“Co Baydenin “soyqırımı” şantajının ABŞ və Ermənistan üçün bumeranq effekti də olacaq”...

       

Bunu  millət vəkili, İqtisadi və Sosial İnnovasiyalar İnstitutunun rəhbəri Əli Məsimli ABŞ prezidenti Co Baydenin özünün 24 aprel tarixli bəyanatında “soyqırımı” ifadəsindən istifadə etməsinə münasibət bildirərkən deyib.

       

Əli Məsimli bildirib ki, “reallıq hissini itirməyən hər kəsə məlumdur ki, “erməni soyqırımı” məsələsi, bir  tərəfdən,özləri bəşər tarixinin ən dəhşətli soyqımlarını törətmiş böyük güclərin Türkiyəyə təzyiq etmək,öz siyasi məqsədələrinə nail olmaqda erməni diasporundan faydalanmaq vasitəsi,eləcə də xüsusi ”biznes layihısi“nə çevrilərək erməni lobbisinə və diasporuna böyük pullar gətirən  uydurma bir şeydir. Co Baydenin “soyqırımı” ifadəsindən istifadə etməsini ABŞ geosiyasi maraqlarına zidd və  tarixi səhv olmaqla yanaşı,həm də böyük siyasi riyakarlıq, tarixi faktları təhrif edən saxtakarlıq,fitnəkarlıq və şantaj nümunəsidir. Ona görə də Co Baydenin tarixi həqiqətlərin təhrif olunduğu bəyanatını reallıqdan uzaq,tarixi səhv,qərəzli və regionumuzda sülh və təhlükəsizliyə xələl gətirən  təxribat xarakterli bir bəyanat hesab edir və qətiyyətlə pisləyirik.”

       

Əli Məsimli  sözügedən  bəyanatın əsas hədəfindən, gözlənilən nəticə və fəsadlarndan danışarkən bildirib ki, “ABŞ prezidenti Co Baydenin bu addımı ilk növbədə Türkiyənin regionda və dünyada artan nüfuzuna xələl gəturmək məqsədi güdür.Bayden bu ilin 24 aprel bəyatı ilə Türkiyənin NATO-ya 1952-ci ildən bu yana keçən üzvlük tarixindən hesablasaq, 70 illik ABŞ-Türkiyə strateji müttfiqliyininə naxələf çıxdı. Bu səbəbdən  ABŞ-Türkiyə müttəfiqlik münasibtləri zəifləməkdə davam edəcək. Co Baydeninin bu bəyanatı  ABŞ-Türkiyə, ABŞ-Azərbaycan münasibətlərinin yüksək səviyyədə inkişafını istəməyən qüvvələrin əlinə işləyəcək. Bu bəyanatın ətrafınfa manupulyasiya edən qüvvələrin dairəsini genişləndirəcək. Bu, həm də revanşıst qüvvələrin dəyirmanına su tökmək deməkdir. Ona görə də bubəyanat regionumuza və Cənubi Qafqaza sülh gətirilməsinə mane olan bir addımdır. Bu bəyanatın sonunda “soyqırımın” indi də davam etməsinə eyham vurulması  isə bir tərəfdən, ABŞ-ın yeni dünya düzənində yeni iddialarla çıxış edəcəyinə işarə, dünyada hakim missiyasını daha geniş planda davam etdirəcəyinə mesaj, digər tərəfdən isə Bayden administrasiyasının beyin mərkəzi rolu oynayanların da beyin krizisi keçirdiyinin əyani sübutudur. Ona görə ki, “erməni soyqırımı” məsələsi qondarma bir şey olduğundan, tez-tez vurğulandığının əksinə olaraq  heç bir yeni reallıq yaratmayacaq. Həm də dünya düzənin yeni meyllərinin təsiri altında formalaşmağa başlayan hazırkı reallıqlar  şəraitində ABŞ dünyanın bir nömrəli dövləti mövqeyini  saxlasa da,  artqıq bundan sonra yeni reallıqlar yaradıb, onu  öz xeyrinə idarə etmək gücündən uzaqlaşmaqdadır.  Eyni zamanda  qardaş Türkiyə 106 il bundan əvvəlki dövlət deyil, çox önəmli bir regional gücdür və dünya gücünə çevrilmək istiqamətində uğurla hərəkət edir. İndiyə qədər olduğu kimi, bu dəfə də Türkiyə  çətinliklri adlaya biləcək. Co Baydenin bu addımı Türkiyənin daha müstəqil və əhatəli, regional proseslərə, o cümlədən Cənubi Qafqaza, eləcə də dünya düzəninə təsiri artan bir siyasət yeritməsi üçün yeni dövrün başlanmasına yol açacaq və bu əsasda qardaş Türkiyə bundan sonra da gücünə güc qatmaqda davam edəcək.

