İyunun13-də Sumqayıt Dövlət Universitetində Azərbaycan Milli Kitabxanası və Sumqayıt Dövlət Universitetinin təşəbbüsü ilə çağdaş tariximizə daxil olmuş 15 iyun-Milli Qurtuluş Günü münasibəti ilə “Ulu öndər Heydər Əliyevin Azərbaycan Respublikasının Milli Kitabxanasına hədiyyə etdiyi şəxsi kitabları tələbələrin gözündə” adlı sərgi- konfrans keçirildi.
Əvvəlcə iştirakçılar ümummilli lider
Heydər Əliyevin universitetin foyesində
ucaldılan büstü önünə gül dəstələri düzərək onun əziz xatirəsinə dərin
ehtiramlarını bildirdilər.
Ulu öndər Heydər Əliyevin Azərbaycan
Respublikasının Milli Kitabxanasına hədiyyə etdiyi şəxsi kitablarına baxış
keçirildikdən sonra tədbir Akt zalında davam etdirildi.
Konfrans Milli Qurtuluş gününə həsr edilmiş video- filmin
nümayişi ilə başladı.
Tədbiri giriş
sözü ilə SDU-nun rektoru Elxan Hüseynov açaraq
Milli Qurtuluş gününə həsr olunmuş tədbirin keçirilməsində əsas məqsəd
gənc nəslin təlim-tərbiyəsində ulu öndər Heydər Əliyevin müdrük fikir və
kəlamlarını əyani surətdə nümayiş etdirmək, ümummilli liderimizin xalqımızın
milli-mənəvi dəyərlərinə göstərdiyi böyük qayğının əhəmiyyətini aşılamaqdan
ibarət olduğunu söylədi.
Rektor Qurtuluş gününün tarixi əhəmiyyətindən
söhbət açaraq qeyd etdi ki, məhz 21 il bundan öncə, tarixin bü günü xalqımızın
ümummilli lideri Heydər Əliyevin hakimiyyətə qayıdışı ilə ölkəni parçalanmaq və
məhv olmaq təhlükəsindən, iqtisadi tənəzzüldən hifz edildiyini, 15 iyun - Milli
Qurtuluş Günü... Xalqımızın taleyində dönüş mərhələsi olduğunu bildirdi. Vurğulandı
ki, hələ Azərbaycanda ilk dəfə
1969-1982-ci illərdə hakimiyyətdə olan ulu öndər Azərbaycan xalqını zamanın ən
çətin sınaqlarından çıxararaq, ölkənin iqtisadi, siyasi və mədəni tərəqqisinə
nail olmuş, geniş vüsət alan inkişaf proseslərinə təkan vermişdir.
XX əsrin
sonlarında olduğu kimi, o ağır illərdən əvvəl, Azərbaycan tarixinin taleyüklü
məsələlərinin həlli də Heydər Əliyevin adı ilə bağlı olmuşdur.
Xalqının çağırışına səs verən Heydər Əliyev 1993-cü il
iyunun 9-da Naxçıvandan Bakıya gəldi. Ulu öndərin bu qayıdışı Vətənin xilası,
xalqın qurtuluşu oldu.
İyunun
15-də Heydər Əliyev Azərbaycan Respublikası Ali Sovetinin sədri seçildi. Məhz
həmin gün tariximizə Milli Qurtuluş Günü kimi
daxil olmuşdur. Həmin il oktyabrın 3-də Heydər Əliyev Azərbaycan xalqının böyük istək və
sevgisilə Prezident seçildi.
Ümummilli lider Heydər Əliyev
hakimiyyətə qayıdandan cəmi bir il sonra - 1994-cü ildə neft strategiyasının
reallaşdırılmasını təmin edən "Əsrin müqaviləsi"nın imzalanmasına
nail oldu. Ulu öndərin yürütdüyü siyasəti ölkə başçısı uğurla davam etdirir.
Cənab İlham Əliyevin gərgin əməyi sayəsində Azərbaycan bu gün Şərqlə Qərbi
birləşdirən əlverişli tranzit məkan kimi təkcə Avropa üçün deyil, həm də Uzaq
Şərq üçün əhəmiyyət kəsb edir.
Ümummilli liderin ölkə rəhbəri kimi
diqqət yetirdiyi məsələlər təkcə iqtisadi potensialın artırılması ilə
məhdudlaşmırdı. Onun milli təhsil sisteminə göstərdiyi diqqət və qayğısı göz
qabağındadır.
