Moderator.az 23 iyunda dünyada və Azərbaycanda baş vermiş əsas hadisələrin icmalını təqdim edir.

- Pakistanın 2 şəhərində 3 terror hadisəsi baş verib. Terrorun birini canlı bomba həyata keçirib. Nəticədə 42 nəfər ölüb, 121 nəfər müxtəlif dərəcədə xəsarətlər alıb. Onlardan 20-nin vəziyyəti ağırdır. Bu dəfə terrorun məsuliyyətini adət etdiyimiz İŞİD deyil, “ Urahra camaatı” adlanan radikal dini təşkilat üzərinə götürüb, o da yalnız bir partlayışı. İki partlayışı hələlik heç bir terror qrupu üzərinə götürməyib.

- Londondakı 24 mərtəbəli binanın yanma səbəblərini araşdıran komissiya bu rəyə gəlib ki, binanın tez yanmasına səbəb binanın üzlüyü olub. Bakıda Binəqədi rayonunda 2015-ci ilin mayında yanan binanın üzlüyü kimi üzlüklər Londonda da varmış. Daha 11 London binasının bu üzlükdən olması müəyyənləşdirilib və söküntü işləri başlanıb.

- “Gürcüstan demokratiyadan uzaqlaşır”. Gürcüstan parlamentində təmsil olunan müxalifət partiyaları beynəlxalq ictimaiyyətə bu başlıqla  müraciət ünvanlayaraq Gürcüstan hakimiyyətinin Konstitusiyaya edəcəyi dəyişikliklər prosesini dayandırmaq üçün hakimiyyətə təsir etməyi və Avropa Şurası Venesiya Komissiyasına yeni proyekti dəyərləndirməyi xahiş edib. Müraciət Avropa Şurasına, Avropa Parlamentinə, ATƏT- ə ünvanlanıb.  Yeni Konstitusiya layihəsində  prezident, parlament seçkilərinə dəyişiklik, Konstitusiya Məhkəməsinin səlahiyyətlərinin azaldılması nəzərdə tutulub.

- Bu gün dörd ərəb dövləti-Səudiyyə Ərəbistanı, Birləşmiş Ərəb Əmirliyi, Misir, Bəhreyn embarqonu aradan qaldırmaq üçün Qətər dövlətinə  13 tələb irəli sürüblər. Tələblərin önündə İranla bütün diplomatik əlaqələri dayandırmaq, Terror təşkilatlarına maliyyə dəstəyini  kəsmək, Əl-Cəzirə telekanalının fəaliyyətini dayandırmaq,  Türkiyə ilə hərbi əməkdaşlığı dayandırmaq və Türkiyənin hərbi bazasını ləğv etmək dayanır. Tələbləri yerinə yetirmək üçün də 10 gün vaxt verilib. Bu zaman içərisində tələblər yerinə yetirilməsə tələblər qüvvəsini itirilmiş hesab olunacaq. Qətər dövlətinin cavabı hələ ki, məlum deyil.

- İran tarixinin ən böyük nümayişlərindən biri keçirilib. İsrail əleyhinə bütün İran boyu təşkil olunmş aksiyalarda 1 milyondan çox insan iştirak edib. Aksiyalarda "İsrailə, ABŞ-a, Böyük Britaniyaya ölüm!" şüarları səsləndirilib. Etirazçılar İsrailin Qüds şəhərini tez bir zamanda azad etməsini tələb ediblər. Bütün İran boyu təşkil olunmuş etiraz mitinqlərində İranın yüksək çinli dövlət məmurları da iştirak edib.

- Bu gün Azərbaycanda da bir qrup şəxs İsrail səfirliyinin qarşısına toplaşaraq aksiya keçirməyə cəhd edib.

- Azərbaycan Respublikasının Fransa Respublikasında  fövqəladə və səlahiyyətli səfiri  Elçin Əmirbəyovun vəzifəsindən geri çağırılması haqqında  prezident İlham Əliyev sərəncam imzalayıb. Dövlət başçısının digər sərəncamı ilə  Rəhman Mustafayev Azərbaycan Respublikasının Fransa Respublikasında fövqəladə və səlahiyyətli səfiri təyin edilib. Yeni səfir bundan əvvəl Yunanıstanda Azərbaycan Respublikasını səfiri vəzifəsində işləyib.

- Prezidenti İlham Əliyev bir qrup dəniz nəqliyyatı işçilərinin “Tərəqqi” medalı ilə təltif edilməsi haqqında sərəncam imzalayıb. Prezidentin digər sərəncamı ilə dəniz nəqliyyatı işçilərinə “Əməkdar mühəndis” fəxri adı verilib. Dövlət başçısı daha üç dəniz nəqliyyatı işçisinə Azərbaycan Respublikası Prezidentinin fərdi təqaüdünün verilməsi haqqında da sərəncam imzalayıb.