Ali Baş Komandan, Prezident İlham Əliyevin sosial şəbəkə və medianın gündəminə dönmüş işğaldan azad  torpağımızda tikilən "ağıllı" kənddə rastına çıxan bir pişiyi sığallamasını əks etdirən foto-şəklini görəndə öncə Laçın rayonunun hələ də Rusiyanın sülhməramlı sayılan hərbi kontingentinin nəzarətində qalan doğma Ağanus kəndimizdə 1992-ci il mayın 17-də qoyub gəlməyə məcbur olduğumuz it-pişiyimiz, toyuq-cücələrimiz yadıma düşdü... Çox şükür ki, 30 ilə yaxın işğal altında qalan torpaqlarımızın əksər hissəsində kimsəsiz qalmış ev və çöl heyvanlarımızın, quşlarımızın nəsilləri artıq insan qayğısı hiss etməyə başlayıb...  Ev təsərrüfatlarında, qoruqlarımızda heyvan və quşlar, eləcə də ağaclar, bitkilər bundan sonra Azərbaycan, türk, müsəlman insanının(!) sevgi və nəzarətini duyacaqlar.  İnşallah, zamanı gəlincə Laçın dəhlizi və Qarabağın qalan hissəsindən Rusiyanın hərbi  kontingenti ilə birlikdə qayğılarını çəkdiyi qanunsuz separatçı-terrorçu erməni dəstələrini də çıxmağa vadar edə bilsək, bizlər də həm Laçın şəhərində və “dəhliz”ə düşən kəndlərdə, həm də Kəlbəcər, Ağdam, Tərtər rayonlarının hələ azad olunmamış  kəndlərində qoyub gəldiyimiz heyvan və quşları tapmasaq da, orada tapdıqlarımızın qayğısına qalacağıq...

 

*** ***

 

Prezidentin  pişiklə fotosu  bizlərə həm də bir sıra ibrətamiz mətləbləri andıran atalar sözlərini xatırlatdı... Həm özümüzə, həm də digər xalqlara məxsus olanları...

 

***

 

İlk xatırladığım atalar sözündə əks olunmaqla yanaşı, həm də məşhur şərq döyüş növləri, ustalarının xüsusən Çin-Honkonq karateçisi Bryus Linin yararlandığı bir pişik xüsusiyyəti oldu: 

Pişik arxasını yerə vurmaz...  

 

Doğrudan da pişik qaçmaq istəsə, onu yalın əllə tutmaq çox çətindir.  Amma tutsan da, əlində əzişdirsən də, döysən də, ora-bura atsan da, nə qədər ki, huşu özündədir, yerə düşəndə çevik davranıb arxası üstə düşməz, düz ayaqları üstə düşər...  İnsan olanda da, xalq olanda da elə olasan, nə qədər əzilsən də, daxili və xarici çətinliklərə, əzablara düçar olsan da, heç vaxt kürəyini yerə verməyəsən, düşmənlər qarşısında  əyilməyəsən, sınmayasan... 44 günlük savaşda şəhid və qazilərimizin qanı-canı hesabına,  xalqımızın, dövlətimizin ən vətənpərvər kəsiminin dəstəyi, dəyanəti, iradəsi sayəsində əldə etdiyimiz böyük uğurlar onu göstərdi ki, müsəlmanda, türkdə, Azərbaycan xalqında  belə bir qüdrət var və ondan ictimai-siyasi həyatın bütün sahələrində yararlanmaq mümkündür...

 

*** ***

 

Pişik haqqında atalar sözləri, deyimlər boldur...

Cəmiyyət də belədir....  Yəni səmimi, təmənnasız olaraq xalqın, dövlətin, Vətənin xeyrinə çalışan, bu yolda canını fəda etməyə hazır insanlara, ölkədəki neqativ hallara, haqsızlıqlara, məsələn, korrupsiya və rüşvətxorluğa qarşı gerçək mübarizə aparan, özləri bu çirkaba bulaşmayan insanlara dəyər verməsək, onların qayğısına qalmasaq, ətrafımızı, böyür-başımızı bütün varidatımızı, yeraltı-yürüstü sərvətlərimizi siçan-siçovul kimi gəmirən məxluqlar bürüyəcək...

 

*** ***

 

Pişik bərkə düşəndə   dırnağı ilə pələng gözü çıxardar...

 

*** ***

 

 

 

**** 

 

*** ***

 

Yaxşı bir yapon atalar sözü də var: Hətta pişik və it də üç il yedirəndə yaxşılığı itirmir...

 

Erməni, əslində “erməni” yox, “hay” adlı toplumu Osmanlı da, Türkiyə də, Azərbaycan da əsrlərlə qoynunda bəslədi, onlara nə qədər   yaxşılıq etdi... Sonda Fransanın, Rusiyanın, İngiltərənin fitnəsi ilə bizlərə namərdcəsinə  arxadan   zərbələr vurub düşmən kəsildilər...

 

*** ***

 

Fars atalar sözü də pis deyil: 

Heç bir pişik siçanı Allah rizasına tutmur... 

Allahdan, imandan, xalqdan, vətəndən dəm vuran, varı-varidatı başından aşan hər din adamı da  həyatını səmimi olaraq, xalqı, müsəlman ümməti üçün yaşamır... Mübarizəsini, cihadını Allah rizası üçün aparmır... Sadəcə, pişik kimi heyvani nəfsinə uyub hiylə-fitnə ilə tutduğunu tutur, qamarladığını qamarlayır və acgözcəsinə yeyir...

 

*** 

 

II Qarabağ savaşından sonra neçəsinin arzusu ürəyində qaldı, neçəsi gücümüz qarşısında çökdü, neçə özünə pələng, şir deyən bu xalqın dəmir yumruğu qarşısında quyruq bulayan pişiyə döndü... Azərbaycan xalqı, Türk-Müsəlman birliyi hələ çoxlarının pişiyini ağaca, divara dırmaşdıracaq... 

 

Sultan Laçın