Bu il sentyabrın 11-də Məkkədə qaldırıcı kranın Məscid əl-Həram, yəni Böyük Məscidə aşması nəticəsində 100-dən çox müsəlmanın ölməsi olayı bütün İslam dünyasında böyük üzüntü ilə qarşılandı. Minlərlə zəvvarın Həcc ziyarəti üçün axışdığı bir vaxtda baş verən olayla bağlı aparılan araşdırma qaldırı kranın güclü küləyin təsiri ilə aşdığını göstərib. Hər halda rəsmi dairələrin verdiyi informasiya bundan ibarətdir.
Ümumilikdə isə Məkkədəki 11 sentyabr faciəsi 14 il bundan öncə ABŞ-da baş verən terror olayını yada salır. Hansı ki, 2001-ci ilin 11 sentyabr tarixində dünyanın ən güclü dövlətinə qarşı həyata keçirilən terror hücumu nəticəsində NyuYorkda Dünya Ticarət Mərkəzi -əkiz qüllələr dağıdılmış, Vaşinqton, Şenksvil, Pensilvaniyada da terror aktları qeydə alınmışdır.
Üç gün bundan öncə Məkkədə baş verən və daha çox qəza kimi xarakterizə edilən olayın məhz 11 sentyabr tarixinə - ABŞ-ın kütləvi terror hücumuna məruz qaldğıı tarixə təsadüf etməsi diqqət çəkir.
Maraqlıdır, xristian dünyasının ən böyük güc mərkəzində törədilən terror olayından 14 il sonra böyük insan tələfatı ilə nəticələnən qəzanın İslam dünyasının ürəyində - Məkkədə baş verməsi sadəcə bir təsadüfdürmü? Məkkədəki faciənin terror aktı olma ehtimalı doğrudanmı sıfıra bərabərdir? Əgər bu olay doğrudan da terror aktı deyilsə, o zaman məlum faciəni ilahi ədalət hesab etmək mümkündürmü? Bəlkə doğrudan da Allah 2001-ci ilin 11 sentyabrında öldürülən günahsız insanlara görə cəzanı məhz bu tarixə - 11 sentyabra ona görə salıb ki, bu ölümün hansı günahın bədəli olduğunu anlayaq?
Şübhəsiz, bu suallara indiki məqamda cavab vermək çətindir və bəlkə də heç vaxt bir çox böyük cinayət və qəzalarda olduğu kimi bu olayın arxasında gizlənən əsl həqiqət də əsla ortaya çıxmayacaq. Lakin bu gün üçün aydın olan bir şey varsa, o da bu ehtimallardan hər birinin həqiqətə eyni dərəcədə yaxın məsafədə olması ilə bağlıdır.
I ehtimal ”“ ABŞ gözdağı niyyətində
Məkkədəki faciə ilə bağlı ağla gələn birinci ehtimal olayın terror aktı olması ilə bağlıdır ki, bu ehtimalın reallıqla yaxınlığı inkaredilməzdir. ABŞ və onun xarakterinə, qisas və hərəkət mexanizminə az-çox bələd olan hər kəs bilir ki, Rusiyadan fərqli olaraq Amerika heç vaxt hansısa zərbəyə dərhal reaksiya verməyə tələsmir. Öz qurbanını herətamiz səbirlə, səssiz-sədasız, hədə-qorxusuz bəzən illərlə izləyir və eynən bir ilan kimi hücum üçün əlverişli məqamda hərəkətə keçərək qurbanını ən müdafiəsiz anında yaxalayır.
Bəli, tarix sübut edir ki, ABŞ kiməsə borclu qalmağı xoşlamır. İllərlə İraq lideri Səddam Hüseynin hədə-qorxularına səbirlə qulaq asan Amerika sonda ona qan və göz yaşı vəd edən diktatora onu elə öz ölkəsində dar ağacından yellətməklə cavab verdi.
Bu səbəbdən də Məkədəki terror aktının ABŞ xüsusi xidmət orqanlarının “əl işi” ”“qisas əməliyyatı olması ehtimalı böyükdür.
II ehtimal ”“ qəza
Kran faciəsi ilə bağlı ağla gələn II ehtimal hadisənin qəza nəticəsində baş verə biləcəyi ilə bağlıdır. Hadisə ilə bağlı əlaqədar qurumların verdiyi rəsmi bəyanatda da hadisənin bu səbəbdən baş verdiyini iddia olunur. Bütövlükdə qəzaya səbəb olacaq təbii-texniki amilləri ”“ küləyin gücünü, kranın durma trayektoriyasını, hündürlüyünü, küləyin təsirinə məruz qalma şiddətini və s. nəzərə alsaq, olayın qəza nəticəsində baş verməsinin mümkünlüyü ortaya çıxar. Əgər olay həqiqətən də qəza səbəbindən meydana gəlibsə, o zaman faciəni terror aktı kimi birmənalı olaraq ABŞ-ın ayağına yazmaq İslam dünyasını ABŞ-la üz-üzə qoymaq cəhdi olar ki, bu da yumşaq mənada təxribat deməkdir.
III ehtimal ”“ ilahi cəza
Məkkədəki kran faciəsi ilə diqqət çəkən digər bir ehtimal olayın 11 sentyabr 2011-ci il hadisələrinə cavab olaraq ilahi cəza kimi meydana çıxması ilə bağlıdır. Hansı ki, bəşəriyyətin ən son tarixində belə kifayət qədər bu cür nümunələr mövcuddur.
Ola bilsin ki, Allah bununla müsəlmanlı-xristianlı bütün insanlara mesaj verir. Ola bilsin ki, Allah bununla söyləmək istəyir ki, onun üçün Allahı tanıyan, onu sevən, onun dediklərinə əməl edən şəxslərin kimliyi, hansı dinə mənsubluğu önəmli deyi. Önəmli olan insanın saf qəlbə, xeyirli əmələ sahib olmasıdır. Bəlkə də Allahın demək istədikləri tamamilə başqadır. Bəlkə O, ümumiyyətlə heç nə demək istəmir və sadəcə edilən əməlin cəzasını həyata keçirir. Bunu söyləmək, dərk etmək çətindir.
Ancaq bəlli olan bir həqiqət var. İlahi ədalət mövcuddur və o ədalət gec-tez tapması gərəkən hər kəsi tapacaqdır!
Seymur Əliyev
