Şəki şəhərində bir qrup ziyalı, ağsaqqal və dindarların dəvəti ilə Vətən Naminə Xalq Birliyi hərəkatının sədri Hacı Əbdülün də qatıldığı tədbir keçirilib. VNXB-nin mətbuat xidmətindən Moderator.az-a daxil olan məlumatda  belə deyilir. Tədbirdə Şəki aqsaqqallarından Cəlilov Rəhim Bəhram oğlu, yazıçı-jurnalist Abdullayev Sadiq Hümmət oğlu, Əliyev Şirin Baba oğlu və digərləri qarşıdan gələn 11 aprel seçkilərində xalqın fəal iştirakının zəruriliyini  qeyd etməklə bərabər, namizədlər sırasında 1-ci Vitse –prezident Mehriban xanım Əliyevanı da görmək istədiklərini də bildiriblər. Onlar çıxışlarında Mehriban xanımın son illər ərzində Şəki şəhərində görülən abadlıq işlərində müstəsna rolunun olduğunu bildirərək bütövlükdə rayonda olan movcud problemlərin də 1-ci Vitse-prezidentin dəstəyi ilə öz həllini tapacağına şübhə etmədiklərini vurğulayıblar.

“Cənab İlham Əliyev və xanımı 1-ci Vitse-prezident Mehriban xanım Əliyeva birliyi  təkcə YAP-nın yox, milyonlarla sadə Azərbaycanlının ümid yeri, sabaha olan inamıdır”. Çıxışına bu tezislələ başlayan Vətən Naminə Xalq Birliyi hərəkatının rəhbəri Hacı Əbdül sonuncu qurultayda YAP tərəfindən Cənab İlham Əliyevin namizədliyinin irəli sürülməsinin günün tələbinə uyğun, olduqca mühüm bir hadisə olduğunu, bunun bütün sadə insanlar tərəfindən sevinclə qarşılandığını bildirib. 

“İlham Əliyev Azərbaycanda heç bir alternativi olmayan, xalq tərəfindən sevilən rəhbər olması ilə bərabər, eyni zamanda qətiyyətli lider, çətin anlarda mühüm qərarlar qəbul edən sərkərdə və numünəvi ailə başçısıdır. Bu seçkilərdə irəli sürülən namizədlərə gələndə isə onları cənab İlham Əliyevlə  nəinki müqayisə etmək, hətta rəqib belə görmək qeyri-ciddi bir fərziyyədir. Onların çoxunu öz yaxın qohum-əqrəbalarından başqa heç kim tanımır, olsa-olsa, bu namizədlərin adlarının cənab prezidentlə yanaşı çəkilməsi bəlkə onları xalqa tanıtdırdı. O da müvəqqəti… Bu baxımdan seçkilərin sönük keçməməsi , bütün cəmiyyət tərəfindən maraqla qarşılanması üçün cənab İlham Əliyeva layiqli alternativ  bir namizəd irəli sürülsəydi, gözəl olardı. Tək bizim hərəkatın yox, milyonlarla insanın ürəyindəki  belə bir namizəd prezidentin ömür-gün yoldaşı Mehriban xanımdır. Mehriban xanımım seçkiyə qatılması bu seçkilərə ayrı abı-hava, gözəllik bahar təravəti və ruh verərdi. Bunu xalq arasında yüngülvari bir sorğu aparmaqla sübut etmək olar. Söhbət onlardan hansının qalib qəlməsindən getmir, fərq etməz, amma Mehriban xanımın seçkiyə qatılması bu ümumxalq tədbirini əsl toy-bayrama çevirərdi.   Namizədlər arasında xanımın adının olması kifayət edərdi ki, insanlar bu seçkiyə heç bir əlavə dəvətlə yox , böyük bir sevinc hissi ilə axışsınlar. Uzun illər ərzində gördüyü xeyirxah işlərlə xalqın sevimlisinə, minlərlə insanın xilaskarına, kimsəsizlərin pənahına çevrilmiş Mehriban xanımın şeçkidə iştirakı, minlərlə seçicinin üzlərində sevinc, simalarında təbəssüm, qəlblərində ümid nurunun yaranmasına səbəb olardı. Söz yox ki, bu sevincə görə biz prezidentimiz, dahi şəxsiyyət Heydər Əliyevin yeganə yadigarı,  cənab İlham Əliyeva Mehriban xanıma öz potensialını, işgüzarlığını göstərmək imkanı yaratdığına qörə minnərdarıq! 

VNXB lideri dövlət başçısının Mehriban Əliyevanı 1-ci Vitse-prezident  təyin etməsini böyük uğur kimi dəyərləndirərək çıxışına belə davam edib:           

“Məhz onun Mehriban xanımı 1-ci vitse –prezident təyin etməsi, Heydər Əliyev siyasi irsinin ən layiqli davamçısı kimi xalqa tanıdaraq önə çəkməsi bu sevincin mənbəyidir. Allah şahiddir ki, bu, milyonlarla insanın qəlbinin səsi, minnətdarlığı və duasıdır! Bu iki gənc siyasətçi artıq tək bir siyasi təşkilatın yox, ümumxalq sevimlisidirlər. Milyonlarla insan onları hər yerdə qoşa gördüyü üçün seçkidə də bir yerdə qörmək istəyir! Bizim borcumuz xalqın səsini, arzu-istəyini çatdırmaqdır. Ağsaqqalların, xalqın xeyir-duası sizinlədir! Qərar isə prezident, Ali Baş komandan İlham Əliyev cənablarına məxsusdur. Hansı qərarı qəbul etməsindən asılı olmayaraq  biz daim dövlətçiliyimizin, prezidentimizin və 1-ci vitse-prezidentimizin yanındayiıq”