Son vaxtlar Azərbaycanda transseksual deyəndə ilk ağıla gələn "Hətəmpaşa" adı olur. Onu da bir-iki ay əvvəl sevgilisi qətlə yetirdi. Deyəsən qısqanıbmış. Hətəmpaşanın ölümü isə onun həmcinslərinə heç düşərli olmadı. Dünən naməlum şəxs Bakıda, "Gənclik" metrosunun yanında daha bir Hətəmpaşanı -Novruzov İlqar Əli oğlunu bıçaqlayıb.
İlkin məlumata görə, həmin naməlum şəxs başına qırmızı rəngli parik qoymuş İlqar Novruzovu fahişə qadın hesab edib və onunla müştəri kimi tanış olub. Elə "söhbətin" şirin yerində müştəri başa düşüb ki, qalstuk "fransuzki" deyil, "ərəbski"dir. Bıçağı çıxarıb Novruzovun boğazını kəsib və hadisə yerindən qaçıb.
Zərərçəkmiş 1 saylı Şəhər Klinik Xəstəxanasına (keçmiş "Semaşko"-red.) çatdırılıb. Xəstənin həkimi Bəhram Zeynalov bildirib ki, Sumqayıt sakini İlqar Novruzov xəstəxanaya boyunun sağ yarısının kəsilmiş yarası diaqnozu ilə daxil olub:
“Təcili qaydada əməliyyat olunub, qanaxma dayandırılıb. Xəstənin vəziyyəti keçirdiyi əməliyyata uyğundur”.
Faktla bağlı Nərimanov Rayon Polis İdarəsində araşdırma aparılır.
Biz isə əsərin "qəhrəmanı" ilə görüşmək üçün səhər saatlarında xəstənin həkimi Bəhram Zeynalovla danışıb, yollandıq 1 saylı Şəhər Klinik Xəstəxanasına. Zeynalov özünün və xəstənin müsahibə verə biləcəyini söylədi.
...Xəstəxanadayıq. Giriş qapısında mühafizəçi hara getdiyimizi soruşur. Mətbuatdan olduğumuzu bilincə duruxur. Təklif edirik ki, həkim Zeynalovla əlaqə yaradaq, danışsınlar və bizi xəstənin yanına buraxsın. Danışırlar:
- Doktor, mənim gözüm üstə! Nə desəniz qulluğunuzdayam. Oldu doktor. Baş üstə...
Mühafizəçi həkimlə sağollaşıb telefonu mənə uzadır:
- Yuxarıdan tapşırıq olmalıdır ki, sizi içəri buraxım. Minimum baş həkimin müavini Adil doktor razılıq verməlidir. Odey, Adil doktor o biri korpusda birinci mərtəbədə oturur.
Mühafizəçi ilə bir neçə dəqiqəlik söhbətdən sonra baş həkimin müavini Adil doktor olan korpusa yollanırıq. Bu arada qeyd edim ki, mühafizəçi bizimlə söhbət etdiyi ərəfədə təxminən 15-20 nəfər şəxs içəri daxil olur və rahatca istədiyi palataya, otağa keçir. Yəni, burada söhbət qanundan daha çox, sanki prinsip aparmağa bənzəyir.
...Adil doktorun izi ilə digər korpusdayıq. Mühafizəçi və yanındakı bir neçə nəfər bildirirlər ki, Adil doktor inzibati binada nahardadır.
İnzibati binadayıq. Katibə bildirir ki, müavin iş otağına yollanıb. Yenidən Adil doktorun iş otağı olan korpusa gəlirik. Fotoda gördüyünüz lopabığ mühafizəçi baş həkimin müavini ilə danışandan sonra bizi içəri buraxa bilməyəcəyi ilə müjdələyir. Müavinlə danışıb görüşmək istədiyimizi bildiririk.
- Nömrəni də vermirəm, içəri buraxmaq fikrim də yoxdur. Başqa sözünüz?
Doğrusu, mühafizəçiyə nə bizimlə kobud davranışına, nə də digər məsələlərə görə iradım yoxdur. Çünki sifətində türklər demiş nə mal olduğu açıq-aşkar yazılmışdı. Heç indi deyəcəyim məsələnin mənə aidiyyatı yoxdur. Ancaq həmin mühafizəçinin heç olmasa, həftədə bir dəfə duş qəbul etməsi yerinə düşərdi. Çünki 2-3 metrlikdən adamı əcaib iylər vururdu. Beləliklə, yenidən inzibati binaya qayıdırıq. Bu dəfə baş həkim Sabir müəllimlə görüşüb icazə almalıyıq. Yeri gəlmişkən, ömrümdə ilk dəfə həkimə müəllim deyildiyini məhz burada eşidirəm. Bəlkə də əslində belə olmalıdır, mübahisə etmirəm. Katibənin yanında Sabir müəllimin bizi qəbul edəcəyini gözləyirik. Elə təzəcə içəri girməyimizə razılıq ala bilirik ki, ortayaşlı bir kişi (fotoda qapıdan çıxan yerdə fotosu var) özünü qəbul otağına yetirir:
- Deyin ki, Laçın müəllim gəlib.
Baş həkim ayağa qalxıb hörmət ehtiramla Laçın müəllimlə görüşür və söhbət bağlı qapılar arxasında davam edir. Təbii ki, biz də bağlı qapıların arxasında. İnsafən Laçın müəllim baş həkimin o qədər də çox vaxtını almır.
Nəhayət ki, baş həkimlə görüşmək şərəfinə nail oluram. Deyir ki, həkimlə danışmağımıza icazə verə bilər, ancaq xəstə ilə əsla. Ardınca əlavə edir ki, bu məsələlərə Səhiyyə Nazirliyinin mətbuat xidməti vasitəsilə icazə almaq lazımdır. Nazirliyin mətbuat katibi Liya Bayramova ilə əlaqə saxlayıram. Özü demişkən, "həstənin" ad və soyadını soruşur, maraqlanıb bir cavab verəcəyini söyləyir.
Biz isə yenidən baş həkimin qapısı ağzında gözləyirik. Biz gözləməyimizdə, baş həkim otağından çıxıb harasa getməyində olsun, görək qəbul şöbəsindəki xanım nə deyir
- Siz indi kimi gözləyirsiniz?
- Baş həkimi. Dedi ki, nazirlikdən icazə alın, sonra xəstə ilə danışın.
Elə bu məqamda baş həkim qəbul şöbəsindəki xanıma zəng vurur. Xanım baş həkimlə sağollaşandan sonra bizə elə dəyərli məsləhətlər verir ki, dedikləri hələ də qulağımda səslənir. Həmin məsləhətdən seçmələri sizə təqdim edirik:
- Xəstə ilə danışmağa icazə yoxdur. Həkimin isə iş vaxtı bitib. Siz sabah gəlib həkimdən müsahibə ala bilərsiniz.
Beləcə, "Semaşko"dakı "hətəmpaşa" axtarışımız həkimlərin bizimlə gizlənqaç oynaması və bir "mavi"nin gizlədilməsi ilə yadımızda qalır. Ay səni, "Hətəmpaşa"...(ölkə.az)
