Moderator.az gənc muğam ifaçısı Mehranə Vəliqızı ilə müsahibəni təqdim edir:

- Şükür ki, yaxşı başlayıb. Hələlik təhsil aldığım Milli Konservatoriyada dərslərimiz davam edir. Ustadım, milli musiqimizin fəxri, xalq artistimiz Mənsum İbrahimovun rəhbərliyi altında muğamları daha dərindən öyrənirik, xanəndə üçün vacib olan əlavə fənlər üzrə biliklər əldə edirik.  Eyni zamanda, fevral ayının 3-də olduqca məsul bir konsertə hazırlaşırıq. İki yeni musiqi nömrəsi hazırlamaq üçün sözlərin müəllifləri, musiqiçilərlə hazırlıq işləri aparırıq. Xanəndə üçün ən mühüm olan şey onun sağlamlığının, səsinin yerində olmasıdır. Allaha bir daha şükür edirəm ki, 2020 – ci ildə bu sahədə problemlər yaranmayıb. 

- Bu çox gözəl haldır ki, bizim öz Milli Konservatoriyamız vardır. Ölkənin Birinci vitse- prezidenti, birinci xanım hörmətli Mehriban Əliyevanın qayğısı sayəsində Konservatoriyada bir xüsusi, gözəl ovqat var. Eyni zamanda, bu da çox gözəldir ki, bizim Konservatoriyada muğamın canlı korifeylərindən olan Əlibaba Məmmədov, Arif  Babayev, Alim Qasımov, Mənsum İbrahimov kimi  gözəl xanəndələrimiz  dərs deyirlər.  Muğam sənətində böyük uğurları olan Təyyar Bayramov da artıq onlarla bir sırada geniş, məhsuldar fəaliyyət göstərir. Eyni zamanda Elçin Həşimov, Elnur Əhmədov kimi sənətkarlarımız, bir çox müəllimlərimiz də Milli Konservatoriyanın sambalını xeyli artırır.

Onu da qeyd edim ki, mən bu günə qədər xeyli müəllimlər görmüşəm, bu mənim ikinci təhsilimdi, özüm də pedaqoji fəaliyyətlə məşğulam. Amma təəssüflə onu da demək istərdim ki, bu gün Milli Konservatoriyada pedaqoji bacarığı zəif olan müəllimlər də var. Eləsi var ki, bilir, lakin öyrətməyə bir qədər qısqanclıq edir, eləsi də var  xanəndə tələbələrin auditoriyasında ağlına nə gəldi danışır. Əlbəttə, belə müəllimlərin dərsində iştirak etmək mənim üçün çox çətin olur. Arzu edərdim ki, bu məsələlərə diqqət artsın.

-Bəlkə də, Sizə təəccüblü gələcək. Orada fəaliyyət göstərən xeyli dostlarıma hər zaman uğur arzulasam da, gedib onların ifalarını tez-tez dinləsəm də, mənim Opera və Balet Tetrında işləməyə həvəsim yoxdur.  Mənim xarakterim elədir ki, real həyatda da hansısa rola girə bilmirəm. Mən hər zaman özüməm. Özümü hansısa tamaşada, hansısa özümə uyğun olmayan situasiyalarda təsəvvür edə bilmirəm. Ona görə də tamaşalar mənlik deyil. Amma bir daha deyirəm, Opera və Balet Teatrında fəaliyyət göstərən dostlarımın uğurları məni çox sevindirir.  Amma mənim xarakterim orada fəaliyyət göstərməmə imkan vermir.

-Mən də öz doğulduğum el-obamı çox sevirəm və hər zaman Ucarla fəxr edirəm. Ucarın çox əməksevər insanları vardır. Onların bir çoxu muğamda olmasa da,  başqa fəaliyyət sahələrində böyük uğurlar qazanıblar. İndi dünyanın hər yanından ucarlıların xoş sorağı gəlir. Mənim xanəndə olmağımda da qeyri-adi bir şey yoxdur. İnşallah, yəqin ki, mən müəyyən uğurlar qazana bilsəm, bu Ucardakı uşaqların da  muğama marağını, həvəsini artıracaq. O zaman onlar arasından inşallah, çox tanınmış ciddi sənətkarlar da yetişər.

Ucar camaatının mənim sənətimə olan maraqlarından da çox razıyam.  Qazandığım hər bir uğur Ucarda böyük maraqla qarşılanır. Onların əksəriyyəti mənə öz xoş arzularını yazırlar. Mənim uğurlarıma sevindiklərinə şahid oluram. Buna görə də onlara təşəkkür edirəm və onların da etimadını doğrultmağa çalışacam.

-Ölkəmizdə günü-gündən daha da vüsət alan abadlıq işləri məni şox sevindirir. Bu olduqca xoşdur. Məsələn, rayona gedib gələndə insanda bir məmnunluq hissi yaranır. Bir neçə il əvvəl yollar çox bərbad idi. İndi isə olduqca rahat yollarla, tez bir zamanda hər bir rayona getmək mümkündür. Dövlətimizin bu fəaliyyəti göz qabağındadır.

Amma milli-mənəvi problemlərlə bağlı bir sıra məsələlər məni məyus edir. Cəmiyyətdə zorakılıq hallarının artması ürək ağrıdır. Hər gün televiziyanı açacaq, sosial şəbəkələrə daxil olacaq qan donduran hadisələrlə bağlı məlumat eşidirik. Adət-ənənəmizə uyğun olmayan davranışlar haqda eşidirik. Azərbaycan qadını bütün tarix boyu öz isməti, ifalı, sədaqəti, qüruru ilə seçilib. Azərbaycan kişisi hər zaman öz ləyaqəti, qüruru, əxlaqi dəyərləri, mərdanəliyi ilə ad qazanıb.  Xalqımız olduqca gözəl xalqdır, xoşagəlməz halların artması ona layiq deyil. Nizami, Nəsimi, Füzuli, Tusi  kimi dünyaya boy verən böyük dahilər  yetirən xalqın olduqca böyük potensialı vardır. Sözün düzü, indi nə qadınlarımızın nə də kişilərimizin davranışı bu potensiala layiq deyil.