Rusiya ordusu Ukrayna Silahlı Qüvvələrinə nisbətən cəbhədə iki dəfə çox itkilərə məruz qalır.

 

Moderator.az xəbər verir ki, bu barədə "The New York Times" qəzeti Pentaqonun anonim məmurlarına istinadən məlumat verib.

 

ABŞ Müdafiə Nazirliyinin dəyərləndirmələrinə görə, hal-hazırda Rusiyanın itkiləri 615 min nəfərdir, bunlardan 115 min nəfər həlak olub, 500 min nəfər yaralanıb.

 

Ukraynanın rəsmi şəxsləri USQ-nin itkilərini hətta Vaşinqtondan olan müttəfiqlərindən də gizlədir. Lakin ABŞ güman edir ki, USQ hərbi qulluqçularının itkiləri iki dəfə azdır, təxminən 57, 5 min nəfər həlak olub, 250 min nəfər yaralanıb.

 

Jurnalistlərin həmsöhbətləri rusiyalı hərbi qulluqçular arasında bu qədər çox itkilərini Rusiyanın hərbi rəhbərliyinin döyüş əməliyyatlarının aparılması taktikası ilə əlaqələndirir. Pentaqon məmurunun sözlərinə görə, Rusiya komandanlığı "problemlərin həlli üçün kütlələri döyüşə atır".

 

ABŞ Müdafiə Nazirliyinin əməkdaşları həmçinin qeyd edir ki, ötən sentyabrda Rusiyanın itkiləri rekord həddə çatıb. Amerika və britaniyalı həbi analitiklər hesab edir ki, Rusiya qoşunları gün ərzində orta hesabla 1200-dən çox hərbçi itirib. Bu, may ayında qeydə alınan kədərli "rekordu" xeyli üstələyib.

 

Hal-hazırda Rusiya hakimiyyəti hər ay müharibəyə 25-30 min hərbi qulluqçu cəlb edərək bu itkiləri kompensasiya etməyə müvəffəq olur.

 

ABŞ əmindir ki, Kreml növbəti səfərbərlikdən yan keçməyə çalışır. Bunun üçün Rusiya hakimiyyəti müntəzəm olaraq Müdafiə Nazirliyi ilə müqavilə bağlayanlar üçün ödənişləri artırır. 

 

"Biz onların belə strategiyaya həqiqətən nə qədər əməl edə biləcəyini diqqətlə izləyirik", - bunu jurnalistlərə Pentaqonun Moskvanın bu təşəbbüsünü təsvir edən yüksək vəzifəli məmuru bəyan edib.

 

Ötən sentyabr ayında Rusiya qoşunları Donbasda fəallıq göstərib. Kreml hərbi fəallığının köməyilə cəbhəyə bir növ dalğavari qoşunlar göndərməklə Ukrayna müdafiəsini yarmağa cəhd göstərir.

 

Rusiya ordusu həmçinin avqust ayında USQ-nin ələ keçirdiyi Kursk vilayətində də itkilərə məruz qalıb.

 

Penraqon qeyd edir ki, Rusiyanın hərbi komandanlığı yeni əsgərləri Ukraynaya "nisbətən tez bir zamanda" göndərir. Bu səbəbdən də belə hərbi qulluqçular pis hazırlıq keçir.