"Yaradıcılığının ən müdrik çağlarını yaşayan Afaq xanım, bu gün də fəal yaradıcılıq axtarışındadır"

Moskvada Rusiya raket-kosmik korporasiyasının top-meneceri həlak olub

Ukrayna paytaxtına Belarusdan zərbə ediləcəyi barədə anons edilib

"Ukrayna bütün torpaqlarını işğalçılardan azad edə biləcəkmi?" - ISW

"Ölkəmiz bu mötəbər tədbirə yüksək səviyyədə hazırlıq işlərini həyata keçirir"

Gecə saatlarında Moskvanın mərkəzinə texnika yeridildi...-FOTO

Putinin andiçmə mərasiminə Ukraynadan sürpriz olacaqmı?

Ermənistanda 20 hərbçi Qazaxın kəndlərinin qaytarılmasına etiraz edənlərə qoşuldu?-VİDEO

Kişi, yoxsa qadın həkimlər daha yaxşıdır? - Tədqiqat

"Yaradıcılığının ən müdrik çağlarını yaşayan Afaq xanım, bu gün də fəal yaradıcılıq axtarışındadır"

Oxunub: 1289

15 Aug 2020 | 15:35

Bugün Azərbaycan Respublikasının Xalq artisti‚ “Şöhrət” ordenli teatr və kino aktrisası,

Azərbaycan Prezidentin fəxri təqaüdçüsü Prof. Afaq Bəşirqızının 65 illik yubiley günüdür.

Afaq Bəşir qızı Səfərova (15 avqust 1955, Bakı) böyük Azərbaycan aktyoru Bəşir Səfəroğlunun ailəsində doğulub.

Azərbaycan Dövlət İncəsənət İnstitutunda (indiki ADMİU; 1974-1979-cu illərdə) ali təhsil alıb.

Aktrisalıq fəaliyyətinə 1973-cü ildə Lənkəran Dövlət Dram Teatrında başlayıb. İlk rollarından özünü istedadlı, işgüzar, səhnəyə böyük məhəbbətlə bağlı, daim axtarışda olan sənətçi kimi göstərərək tamaşaçıların dərin rəğbətini qazanıb. 1975-ci ildə Sumqayıt Dövlət Dram Teatrına dəvət alan aktrisa, 1989-cu ilə qədər burada çalışıb. Sumqayıt teatrında klassik və çağdaş dramaturqların əsərlərində baş rolları ifa edərək, şöhrət qazanıb. Onun “Bəxt üzüyü”ndə yaratdığı ünlü Söylü obrazı, öz koloritinə, tutumuna, yüksək bədii keyfiyyətlərinə görə bir örnəkdir.

Sonra Mədəniyyət Nazirliyi tərəfindən Azərbaycan Dövlət Musiqili Komediya Teatrına (indiki Azərbaycan Dövlət Musiqili Teatrı) göndərilən Afaq Bəşirqızı, bugünə kimi həmin teatrda çalışır. Afaq Bəşirqızı teatr yaradıcılığı ilə yanaşı bir sıra filmlərdə, televiziya tamaşalarında da çəkilib. Azərbaycan Televiziyasında hazırlanmış, Anarın “Evləri köndələn yar” (Darçınbəyim), Vaqif Səmədoğlunun “Yaşıl eynəkli adam” (Zəhra), Əli Əmirlinin “Bala başa bəla” (Suğra), Məcnun Vahidovun “Yarımştat” (Ayna), Aqşin Babayevin “Nekroloq” (Gülya) əsərlərinin teletamaşalarında fərqli xarakterli rollar oynayıb, “Afaq gülür, güldürür” şousunda müxtəlif obrazlar yaradıb. “AzərbaycanFilm”in istehsalı olan “Bəxt üzüyü”ndə Söylü rolunda və “Mozalan” satirik kinojurnalında (“Uşaq bağçası”, “Ət kombinatı”nda, “Xaricdə belə deyil”, “Belə də olur” nömrələrində) uğurla çıxış edib.

Afaq Bəşirqızı daxilən çoşqun, romantik aktrisadır. Məhz bu cəhət onun rollarının ictimai tutumunu ifadə edir. Afaq Bəşirqızı milli xalq oyun-tamaşalarının estetik prinsiplərini dərindən duyan, milli gülüş mədəniyyətinin ruhunu öz ifasında parlaqlıqla təcəssüm etdirən görkəmli sənətkardır.

Yaradıcılığının ən müdrik çağlarını yaşayan Afaq xanım, bu gün də fəal yaradıcılıq axtarışındadır. O, uzun illər Mədəniyyət və İncəsənət Universitetində pedoqoq kimi çalışıb və həmin Universitetin professor elmi adına layiq görülüb.

Afaq Bəşirqızının Azərbaycan teatr sənətinin və kinematoqrafiyasının inkişafındakı xidmətləri dövlət tərəfindən yüksək qiymətləndirilib. O, 1989-cu ildə “Əməkdar artist”, 1993-cü ildə “Xalq artisti” fəxri adına layiq görülüb. 2013-cü ildə “Şöhrət” ordeni ilə təltif olunan Afaq Bəşirqızı, 2015-ci ildə Azərbaycan Respublikası Prezidentinin fərdi təqaüdü, teatr və kino sənətinin inkişafında xidmətlərinə görə Prezidentin Fəxri diplomu ilə təltif edilib.