Rəssamlığa fitri istedad demək daha düzgün olar. Hər bir insan bu sənətlə məşğul olmaq istəyər, amma rəsm çəkmək qabiliyyəti hamıya qismət olmaz. Elnara xanım bu günlərdə tələbələri ilə  birgə yaşadığı evin divarına vətənpərvər ruhda əsərlər çəkib və “Qarabağ Azərbaycandır” sözünü yazıb. Divar rəssamı (street art) Elnara İsgəndərova bununla bağlı Moderator.az-a müsahibə verib.

- 21 ildir ki, artıq mən professional rəssamlıqla məşğulam, 7 il oxumuşam. Hər il də yeniliklər öyrənirəm, axtarışdayam. Rəssamlığın rəngkarlıq, keramika, dizayn, interyer növü ilə məşğul oluram. Hətta neftlə də çəkirəm. Ən azı 13 növünü bilirəm və şagirdlərə də öyrədirəm.

- Ən çox sevdiyim növü peyzajdır. Kompozisiyaları sevirəm, özüməməxsus kompozisiyaları. Düzdü onları özümdə saxlayıram, sərgilərə çıxarmıram. Çünki öz həyatımdan olan məqamlar da var, onu kətan üzərində işləyirəm. Portret də işləyirəm, divarda şpaklyovka ilə formalar işləyirəm. Xəttatlıqa qədər mən məşğul oluram.

- Öncə qəzetdən düzəltmələrlə formalar hazırladım, daha sonra divarda şpaklyovka ilə formalar işlədim. Gördüm ki, daha qəşəng, maraqlı alınır, qabarıq olub, qabağa çıxır. Xoşuma gəldi, başladım onu divarda işləməyə.

- Əslində çətindir, əldə, barmaqlarda problemlər yarada bilər. İstək gəlir ki, mən bu şəkili çəkməliyəm. Özümdən asılı deyil. Onu divarda əks etdirəndən sonra rahatlaşıram, həmişə çətin işi sevmişəm, asan iş mənə heç vaxt maraqlı olmayıb.

- Nərimanovda mərkəz tikilirdi, orda buta rəsmi hazırlamışdım.100-ə yaxın iş işləmişdim, ən əsası da xalça və buta işləmişdim. 1 həftəyə qədər vaxtımı aldı.

- Üstündə iş getməlidir də. Divar elədir ki, şəkili çəkdikcə rəngi hopdurur özünə, ton gedir. Ona görə yenə əlavə etməli olursan, üstündə işləməlisən ki, o əsəri ortalığa çıxarasan.

- Öncə rəssamlıqa yeni başlayanda divarda şəkili alındırmaq üçün 5 dəfə çəkirdim, mən şagirdlərimə də deyirəm ki, gördünüz ki, alınmır, yenidən çəkin, müqayisə edin. 1-ci şəkildənsə 2-ci daha yaxşı alınır. Rəssamda gözəl hissiyat omalıdır.

- Ermənilərin başımıza açdığı oyunlarının biləvasitə şahidi olmasam da çox eşitmişdim. Bütün dünya onların qəddarlığından xəbərdardır. Mənim bibimgili  Xocalıda yaşayırdı, bibim deyirdi ki, gözümün qabağında qaynanamı, uşaqların atasını doğramışdılar. Arzum idi ki, Qarabağ alınsın və mən də öz sevincimi əl işlərimlə bölüşüm. Mənzərə Qarabağ mənzərəsədir. Öz sevincimi qızımla, şagirdlərimlə bölüşüb, işləmişəm. Biz həm də hərbiçilərimizə, əsgərlərimizə ruh yüksəkliyi vermək üçün bunu etmişik. Qarabağ Azərbaycandır, qoy bunu bütün dünya bilsin. Onu da deyim ki, bu əl işlərim davamlı olacaq.