     

Əli Məsimli  eyni zamanda  qeyd edib ki, ”Prizmanın bir tərəfindən baxanda, Co Baydenin bu bəyanatı ilə, Türkiyəyə qarşı son güllə də atıldı. Hər ilin aprelində  düzənlənən və beynəlxalq ictimaiyyıti ələ salan qondarma “erməni qoyqımı” spekulyasiyası və şousu da bitdi. Amma prizmanın bütün bucaqların kəsişdiyi fokus nöqtəsindən baxdıqda, sezmək çətin deyil ki, riyakarlıq, saxtakarlıq və fitnəkarlıq olan yerdə mütləq məkrli niyyətlər də olacaq...Co Baydeninin bu bəyanatının Türkiyə üçün heç bir hüquqi nəticəsi olmayacaq, amma diplomatik gərginik və əlavə problemlər yaradacaq. Ona görə də gözlənilən və ehtimal olunan məkrli niyyətlərin gerçəkləşməsinin qarşınını almaqdan ötrü, Co Baydenin “soyqırımı” ifadəsindən istifadə etməsininin nəticələrinə qarşı emosional yox,intellektual mübarizə aparmaq lazımdır. Azərbaycanın 44 günlük Vətən Müharibəsi göstərdi ki, bir yumruq kimi birləşib vətənpərvərliklə intellektual mübarizənin vəhdətini ortaya qoyanda nəticə də çox güclü olur. Türkiyə və Azərbaycan diaspora fəaliyyətlərini birləşdirərək daha da fəallaşdırmaq, nəticəliliyini artırmaq, davamlı olaraq qondarma “erməni qoyqımı” spekulyasiyasına qarşı kəskin və pronsipial mövqe ortaya qoymaq, daim qardaş  Türkiyənin yanında olmaq,Türkiyyə qarşı yönələn bütün qərəzləri qətiyyətlə pisləmək lazımdır. Belə qərəzlərə ən layiqli cavab isə Türkiyə-Azərbaycan  dostluq-qardaşlıq və işbirliyi daha da genişlənib dərinləşdirmək və bu avanturanın Türkiyə və Azərbaycana qarşı beynlxalq hüququn aktına çevrilməsinə imkan verməmək və iki qardaş ölkənin birgə səyi ilə daha güclü dövlətlərə çevrilmək lazımdlr. Eyni zamanda Türkiyə-Azərbaycan-Pakistan dostluq-qardaşlıq və işbirliyi daha da genişlənib dərinləşməsinə, həm də Türk Birliyinin genişlənməsinə və möhkmlənmsinə yol açan səylər gücləndirlməlidir. Bu əsaslarda Co Baydenin bu addımından sonra gözlənilən təzyiq, mənfi təsir və zərbə ehtimalları heçə endirilməlidir”.

     

Əli  Məsimli onu da əlavə etdi ki, 44 günlük Vətən Müharibsindən sonra bölgəmizdə yaranmış yeni reallıqlar öz işini görməyə başlayıb. Ermənistanın döyüş meydanına, xarabazara çevirdiyi Qarabağın Azərbaycanın tikinti meydanına, əməkdaşlıq arenasına çevirməyə başlayıb. Baydenin bu bəyanatı həmin işlərə müəyyən maneələr yaradılmasına,manupulyasiyalara  rəvac versə də,  Azərbaycanın başladığı və Türkiyənin hər cəhətdən dəstəklədiyi Qarabağa Böyük Qayıdış  prosesini dayandıra bilməyəcək.  

     

Sonda Əli  Məsimli bildirdi ki, Co Baydenin “soyqırımı” ifadəsindən istifadə etməsininin ABŞ və Ermənistan üçün bumeranq effekti də olacaq: ABŞ-ın imicinə və  geosiyasi maraqlarına ciddi zərbə vuracaq, eləcə də “soyqırımı” ətrafında yeni piar və şou qurub faydalanlmaq istəyən Ermənistanın öz başında çartlayacaq. Bu isə ABŞ-Ermənistan münasibətlərinə də təsirsiz ötüşməyəcək.”