Rektor əminliklə vurğuladı ki, bütün türk
dünyasının böyük oğlu Heydər Əliyevin əziz xatirəsi qədirbilən Azərbaycan
xalqının yaddaşında əbədi yaşayacaqdır.
Azərbaycan Respublikasının Dövlət Himni
səsləndirildlkdən sonra konfrans açıq elan olundu.
Milli Qurtuluş
Gününə həsr olunmuş tədbirdə çıxış edən Azərbaycan Milli Kitabxanasının
direktoru Kərim Tahirov Ulu öndərin Milli kitabxanaya gəlişini və kitabxanadakı
çıxışlarını xatırlatdı: “Mən indi kitabxanaya xeyli kitab bağışladım. Güman
edirəm ki, bunlar fondda öz yerini tutacaqdır. Zənnimcə, gələcəkdə bu təşəbbüs
davam edə bilər”. Doğrudan da xalqımızın böyük oğlunun bu dahiyanə çağırışı
cavabsız qalmadı. Onun çağırışına səs verən görkəmli alimlərimiz və
ziyalılarımız Milli Kitabxanaya öz şəxsi kitabxanalarından xeyli miqdarda
kitablar bağışladılar. Kitabxana təkcə bu gün deyil, həm də keçmiş sovet
dönəmində də dünyanın çox saylı ədəbiyyatını özündə cəmləşdirərək hər bir
ziyalının üz tutacağı elm məbədgahına
çevrilmişdir. Mən hər gün bu şərəfli peşənin həm oxucusu, həm də rəhbəri kimi
deyə bilərəm ki, Azərbaycan xalqının tarixi sərkərdə-xaqanları, şairləri Şah
İsmayıl Xətai, Nizami, Füzuli, Xaqani, Nəsimi kimi dahi şəxsiyyətlərin qələmə
aldığı kitabların qoruyucusuyam. Və fəxr edirəm ki, Milli kitabxanamızda Heydər
Əliyev kimi dahi liderin hədiyyə etdiyi
şəxsi kitabları da yer almışdır.
Tədbirdə Ulu öndərin ideyalarını layiqincə davam
və inkişaf etdirən prezidentimiz cənab İlham Əliyevin ölkədə kitabxana işinə
qayğısından da danışıldı. Azərbaycan Prezidentinin 2004-cü ildə imzaladığı
“Azərbaycan dilində latın qrafikası ilə kütləvi nəşrlərin həyata keçirilməsi
haqqında” sərəncamı Azərbaycanda
kitabxana işinin inkişafında xüsusi rol oynadı.
Professor Tahir Kərimov fikrini Heydər
Əliyevin müdrük kəlamı ilə yekunlaşdırdı: “Kitabxana xalq, millət üçün,
cəmiyyət üçün müqəddəs bir yer, mənəviyyat bilik, zəka mənbəyidir.”
Çıxış üçün söz alan YAP Sumqayıt şəhər
təşkilatının şöbə müdiri Vəzirxan Ənsərov ümummilli
liderimiz Heydər Əliyevin 1993-cü ildə siyasi
hakimiyyətə yenidən qayıdışından sonra ölkədə baş vermiş sosial-iqtisadi və
siyasi inkişaf tarixindən, dövlətimizin möhkəmləndirilməsində, beynəlxalq aləmə
sıx inteqrasiya prosesinə qoşulmasında və xalqımızın strateji mənafelərini
təmin edən müasir və müstəqil cəmiyyətin qurulmasında dahi şəxsiyyətin əvəzsiz
xidmətlərindən danışdı.
Tədbirdə Bakı Dövlət Universitetinin
Kitabşünaslıq və nəşriyyatı işi kafedrasının dosenti, fəlsəfə doktoru Rasim
Süleymanov, SDU-nun ümumi tarix kafedrasının müdiri, professor Şirxan Səlimov,
şair-dramaturq Əvəz Mahmud Lələdağ ulu öndər Heydər Əliyevin ölkəmizin bütün
sahələrində əvəzsiz xidmətlərindən və xilaskarlıq missiyasından söhbət açdılar.
Natiqlər bildirdilər ki, Heydər Əliyev
tarixi qayıdışı ilə Azərbaycana sülh, sabitlik,
dirçəliş və inkişaf gətirdi. Azərbaycan Respublikasında praqmatik, mütərəqqi və
demokratik dəyərlərlə zəngin idarəetmənin bünövrəsini qoymaqla, ümummilli lider
Heydər Əliyev hərtərəfli inkişafa, möhkəm dövlətçiliyə əbədi zəmin yaratmış
oldu.
SDU-nun
Mətbuat Xidməti