"Uzunömürlülük pəhrizi" nə deməkdir və onun prinsipləri hansılardır?

 

Adətən, insanlar arıqlamaq üçün pəhriz saxlayır, amma pəhrizlərdən biri əlavə ciddi üstünlüyə malikdir.

 

Moderator.az xəbər verir ki, bu barədə "Detaly" saytı yazıb.

 

Bir qrup tədqiqatçı qidalanmanın köməkliyi ilə təkcə artıq çəkidən xilas olmağın deyil, həm də uzunömürlülüyə nail olmağın üsulunu tapıb.

 

 

Hər il dünyada yeni dəbdə olan pəhrizlər üzə çıxır, onlar arzuladığınız bədən fiqurasını əldə etməyə kömək edir, amma onların heç də hamısı sağlamlıq üçün faydalı deyil. 

Alimlər qarşılarına qidalanmanın sayəsində təkcə artıq çəkidən xilas olmağın deyil, ömrü uzatmağın da üsulunu tapmaq məqsədini qoyub.

 

Beləliklə, "uzunömürlülük pəhrizi" yaranıb, buraya balıq, bitki zülallıarı və hətta şokolad da daxildir, amma qırmızı şərab və emal edilən ət qadağan olunub.

 

"Uzunömürlülük pəhrizi" başqa pəhrizlərdən nə ilə fərqlənir?

 

Cənubi Kaliforniya Universitetindən alimlər komandası tədqiqat aparıb və onun nəticələri "Cell" jurnalında dərc edilib. Onlar xüsusi pəhriz yaradıb, insanlara daha uzun ömür sürməyə və sağlam qalmağa şans verməyə calışıb. Tədqiqatın gedişində onlar müəyyən edib ki, insanın təkcə nə yeməsi vacib deyil, həm də nə zaman yeməsi vacibdir. Ona görə də insanlar qidanı müəyyən saatlarda qəbul edib, həmçinin aclıq dövrləri üçün zaman ayırıb.

 

"Biz qida maddələri, aclıq, genlər və uzunömürlülük arasında qarşılıqlı əlaqəni öyrənib, onları meymunlarda və insanlarda, o cümlədən uzunğmürlülərdə kliniki və epodemioloji tədqiqatlarla bağlamışıq", - professor Uolter Lonqo universitet saytında yazıb.

Beləliklə, tədqiqat göstərib ki, idealda qida qəbulu 11- 12 saat ərzində baş verməlidir, bu da insulinin miqdarını və qan təzyiqini balanslı səviyyədə saxlamağa imkan verir.

 

 

 

 

Alimlər sağlam qidalanmaya, xəstəliklərə  və uzunömürlülüyə həsr edilən yüzlərlə elmi materialı öyrənib, burada həm heyvanlar, həm də insanlar iştirak edib, bunu öz tədqiqatları ilə birləşdiriblər. Analizə pəhrizlərin geniş spektri, o cümlədən bu gün populyar olan keto- pəhriz, vegeterian, veqan və Aralıq dənizi pəhrizləri, həmçinin aclığın müxtəlif formaları daxil edilib.

 

Ümumilikdə, tədqiqat müəllifləri hesab edib ki, uzunömürlülüyün sirri orta və ya çoxlu miqdarda emal edilməyən mənbələrdən karbohidratların istifadə edilməsindədir. Bundan başqa, bitki mənbələrindən lazımi miqdarda zülalların və kifayət qədər yağların alınması insanın enerji tələbatını 30 faiziədək təmin edə bilər.

 

 

Professor Lonqonun sözlərinə görə, uzunömürlülük pəhrizinə daxildir:

 

"Çoxlu paxla, bütövtaxıl bitkiləri və tərəvəz, az balıq, heç bir qırmızı və ya emal edilmiş ət olmamalı və az ağ ət, az şəkər və emal edilmiş qarğıdalı, normal miqdarda qoz və zeytun yağı, həmçinin bir qədər tünd şokolad".

 

Buradan aydın olur ki, pəhrizin tərkibi Aralıq dənizi pəhrizini xatırladır, bu pəhrizə "mavi zonalar" adlanan yerlərin, o cümlədən İtaliyanın Sardiniya adasının və Yaponiyanın Okinava prefekturasının sakinləri riayət edirlər. Yeri gəlmişkən, İsraildə də həmçinin bu prinsiplərlə qidalanırlar. Aralıq dənizi pəhrizi az miqdarda dəniz məhsulları və nisbətən az miqdarda zülal olan bitki qidasına əsaslanır.

 

Uzunömürlülük pəhrizi Aralıq dənizi pəhrizindən onunla fərqlənir ki, qida qəbulu və aclıq dövrləri üçün zaman çərçivəsini müəyyən edir, bu zaman insanlar bunu öz cinsinə, yaşına, sağlamlıq vəziyyətinə və genetikasına uyğun olaraq tənzimləyirlər.

 

Məsələn, 65 yaşdan yuxarı insanlara daha çox zülal lazımdır ki, bədən kütləsinin itirilməsinin öhdəsindən gələ bilsin. 

 

Tədqiqatçılar vurğulayıb ki, uzunömürlülük pəhrizi təkcə çəkini azaltmaq üçün deyil, həm də bu, qocalmanın ləngidilməsi, sağlamlığın möhkəmləndirilməsi və xəstələnmənin qarşısının alınmasına yönələn həyat tərzidir və bütövlükdə ömrün uzadılmasına gətirib çıxarır.

 

Gələcəkdə alimlər İtaliyanın cənubundan 500 nəfəri cəlb edərək, uzunnömürlülük pəhrizini sınaqdan keçirməyi planlaşdırır.