Tanınmış və sevilən müğənni Nazənin Salayeva Moderator.az-ın suallarını cavablandırıb.

 

- Neçə vaxtdır özümü rejimə salmışdım. 3-4 gündür gərginəm. Qonaqlarımız gəlir, gec, səhərə yaxın yatıram. Bu yorğunluq da məndə hiss olunur.

 

 

- Hə, qonağı sevirəm. Yeməkləri də özüm hazırlayıram, mətbəximi heç kimə etibar etmirəm. Bir də görürsən ki, mətbəxdə bir çaxnaşma var ki, gəl görəsən (gülür). Bunlar xoş yorğunluqdur. Allah bizi pis, qan qaraldıcı şeylərdən uzaq etsin. Həm evimin xanımıyam, həm də nökəri. Hətta bir ara bunu da söz etmişdilər ki, Nazənin deyir ki, adam evinin nökəri olmalıdır. Amma mən belə deməmişdim. Demişdim ki, qadın mətbəxinin xanımı, kraliçası da olmalıdır. Əvvəldə dediklərimi götürüb, nökər sözünü saxlamışdılar. Hətta “Zaurla Günaydın” verilişinə plov hazırlayıb aparmışdım. İnanmırdılar ki, mən bişirmişəm. Dedim ki, bu nə yeməkdir ki, kimsə bişirə bilməsin?! Hər xanım bişirə bilər. Hamının evində köməkçisi yoxdur ki. Mətbəximə kimsə girəndə qısqanıram. İstəyirəm ki, özüm edim. Nə qədər də vaxt tapmasam, oğluma, həyat yoldaşıma, evdəki işçilərə yeməyi özüm hazırlayıram. 

 

- İndi az yeyirəm. Əvvəllər çox yeyirdim. İştahım elə küsüb ki. Çox nadir hallarda yeyirəm. Ürəyim istəyən yemək olmalıdır ki, iştahla yeyim.

 

 

- Özüm efirə elə çıxdım ki, bir az düşmənlərim sevinsin. Təəssüf ki, onların sevinci çox çəkmədi. İndi də lap qəşəng olmağıma peşman olublar (gülür). Həkimim Dilqəm Məhərrəmov idi. Allah ona can sağlığı versin. Buxağ nahiyəmə görə çox böyük kompleklər yaşayırdım. Onu birdəfəlik aradan götürdü. İndi tam rahatam. Əvvəl çəkiliş olanda deyirdim ki, o tərəfdən çəkmə, bu tərəfdən çək. Mahnı oxuyanda buxağımı əlimlə gizlədirdim. İndi şükür Allaha o kompleskdən tamamilə azad olmuşam.

 

 

- Daxili aləmi necə dəyişmək olar? Mən düşünürəm ki, dəyişməmişəm. Bəzən deyirlər ki, “Nazənin ürəyi yumuşaqdır, filankəsi bağışladı, filankəsləri də bağışlayacaq”. Amma bir az o barədə qəddarlaşmışam. Məni yaxşılıq etməyimə elə peşman ediblər ki. Yaxşılığın “y” hərfi gələn kimi təpəmdən tüstü çıxır. Bundan sonra yaxşılıq etməyəcəm. Çünki hər zaman yaxşılıq etdim, onun ağrısını çəkdim. Ona görə də yaxşılıq söhbəti artıq bitdi. 

 

 

- Əlbəttə ki, zamanla oldu. Mən zərbələrdən güclənmişəm, atılan daşlardan özümə saray tikmişəm. İnsan səhv edə-edə yaşayır. Allahdır səhv etməyən. İnsan səhv etməlidir. Dəhşətlisi orasıdır ki, səhvi etdikcə edirlər, dura bilmirlər. Artıq yaxşılıq etməkdən iyrənmişəm. Öz-özümə fikirləşirəm ki, “Ay Allah, görəsən bu dəfə mənə nə sürpriz hazırlayırlar?”. Bir müddət əvvəl mətbuatda mənim üçün qara piyar etməyə başladılar. Bu sifarişli idi. Nə edə bildilər? Nəyə nail ola bildilər? Nə xalqım sevgisini, nə toylarımı, nə efirlərimi əlimdən ala bildilər. İnsanlıq ölməyib, dostlarım zəng edib deyirdi ki, “biz bunlara inanmırıq, birdən elə bilərsiniz ki, inanmışıq”. Onların xisləti budur. Bu gün mənim üçün edən, sabah başqası üçün edər. Paxıl adam özü-özünü incidir. Allah hər kəsə bir şans verir. Bəzən də Allah təala məni cəzalandırır. Deyir ki, “Ay Nazənin, sən kimsən gedib ona kömək edirsən? Mən onu belə yaratmışam da, məsləhət olsaydı onu mən qaldırardım da”. İti bəzəyib qoyurlar xonçanın yanına ki, sən burada qalacasan. Həmin adam gəlib görür ki, it yoxdur, pəncərədən qaçıb gedib kolun dibinə. Deyir ki, mənim yerim buradır.

