu gün də harda olmasından asılı olmayaraq mənə zəng edir, halımı-əhvalımı soruşur. Hər yerdə mənim haqqımda xoş sözlər deməsini ara-sıra eşidirəm. Zakir Qaralovla isə heç bir zaman münasibətim olmayıb, sadəcə onun prokurorluqda ümumi nəzarət işini yaxşı bildiyinə və ailə vəziyyətinə görə onu vəzifəsinə bərpa etmişəm. O isə bir zaman oğlumun prokurorluğa işə qəbul olunmasına dair yazdığı ərizəsinə, cavab olaraq “Bizdə sizə uyğun iş yoxdur” cavab məktubu göndərmişdi. Pensiya məsələmdə də mənə bildirdilər ki, məhs Zakir Qaralovun tapşırığına əsasən mənim təqaüdüm tam və düzgün hesablanmayıb. Bundan sonra mən ondan nə xahiş edə bilərəm? Mən isə belə olmamışam. Heç bir keçmiş rəhbərlərimi unutmamışam. Kimisinin özünə, kimisinin övladına bacarığına görə iş vermişəm. Onların əksəriyyəti hələ də prokurorluqda işləyirlər. Yoxlaya bilərsiniz, kimlərdir onlar. Mən onların adbaad adlarını çəkib vaxtınızı almaq istəmirəm. Nə deyim, ALLAH hər kəsə ürəyinə görə versin!

- Baş prokuror ilk növbədə qanunun aliliyini üstün tutmalıdır. Qanunun tələblərini əlində əsas tutaraq, qanunun hamı üçün eyni olamsını rəhbər tutmalıdır. Cinayət edənləri kiminsə xahişinə görə, kiminsə tapşırğna görə onların cinayətlərini ört-basdır etməməlidir. Bildiyiniz kimi, Cənab Preziden İlham Əliyev də Kamran Əliyevlə videoformatda keçirdiyi qəbul zamanı qeyd etdi ki, kimliyindən asılı olmayaraq heç kim məhsuliyyətdən kənarda qalmamaldır. Və buna bariz nümunə kimi bir neçə İcra başçılarının və digərlərinin həbs olunmasını misal gətirdi.

- Məni tək Zakir Qaralova görə deyil, həm də Eldar Həsənova, Xanlar Vəliyevə və digərlərinə görə də tənqid edirlər. Onların hamısı mənim təyin etdiyim vəzifələrdən daha da irəli çəkilmişlər. Bu mənim üçün qürurverici haldır. Başa düşürəm, adlarını çəkdiyim və çəkmədiyim insanlardan, kiminsə xoşu gəlməyə bilər. Lakin bu insanların heç birini nə kiminsə xahişinə görə, nə kiminsə mənə minnətci düşməsinə görə, nə də kiminsə tapşırığına görə vəzifələrə qaytarmamışam və təyin etməmişəm. Bu onların bacarığı və hər birinin öz sahəsi üzrə peşakar olmasını nəzərə alaraq yalnız və yalnız öz təşəbbüsüm və qərarımla olubdur. Mən yaxşılıq etmişəm, mən namərdlik etməmişəm, onların çörəyinin kəsilməsinə bais olmamışam ki. Lakin, onların bəzilərinin sonradan xalqa necə qan uddurduqlarına görə və onların xisləti, şəxsi-insani keyfiyyətləri özünü sonradan birüzə verdiyinə görə bütün tənqidləri qəbul edirəm. Çünki mən onların bu xüsusiyyətlərini o zaman görə bilməmişdim. 

- Bəli, onlardan biri Daxili İşlər naziri Vaqif Novruzovdur, biri də Müdafiə naziri Məmmədrəfi Məmmədov və digər yüksək vəzifəli şəxslərdir. Daxili İşlər naziri Vaqif Novruzovla bağlı elə qeyd etdiyiniz kimi mətbuatda, konkret olaraq "Femida" qəzetində gədən V. Novruzovun rüşvətxorluqla məşğul olması ilə bağlı məqaləyə əsasən cinayyət işi başladım. Belə ki, mətbuat orqanında gedən hər-hansı məlumatı prokurorluq yoxlayıb reaksiya verməlidir. Və mənim göstərişimlə yoxlama başlandı, yoxlamanın nəticəsində yazılanların doğru olması sübut olundu, bununla bağlı mən Daxili İşlər naziri V.Novruzova qarşı cinayyət işi başlatdım və Prezident Heydər Əliyəvə yazdığım Təqdimat əsasında V.Novruzov vəzifəsindən uzaqlaşdırıldı. Bundan başqa, Müdafiə naziri Məmmədrəfi Məmmədovun dövlət vəsaitinin düzgün istifadə etməməsi, nazirlikdə küllü miqdarda yeyintilərə yol verməsi ilə bağlı yoxlama materialları toplanıb və cinayət işi başlanması üçün göstəriş vermişəm. Lakin bildiyiniz kimi, sonra mən istefa verməli oldum, M.Məmmədov isə ölkədən qaçaraq məhsuliyyətdən yaxasını qurtara bildi. Digər yüksək vəzifəli şəxsləri bir-bir sədalamaq istəmirəm, çünki onlar nə qədər yüksək vəzifəli olsalar da ölkənin iki güc naziri qədər yüksək vəzifəli ola bilməzlər və bundan başqa elə onların bir qismi bu nazirlərə tabeli insanlar idi. O ki qaldı qorxmağa, özünüz təsəvvür edin ki, bir prezidentin təyin etdəyi iki güc nazirinə qarşı cinəyət işi qaldırmaq nə qədər təhlükəli ola bilər. Hələ bu prezident Heydər Əliyev kimi bir siyasətçi, dövlət idarəçisi və böyük şəxsiyyətdirsə. Bundan başqa da tarixi boyu, yəni Azərbaycanda prokurorluq orqanları 01 oktyabr 1918-ci ildə yarandığı gündən bu günə qədər və ümumiyyətlə dünya tarixində nadir rast gəlinən hadisədirsə, demək ki qorxmağa əsas var idi. Lakin məndə zərrə qədər də qorxu yox idi, çünki Ulu öndər Heydər Əliyev məni baş prokuror təyin edərkən tapşırmışdı ki, kimliyindən asılı olmayaraq qanun hamı üçün birdir və bütün qanunu pozanlar qanun qarşısında cavab verməlidirlər. Bu da öz növbəsində mənə güc verirdi ki, mən heç nədən qorxmadan qanunun aliliyini təmin edim. Buna oxşar tapşırıqları bu gün də cənab Prezident İlham Əliyev yeni təyin olunmuş Baş prokuror Kamran Əliyevin qarşısında qoydu. Bu ağır və şərəfli vəzifəyə təyin olunması ilə əlaqədar Kamran Əliyevi ürəkdən təbrik edirəm və ona gələcək fəaliyyətində uğurlar arzu edirəm! ALLAH köməyi olsun!