Allahıma, Dövlətimə, Prezidentimə, sədaqətli, səmimi, sevincimi, uğurumu bölüşən dostlarıma minnətdarlıq və şükranlıqla!

Son 4-5 ildə bəzi mənəvi-maddi sıxıntılarıma, narahatlıqlarıma görə (xüsusən də atamı itirəndən sonra) gözdən, üzdən deyil, ürəkdən sevinməyin nə olduğunu belə unutmuşdum, yadırğamışdım...Amma həyat dəyişir, enişi olduğu kimi, yoxuşu da olur...Həm də ki, əsas İlahinin Təqdiridir, Ədalətidir...O, yalnız hər şeyi yerbəyer edir, yoluna qoyur...Şükür Onun Təqdirinə, Ədalətinə!

Allahıma min kərə şükürlər olsun ki, cəmi 3 gün öncə-özünün ən əziz günündə-Ramaz Bayramı Günündə mənə sevincin, xoşbəxtliyin ən böyüyünü və növbətisini yaşatdı...İki gözəl, ay parçası, sonalar sonası qızlarımdan sonra mənə oğul bəxş etdi...Sevincimi, yaşam eşqimi yenidən mənə qaytardı...Allahım sənə min kərə şükürlər olsun... Aldığına da, verdiyinə də milyon kərə şükür...Zəhmətimizi, əziyyətimizi, həyəcanımızı yerdə qoymadın, hədər etmədin... Bu 9 ay müddətində də bizlərə mənəvi-insani-maddi dəstək olanlara, sevincimizi, narahatçılığımızı, qayğılarımızı bölüşən hər kəsə minnətdarlığımı özümün və ailəmin adından bir daha ifadə edirəm. Var olun!

Bununla yanaşı, dünən axşam radələrində sevincimin üstünə daha bir senic əlavə olundu... Dövlətim, Dövlət rəhbərliyim, Prezidentim tərəfindən...Ölkə Prezidenti cənab İlham Əliyevin sərəncamına əsasən "Tərəqqi" medalına layq görüldüm...Zəhmətimi, əməyimi qiymətləndirən Prezidentimə, Dövlətimə, Allahıma minnətdaram...

Kimsə inciməsin və bunu özündənrazılıq kimi də qiymətləndirməsin, bunu haqq edirdim, hətta, artığını da...Çünki "əmisiz-dayısız- filansız" 27 ildir mətbuatda çalışıram, alnımın təri, əlimin, qələmimin zəhməti ilə dolanıram, mətbuatda qara fəhləlik edirəm və bundan da fəxr edirəm...Bu günə kimi də ölkənin əsas aparıcı mətbuat orqanlarında-məktəb sayılacaq media qurumlarında -"Aydınlıq", "7gün", "525-ci qəzet" və "1nyus"da çalışmışam, 4 ildir də ki, Azərbaycan mediasında öz yeri olan Gün.Az saytında çalışıram... Yaxşı yazıram, pis yazıram, əyri yazıram, düz yazıram, hamısının da altından yenə və bir daha imzamı atıram, utanmıram, heç zaman da vicdanımı və obyektivliyimi unutmamışam...

Görürəm ki, dünəndən bu yana feysbukda və digər sosial şəbəkələrdə yenə də bəzi ağzıgöyçəklər ağızlarını Allah yoluna qoymağa başlayıblar... Haqqı olanlar da, olmayanlar da hamıya ağıl öyrədir, jurnalistikadan, peşəkarlıqdan, mənəviyyatdan dərs keçirlər...İçlərində obyektiv olanları da var, amma əksəri qərəzlidir və qeyri-obyektivdir...Guya ki bunlar təltif olunsaylarmış imtina edəcəklərmiş?! Yeməzlər...Gedin özünüzə ağıl öyrədin, özünüzün ən azı insanlıq dərsi almağa ehtiyacınız var!

Bu gün mənə jurnalistikadan, peşəkarlıqdan, mənəviyyatdan da kiminsə dərs keçməsinə, ağıl öyrətməsinə və ya məni ittiham etməsinə heç bir səbəb, əsas görmürəm və ehtiyac- filanım da yoxdur...Ancaq qarşısında səcdə ediləcək Müəllimim Şirməmməd Hüeynovdan, mediada, jurnalistikada, böyük bir jurnalist ordusunun formalaşmasında zəhmətləri olan Cahangir Məmmədlidən və 2-3 peşəkar həmkarımdan savayı heç kim mənə dərs keçə, məni nəsə də ittiham edə bilməz... Kiminsə də qarşısında nəyə görəsə də hesabat verməyə borclu deyiləm... Hər şeyi Allahım özü görür...Ona görə bir daha Allahıma, Dövlətimə, Prezidentimə və mənim təqdimatımı verən kollektivimizə - Gün.Az-a minnətdarlığımı, sonsuz təşəkkürlərimi, şükranlığımı bildirirəm. Allahıma min şükürlər! Sağ və var olsunlar!

Fürsətdən istifadə edib bir daha təltif olunan həmkarlarımı, xüsusilə də ustad sayılacaq həmkarlarımı-qardaş kimi sevdiyim İlhamı- Ilham Quliyevi, İradə xanımı-Irade Tuncayı, Yusif-iYusif Rzayevi, Vəsilə xanımı-Vesile Vahidqizini, Əflatun müəllim-Aflatun Amashovu, o cümlədən, Pərvanəı xanımı - Pervane İbrahimovanı, Elmanı- Elman Babayevi, Elmanı- Elman Ceferlini, Elnur Hacalıyevi, Xətayini--Xatai Azizovu və digərlərini ürəkdən, səmimi qəlbdən təbrik edir, növbəti uğurlar arzulayıram. Eyni zamanda, bir arzumu da bildirmək istəyirəm, çox istərdim ki, növbəti illərdə ad alanlar, təltif olunanlar arasında Azadəni-Azada Balayevanı, Elməddini-Elmeddin Muradlinı, Zülfüqar Hüseynzadəni, Əfqan Qafarlını, Pərvini-Pərvin Abbasovu, İlkin İzzət Bağırovu, Rəşadı-Reshad Baxsheliyevi, Mənzərə xanımı-Mənzərə Sadıqovanı, Zülfiyyəni (mətbuatdan uzaqlaşsa da)-Zulfiyya Mustafayevanı, Kəmaləni-Kemale Quliyevanı, Xalid bəyi-Xalid Kazimlinı, Aygünü-Aygün Muradxanlını, Sevda Sultanovanı, Fərəhi-Fərəh Ferah Sabirqizinı, Arazı-Araz M. Zeynalovu, Seymuru-Seymur Verdizadeni, Aqili-Aqil Aslanı, Azər Hüseynbalanı və digər adlarını çəkmədiyim, amma layiqli, peşəkarlıqlarına, əməkdarlıqlarına söz ola bilməz həmkarlarımızı da görək. İnşallah, Dövlətimiz, Prezidentimiz onlara da bizim yaşadığımız bu sevinci yaşadar!

Bir daha hər şey üçün sağ və var olun, dostlar... Səmimi təbrikləriniz, zəngləriniz, mesajlarınız üçün Allah hamınızdan dönə-dönə razı olsun. Allahımın, Dövlətimin, Prezidentimin və Sizlərin qarşsında şükranlıq və minnətdarlıq hissi ilə baş əyirəm! Hamınızı öpürəm, bağrıma basıram. Allah Sizləri, Dövlətimizi, Prezidentimizi, Azərbaycanımızı, Türk Dünyamızı qorusun. Amin!