Ümumdünya Səhiyyə Təşkilatı (ÜST) tezliklə koronavirusun bitməsi barədə elan edə bilər, çünki bir sıra mutasiyalardan sonra o, artıq 2020-ci ildə olduğu kimi təhlükə törətmir.

 

Moderator.az xəbər verir ki, bu barədə İtaliyanın dərmanlar üzrə agentliyinin prezidenti, virusoloq Corco Palu "Corriere della Sera" nəşrinə müsahibəsində bəyan edib.

 

O, qeyd edib ki, pandemiyanın başa çatmasını elan etmək lazımdır. Və Ümumdünya Səhiyyə Təşkilatı buna yaxındır, lakin bunun ləngiməsi ehtiyatlılıqdan irəli gəlir, Palu bəyan edib.

 

Virusoloq əlavə edib ki, indiki Arktur ştammı uşaqlarda soyuqdəymə və konyuktivitə səbəb olur, lakin xəstəlik adətən yüngül keçir. Onun qısa, əvvəlki 7-8 gün əvəzinə iki  günlük inkubasiya dövrü olur, bu da onun ötürülməsini sürətəndirir. 

 

Amma virus yuxarı tənəffüs yollarında dayanır, ağ ciyərlərə nüfuz etmir, bunun sayəsində də xəstəlik yüngül formada və ya əlamətsiz keçir, Palu dəqiqləşdirib.

 

Bundan başqa, Palu məlumat verib ki, peyvənd etmək zərurəti yalnız risk qrupları, o cümlədən yaşlı adamlar üçün qalır.

 

Bu arada isə "The Telegraph" nəşri insanların "it qripi" virusuna yoluxa biləcəyi barədə məlumatlar yayıb. Bunu sübut etmək üçün tədqiqatçılar bir sıra təcrübə aparıb.

 

Tədqiqat göstərib ki, mənşəyini quş qripindən götürən "it qripi" getdikcə insanları da yoluxdurmaq qabiliyyətinə malik olur.

 

2006-cı ildə H3N2 quş qripi ilk dəfə olaraq itlər arasında aşkar edilib, o zamandan vurus məməlilərə uyğunlaşıb və quş qripi formasına çevrilib. Bundan öncə bu virusun insandan insana ötürülə bilməsi sübut edilməyib.

 

Lakin Çin Kənd Təsərrüfatı Universitetindən olan mütəxəssislər tədqiqat apararaq müəyyən edib ki, virus insan reseptorlarını tanımaq qabiliyyətini və insan hüceyrələrində replikasiya etməyi yaxşı mənimsəyib.

 

Təqdiqatçılar həmçinin qəsdən laboratoriyada altı iti H3N2 bəlli it qripi virusu ilə yoluxdurub. Nəticədə bütün itlərdə yüksək hərarət, asqırma və öskürək əlamətləri müşahidə edilib.

 

Redinq Universitetinin virusologiya professoru Yan Cons qeyd edib ki, virus insana doğru "sürünür". O, hesab edir ki, cari mutasiyalar sayəsində "it qripi" virusu insanları yoluxdura bilər, lakin hazırda bunun sübutları və ya qeydə alınan hallar olmayıb.

 

Tədqiqat müəllifləri xəbərdarlıq edib ki, insanlarda H3 qripi virusu növünə qarşı immunitet yoxdur və qrip ştammlarına qarşı peyvəndlərdən sonra alınan anticismlərin "it qripinə" qarşı təsiri olmayacaq.

 

Buna baxmayaraq, Cons bunu az ehtimal hesab edir və qeyd edir ki, koronavirus epidemiyası zamanı olduğu kimi, müəyyən, hətta infeksion olmayan xəstəliklərdən müdafiə mövcud ola bilər.