Məhkəmə iclasında ilk olaraq zərərçəkən Sərdar İsmayılov, daha sonra adları cinayət işində hallanan şahidlər dindirilib.

 

Öz ifadələrində İsmayılov bəyan edib ki, 2013-cü ilin martında Orxan Abdullayev adlı tərəfdaşı ilə Gürcüstanda Çindən gətirdikləri pirotexika vasitələrinin satışını və dekorativ lentlərin yapışdırılması işini təşkil etmək istəyib. Mallar Tbilisidə "Lilo" bazarının bazasına gətirilib, lakin alıcıları olmadığından həmin malları Azərbaycanda satmaq qərarına gəliblər.

 

"Biz avqust ayında Bakıda Şəki şəhər sakini Elman Mənsimovla görüşdük və vəziyyəti ona danışdıq. Elmanda bu iş maraq oyatdı və o, dedi ki, bəzi şeyləri dəqiqləşdirib onlarla əlaqə saxlayacaq", - zərərçəkən məhkəmədə danışıb.

 

Bir neçə gün keçəndən sonra  Elman İsmayılova deyib ki, malları Gürcüstandan Azərbaycana köçürülməsinə kömək edə biləcək adam tapıb.

 

"Sentyabrın 4-də biz Orxanla birlikdə Balakənə gedib Elmanla görüşdük, o da bizi Əfsəl Həsənəlievlə (sabiq polis işçisi, cinayət işində adı zərərçəkən qismində hallanır-red.) və Məcid Anqubazovla tanış etdi, - Sərdar İsmayılov danışıb. -Orxanla birlikdə Tbilisiyə yola düşdük, ona mallarımızı göstərdik, bundan sonra Orxanla birlikdə Balakənə qayıtdıq. Bir müddət keçəndən sonra Milli Təhlükəsizlik Nazirliyinin əməkdaşları hər iki sahibkarı Bakıdakı "Ekzotika" kafesində saxlayıb. İsmayılovu və Abdullayevi nazirliyin binasına gətirib, 10 saatdan artıq saxlayıb və bəyan ediblər ki, mallara qaçaqmalçılıq yolu ilə əldə edildiyinə görə həbs qoyulub.

 

"Səbail rayon məhkəməsinin qərarı ilə məni üç ay müddətinə həbs etdilər, - zərərçəkən danışıb. - Üç aydan sonra məni MTN-nin istintaq şöbəsinin əməkdaşı Yasin Məmmədov yanına çağırıb. Həmçinin müstəntiq Sahib Ələkbərov da orada olub.

 

Ələkbərov azadlığa çıxmağım üçün nə qədər maddi vəsait verməli olacağımı birbaşa söylədi. "Mən cavab verdim ki, dəyəri 18 000 dollar olan öz "Kia Sportage" avtomobilimi satıb bu pulları ona verməyə hazıram", - İsmayılov məhkəmədə belə deyib. - Amma Yasin Məmmədov bəyan edib ki, bu, azdır və mənə qohumlarıma müraciət etməyi məsləhət görərək, azadlığa çıxmağımın qiymətinin 50 000 dollar olacağını söylədi.

 

Evdə 35 min dollarım vardı. O zaman mən müstəntiqdən dostum Vüqarı çağırmasını xahiş etdim. Həmin gün Sahib Ələkbərovun və Yasin Məmmədovun iştirakı ilə mən Vüqarla görüşdüm və ondan evimdə olan 35 min dolları götürməyi, maşınımı satmağı və pulları MTN- ə gətirməsini xahiş etdim. Bu zaman Yasin Məmmədov  Vüqara tələsməyi əmr etdi və bu barədə kimsəyə danışdığı təqdirdə həbs olunacağı ilə hədələdi".

 

Bir müddətdən sonra Vüqar tələb edilən məbləği toplayıb və 50 000 dolları Yasin Məmmədova verdi.

 

"Lakin Məmmədov mənə bir qədər səbr etməyi söylədi və bəzi işləri qaydaya salandan sonra məni azadlığa buraxacağını vəd etdi. - zərərçəkən danışıb. - Bir müddət keçəndən sonra məni xəstəxanaya apardılar və müayinə etdilər. Sonra müstəntiq məni kabinetinə çağırdı və hansısa kağızlara imza atmağımı əmr etdi. Bundan sonra məni sərbəst buraxdılar..."

 

İsmayılov iddia edir ki, istintaq təcridxanasında ona xəstəlik haqqında arayış verdilər, hərçənd onun hər hansı xəstəliyi olmayıb. Və yalnız məhkəmədə aşkar edilib ki, həkimlərin verdiyi rəyə əsasən, o, ürək xəstəliyindən əziyyət çəkib və bu səbəbdən də İsmayılov həbsdən azad edilib.

 

Həkim ekspertizasının saxta rəyi ilə əlaqədar dövlət ittihamçısı Mövlum Şıxəliyevə, Sahib Ələkbərova və Yasin Məmmədova suallar ünvanlayıb. Buna cavab olaraq Şıxəliyev bəyan edib ki, onun buna heç bir aidiyyəti yoxdur və bütün məsyliyyəti rəhbərliyin (yəni Eldar Mahmudovun və o zamankı Baş prokurorun ) üzərinə yönəldib.

 

Şahid qismində prosesə Vüqar Manafov, Vidadi Salmanov və Sərxan İsmayılov dəvət edilib. Şahidlərin hamısı İsmayılovun sözlərini təsdiq edib. 

 

Məhkəmə iclası sona yetdikdən sonra zərərçəkən Əfsəl Həsənəliyevin hüquqlarını qoruyan vəkil Osman Kazımov mətbuat nümayəndələrinə bəyan edib ki, İsmayılovun həbsdən azad edilməsi üçün 50 000 dollar vəsaitin alınması faktı məhkəmə ifadələrində öz təsdiqini tapıb.

 

"Sərdarın özü də, şahidlər də təsdiq edib ki, 50 000 dollar ödənilib", - vəkil belə deyib.

 

"Biz məhkəmə prosesinin audio və video çəkilişlərlə və jurnalistlərin iştirakı ilə aparılması barədə vəsatətlə çıxış etdik, - vəkil deyib. - Ölkədə, cəmiyyətdə nə baş verdiyini hamı bilməlidir".

 

Məhkəmə prosesi yanvarın 18-də davam edəcək.

 

Qeyd: Moderator.az haqqın.az saytının yazısını qısa ixtisarla azərbaycan dilinə tərcümə edərək oxuculara təqdim etdi.