Gəncədə özünü və binanı partladacağı ilə hədələyən şəxs tutuldu

Moskvada Rusiya raket-kosmik korporasiyasının top-meneceri həlak olub

Ukrayna paytaxtına Belarusdan zərbə ediləcəyi barədə anons edilib

"Ukrayna bütün torpaqlarını işğalçılardan azad edə biləcəkmi?" - ISW

"Ölkəmiz bu mötəbər tədbirə yüksək səviyyədə hazırlıq işlərini həyata keçirir"

Gecə saatlarında Moskvanın mərkəzinə texnika yeridildi...-FOTO

Putinin andiçmə mərasiminə Ukraynadan sürpriz olacaqmı?

Ermənistanda 20 hərbçi Qazaxın kəndlərinin qaytarılmasına etiraz edənlərə qoşuldu?-VİDEO

Kişi, yoxsa qadın həkimlər daha yaxşıdır? - Tədqiqat

Gəncədə özünü və binanı partladacağı ilə hədələyən şəxs tutuldu

Oxunub: 2461

23 Dec 2013 | 13:59

Gəncədə özünü və binanı partladacağı ilə hədələyən şəxs tutuldu

Gəncə şəhərində özünü və yaşadığı binanı partladacağı ilə hədələyən şəxs zərərsizləşdirilib. APA-nın hadisə yerində olan əməkdaşının verdiyi məlumata görə, həmin şəxs saxlanılaraq Polis İdarəsinə aparılıb.

Hazırda evdə axtarış aparılır.

Gəncə Şəhər Baş Polis İdarəsinin rəisi, polis polkovniki Faiq Şabanov APA-ya həmin şəxsin danışıqlar yolu ilə fikrindən daşındırıldığını deyib. F. Şabanov qeyd edib ki, həmin şəxs artıq həbs edilib, onun bu hərəkəti hansı məqsədlə törətdiyi aydınlaşdırılır.

Polis rəisi, bəzi KİV-də zərərsizləşdirilən şəxsin beş polis əməkdaşını girov götürməsi barədə məlumatları isə təkzib edib.

***

13.42

Musavat.com-un Kəpəz TV-yə istinadən verdiyi məlumata görə, hələlik şəxsiyyəti dəqiqləşdirilən kişi mənzilin eyvanına çıxaraq əlindəki qumbara ilə girov götürdüyü şəxsi partladacağını iddia edir və bundan vaz keçmək üçün bəzi tələblərinin olduğunu bildirir.

Əlində qumbara olan kişinin həmin evin sahibi olub-olmaması, həmçinin girov götürdüyü şəxslə hansı əlaqəyə malik olması hələlik bəlli deyil. Hadisə yerinə hüquq-mühafizə orqanlarının əməkdaşları cəlb olunub. Binaya sakinlərin girişi qadağan olunub.

Partlayış törətmək istəyən şəxslə danışıqlar aparılır.

***

13.06

APA-nın hadisə yerində olan müxbirinin xəbərinə görə, bu gün saat 12.20 radələrindən etibarən Gəncənin Dədə Qorqud küçəsində yerləşən 5 mərtəbəli binanın, üçüncü mərtəbəsində orta yaşlı kişi əlindəki qumbara ilə özünü və evi partladacağı ilə ətrafdakıları hədələməyə başlayıb. Onunla yanaşı evdə bir qadın da olduğu bildirilir. Həmin şəxs əlində qumbara tutaraq evdə olan qadınla bərabər hər dəfə balkona çıxır və qışqıraraq evi partladacağını bəyan edir.

Hazırda polis əməkdaşları evi mühasirəyə alıblar. Hadisə yerinə Fövqəladə Hallar Nazirliyinin qüvvələri cəlb olunub. Təhlükəsizlik tədbirləri görülür. Gəncə şəhər Baş Polis İdarəsinin rəisi, şəhər prokuroru da hadisə yerinə gəlib.

Avropa.info-nun bölgə müxbirinin verdiyi məlumata görə, əli qumbaralı şəxs əvvəlcə 5 polis əməkdaşını girov götürübmüş. Lakin hadisə yerinə gələn Gəncə Polis İdarəsinin rəsmiləri və Şəhər Prokurorluğu ilə danışıqlardan sonra, o polisləri azad edib. Lakin əlindəki qumbara ilə özünü partaladacağını bildirib. əməkdaşımızın verdiyi məlumata görə, əli qumbaralı şəxs müəyyən tələblər irəli sürür. O, təhlükəsizliyinə zəmanət veriləcəyi, maşınla təmin olunaraq, Gürcüstana keçiriləcəyi təqdirdə binadan düşəcəyini bildirib.

***

12.59

Gəncədə dramatik anlar yaşanır. “Azadlıq” qəzetinin yaydığı xəbərə görə, şəhərin “Zabitlər evi” səmtində bir nəfər əlində qumbara ilə hədələyərək 5 nəfər polisi girov saxlayır. Hazırda Gəncə polisi və Daxili Qoşun əsgərləri həyacan siqnalı ilə ayağa qaldırıb. Həmin şəxsin zərərsizləşdirilməsi üçün əməliyyat qurulur.

Lakin Musavat.com-un Gəncədəki mənbələri polis əməkdaşlarının girov götürülməsi xəbərini təkzib etdilər. Hadisə yerində olan jurnalistlərin verdiyi məlumata görə, “Zabitlər evi”nin yaxınlığında bir nəfər əlində qumbara ilə mənzilin eyvanına çıxıb və özünü partladacağı ilə hədələyir.