Ermənistanın yeni baş naziri Nikol Paşinyan Azərbaycanı “tarixin ən qorxaq dövləti” adlandırıb. Xankəndində faşizm üzərində qələbənin növbəti ildönümü ilə yanaşı, Şuşanın “azad edilməsi”nin də ildönümünü qeyd edən erməni baş nazir, Azərbaycanın ünvanına daha bir neçə tənqidi fikir səsləndirib.

Xatırladaq ki, bu, rəsmi İrəvanın Azərbaycana qarşı səsləndirdiyi ilk təhqiredici bəyanat deyil. Bundan öncə də erməni yetkililər Azərbaycanın ünvanına həqarət dolu fikirlər səsləndirib, absurd ittihamlar irəli sürüblər. Moderator.az olaraq Ümid Partiyasının sədri İqbal Ağazadə ilə söhbətimizdə Ermənistanın avantürist açıqlamaları, Qarabağ probleminin mövcud durumu və gələləcək həll perspektivlərini şərh etməyə çalışdıq.

- Bilirsiniz, bu kimi bəyanatlarla hərbi müstəvidə cavab vermək çətindir. Çünki hərbi əməliyyatları həyata keçirmək üçün bir sıra şərtləri nəzərə almaq lazımdır. Rusiya, ətraf dövlətlər. ATƏT-in Minsk qrupu var ki, onlar atəşkəs rejiminə əməl edilməsində, problemin sülh yolu ilə həll olunmasında təkid edirlər. Bu səbəbdən də Paşinyan mövcud vəziyyətdən istifadə edərək bu tipdə bəyanatlar verir.

- Təbii, bu amil də var. Paşinyan yeni seçilib. Qarabağ klanı hakimiyyətdən getdikdən sonra Paşinyan haqqında belə bir fikir var idi ki, o, Qarabağ məsələsində güzəştli mövqe tutacaq. Belə bir güzəştli mövqe tutayacaqlarını nəzərə çatdırmaq üçün Paşinyan belə bir mövqe sərgiləyir. Əslində Paşinyana da bəllidir ki, Qarabağ münaqişəsinin həlli bu gün nə Ermənistanın, nə də Azərbaycanın istəklərindən asılı deyil. Bu, daha çox Rusyadan və daha sonra ATƏT-in Minsk qrupuna daxil oaln dünya güclərindən asılıdır. Paşinyan fürsətdən istifadə edib daxili auditoriyada özünə xal qazanmağa çalışır. 

- Əgər beynəlxalq təzyiqlər olmasaydı, Azərbaycan tərəfi torpaqları işğaldan azad etmək üçün ən azı hərbi yollarla buna cəhd edərdi. Azərbaycan iqtidarı da bilir ki, hərbi müstəvidə atacağı addım həm daxili sabitlik, həm də etnik-milli münaqişə ocaqları baxımından ciddi fəsadlara səbəb ola bilər. Yoxsa hansı iqtidar istəməz ki, torpaqları işğaldan azad olunsun? Axı hər kəsə bəllidir ki, iqtidar torpaqları işğaldan azad edərsə, onun ölkə daxilindəki mövqeləri də möhkəmənəcək. Azərbaycan iqtidarı sadəcə beynəlxalq vəziyyəti nəzərə alır. 

Bu məsələdə uzunvədəli siyasət lazımdır. Ölkənin demokratikləşməsi, dünya ilə çulğalaşma, demokratik dünyada özünə tərəfdar toplamaq, heç bir qüvvvəyə hər hansı məsələdə Azərbaycan dövlətinin üzərinə gəlməyə şans verməmək əsas məsələdir. Azərbaycan iqtidarının bu gün etməli olduğu məsələ hərbi əməliyyatlara başlamaq deyil. Azərbaycanı demokratik dünyanın bir hissəsinə çevirməkdir. Oradan yola çıxaraq münaqişəni öz xeyrinə həll etməyə cəhd göstərməlidir. 

- Yox, mən bunu ömürlük asılılıq hesab etmirəm. Bu probemi həll etməyin konkret zamanları mövcuddur. Azərbaycan 1992-1997-ci illərdə bu məsələlrəi öz xeyrinə həll edə bilərdi. Amma o zaman daxildə müəyyən problemlər var idi. Bu səbəbdən də Qarabağın azadlığıa nail olunmadı. Çünki həmin dövr Rusiyanın zəif olduğu dövr idi. Rusiya ordusu hələlik sovet mundirini çıxartmamışdı və s. Biz bu fürsəti əldən buraxdıq. 

- Bizim növbəti fürsətimiz post-Putin dönəmi olacaq. Əgər 2024-2025-ci illərdə Putin hakimiyyətdən gedəsi olsa, post-Putin dönəminin ilk iki ili Azərbaycan üçün çox əlverişli olacaq. Azərbaycan bu zaman öz torpaqlarını işğaldan azad edə bilər. Təbii ki, bu həm də o zaman mümkün ola bilər ki, Azərbaycan özünə beynəlxalq aləmdə ciddi dayaq tapıb demokratik dünyanın bir hissəsnə çevrilməyi bacarsın. Buna nail olarsa, 2024-2025-ci illərdə Azərbaycan üçün Qarabağ probleminin həlli üçün ideal fürsət yaranacaq.