 

 

- Bəzən fikirləşirəm ki, Nazənin xanımın xasiyyətində 10 faiz qəddarlıq olsaydı, mən bir prodüsser kimi dünyanın xoşbəxti olardım. Həqiqətən. Nazənin xanım elə bir insandır ki, o istəsə belə xasiyyətini dəyişə bilməz. Bu irsidir, ailədən gəlir. Xalq artisti Nurəddin Mehdixanlı gözəl bir söz deyib. Deyib ki, “Azərbaycan səhnəsində 3-4 müğənni var ki, çox böyük abırları var, onlardan biri də Nazənin xanımdır”. Mən heç bilmirdim ki, o Nazənin xanımın adını çəkəcək. Bu söz o qədər mənə xoş gəldi ki. Zirvəyə qalxan insana palçıq atanlar çox olur. O qara piyarları biz çox görmüşük. Bizim əsl dostlarımız Nazənin xanımı qorumağa çalışanlardır.

 

- Bu qədər yaxşılığımın qarşılığında niyə mənə pislik edə bilmədilər?!. Şər-böhtan atdılar, heç biri alınmadı. Gözəgörünməz Allah məni, ailəmi qoruyur. Həmişə məzlumların yanında olmuşam. Dostum ağlayanda ağlamışam, güləndə gülmüşəm. Ətrafımızda çox vəzifəli insanlar olur, onların ailələrinin toylarını oxuyuruq. Bir çoxları gedib onların nömrələrini götürür, istifadə edir. Mən belə şeylərdən qaçmışam. Ona görə qaçmışam ki, deməsinlər ki, getdi istifadə etdi. Bilsəm ki, sonuncu dərmanım ondadır, yenə də getmərəm. Qürurumu sındıra bilmərəm. Bir çoxlarını öz yaxşılıqlarımla utandırmışam, amma bilməyiblər, sonradan yenə yollarını azıblar. Xəyanəti bağışlayırsansa, ikinci dəfə silahı özün onun əlinə verirsən ki, vur məni. Həyatda gərək pislik etməyəsən. Həmin pislik fırlanıb yenə də özlərinə qayıdacaq. Allahımdan çox razıyam. Hər dəfə mənə pislik olunanda əlimi açıb göyə deyirəm ki, “Allahım, sən şahidsən, mən o insana qarşı necə olmuşam. Əgər mənim qəlbimdə o insana qarşı zərrə qədər pis niyyətim olubsa, cəzamı ver”. Heç vaxt qarğış etmirəm. Deyirəm ki, Allah onun başını elə qarışdırsın ki, yadına düşməyim. Xoşbəxt ola bilməyən insanlar onun-bunun ailəsini qurdalayar, ona-buna söz atarlar. Paxıldırlar da. Elə adamlar çox narahat olurlar.

 

- Ağamirzə dediniz görün yadıma nə düşdü?! Allah Ağakərimə can sağlığı versin. Ağakərimlə bağlı mənim üçün böhtan, şər kompaniyası təşkil etdilər. Xaricdən artıq-əskik sözlər dedizdirdilər, şəkilimi Ağakərimin şəkili ilə yan-yana qoydular. Həmin şər, böhtan atanları Allah təala elə dənləyib ki. Görəsən peşmandırlar?! Ağakərim xəstə yatağındadır, ay vicdansızlar, ona dəymək olarmı? Ağlaya-ağlaya Ağamirzəyə zəng etdim. Mənə dedi ki, “sən bizim kişi qərdeşimizsən, səni hamımız tanıyırıq, buna kim inanar ki?”. 

 

 

- “Dostlar məni unutmayın” mahnısını yeni aranjmanda izləyicilərimizin ixtiyarına vermişəm. Bu dəfə bir az fərqli tərzdə klip etmişəm. Şəhidlərimizin gülər üzlü şəkilləri ilə birgə video rolik hazırlatmışam. Bu da bizdən şəhid analarına təsəlli olsun. Onların balaları heç vaxt unudulmayacaq. Bir neçə köhnə mahnımı da yeni aranjmanda təqdim edəcəyəm. Çünki bu mahnılar heç vaxt yaddan çıxmır.

 

 

- Mən elə şeylərdən qorxsaydım Nazənin deyildim ki! Yel qayadan nə apara bilir? Mənə neyləyə bildilər ki, bundan sonra da nə etsinlər?! 5-6 saxta profillərdən yazmaqla deyil. Adi insanların, tamaşaçıların mənimlə nə problemi var ki?! Yazdıqları qədər yazsınlar, ondan da artığını etsinlər. Mən baxıb gülürəm. Əksinə, haqqımda yazmayanda narahat oluram (gülür).