"29 dövlət xüsusi tribunalın yaradılmasına tərəfdar olan koalisiyaya qoşulub..."

 

"Rusiya üzərində tribunal artıq bu yay işə başlaya bilər..."

 

ABŞ Rusiya üçün xüsusi tribunalla bağlı mövqeyini müəyyən edib...

 

ABŞ Dövlət Departamenti Rusiyanın Ukraynaya qarşı hərbi cinayətlərinin araşdırılması üzrə xüsusi tribunalın yaradılmasını dəstəkləyib.

 

Moderator.az xəbər verir ki, bu barədə Dövlət Departamentinin qlobal ədalət məhkəməsi məsələləri üzrə səfiri Bet Van Skaak məlumat verib. Məlumatı "Amerikanın səsi" nəşri yayıb.

 

"İndi, tarixin kritik dönəmində, mən elan edə bilərəm ki, biz Ukraynaya qarşı təcavüz cinayətlərinin araşdırılması üçün xüsusi tribunalın yaradılmasını dəstəkləyirik.

 

Müxtəlif modellər nəzərdən keçirilib. ABŞ bütün "lehinə" və "əleyhinə" olan məqamları nəzərdən keçirərək, bu nəticəyə gəlib ki, təcavüz cinayətlərinə görə məsuliyyətin təmin edilməsinin ən səmərəli üsulu Ukraynanın məhkəmə sistemi çərçivəsində beynəlmilələşdirilmiş məhkəmənin yaradılmasını nəzərdə tutur".

 

Bunu Dövlət Departamentinin nümayəndəsi Vaşinqtonda Amerikanın Katolik Universitetinin Nürnberq prinsiplərinin müasir çağırışlarına həsr olunan konfransda çıxışı zamanı bəyan edib.

 

Van Skaak qeyd edib ki, xüsusi tribunal beynəlxalq cinayətlər üzrə predmetli yurisdiksiyanı, mümkündür ki, peşəkarlar, hakimlər, prokurorlar, müstəntiqlər, vəkillərin inteqrasiyası və ya Ukraynanın sorğusu üzrə ekspert yardımının göstərilməsi vasitəsilə beynəlxalq personalın cəlb edilməsini özündə ehtiva edəcək.

 

Onun sözlərinə görə, bu səylər məhz məhkəmənin Ukraynanı necə dəstəkləməsi və harada olması barədə beynəlxalq elementləri özündə ehtiva edə bilər.

 

"Məsələn, potensial olaraq bu, hər halda müharibə zamanı, haradasa Avropada ola bilər, bu, gələcəkdə Avropanın Ukrayna oriyentasiyasını, belə təsisatın beynəlxalq legitimliyini möhkəmləndirəcək və onun üçün əhəmiyyət kəsb edəcək, həmçinin təcavüz cinayətlərinin araşdırılmasına sadiq olan güclü dövlətlərə yardım göstərəcək", - səfir deyib.

 

Van Skaak qeyd edib ki, belə məhkəmə daha geniş beynəlxalq dəstəyə kömək edəcək. Həm də bu, zaman və resurslar tələb edən yeni müstəqil təsisatın yaradılması haqqında Baş Assambleyanın qətnaməsini tələb etməyəcək.

 

Onun sözlərinə görə, ABŞ Ukrayna və digər dövlətlərlə əməkdaşlıq etməyə, resurslar təqdim etməyə, beynəlxalq cinayətlərə görə hərtərəfli məsuliyyətə nail olmaq üçün tribunalla məlumatlar mübadiləsi aparmağa hazırdır.

 

Bu zaman Van Skaak qeyd edib ki, hələlik beynəlxalq tribunalın belə hibrid modelinin yaradılması üzrə konsensusa nail olmaq mümkün olmayıb.

 

"İki mövcud model nəzərdən keçirilir. Birinci variant beynəlxalq xarakter daşıyacaq və çoxsaylı beynəlxalq dəstəyi olacaq Ukrayna tribunalıdır. İkinci variant BMT Baş Assambleyası tərəfindən yaradıla bilər. 

 

Daha müstəqil beynəlxalq təsisatın üstünlüyü barədə fikirlər də var, lakin belə narahatlıq var ki, Baş Assambleya belə təsisatın yaradılması üçün lazım olan səsləri toplamaya bilər", - o, əlavə edib.

 

Prezident Ofisində hələ 2022-ci ilin sentyabr ayında məlumat verilib ki, Ukrayna "Böyük yeddilik" ölkələrinə və digər tərəfdaş dövlətlərə Rusiyanın Ukraynaya qarşı təcavüz cinayətlərinə görə beynəlxalq tribunalın yaradılması üzrə təşəbbüsünü dəstəkləməyi təklif edir.

 

Yanvarın 16-fa Avropa Parlamentinə Rusiya üçün xüsusi tribunalın yaradılması təklifi daxil olub. O zamandan Avropa İttifaqının bir sıra ölkə və məmurları öz dəstəyini ifadə edib. Niderland artıq  özündə Rusiya üzərində tribunalı qəbul etməyə hazırdır.

 

Yanvarın 19-da Avropa Parlamenti təcavüzkar ölkə olan Rusiyanın və onun Ukraynaya qarşı əlaltısı Belarusun cinayətlərinin araşdırılması üzrə dərhal tribunalın yaradılmasına çağırış edən qətnaməyə səs verib.

 

Avropa deputatları təkcə Kreml rəhbəri Vladimir Putinə deyil, həm də Belarus rəhbəri Aleksandr Lukaşenkoya qarşı da araşdırma aparılmasına başlamağa çağırış edib.

 

Martın əvvəlində Ukrayna XİN məlumat verib ki, artıq 29 dövlət xüsusi tribunalın yaradılmasına tərəfdar olan koalisiyaya qoşulub. Onların arasında Latın Amerikasının bir dövləti də var.

 

ABŞ Dövlət katibinin siyasi işlər üzrə müavini Viktoriya Nuland güman edib ki, Rusiya üzərində tribunal artıq bu yay işə başlaya bilər. Onun sözlərinə görə, "Böyük yeddilik" ölkələri bu məsələ üzərində işləyir və təşəbbüsün işə salınması mexanizmlərini öyrənir.