Moderator.az aktrisa Naibə Əlibəyovanın milli.az-a müsahibəsini təqdim edir:

- 4 il əvvəl səhhətimdə böyük problemlər yaranmışdı. Beynimdə xərçəng aşkarlanmışdı. Türkiyəyə müalicəyə gedib-gəldim. Şükür Allaha indi yaxşıyam. Allah üzümə baxdı ki, beynimdəki xoşxassəli şiş idi.

- Əməliyyatdan sonra danışığımda qüsur yarandı. Həkimlər deyir ki, danışığın yavaş-yavaş özü düzələcək. Ona görə də cəhd edib heç dəvət olunan çəkilişlərə də getmirəm. Əslində filmdə təkcə danışıq yox, xarici görkəm də önəmlidir. Bizim elə filmlərimiz var ki, məşhur sənətkarlarımızı həmkarları səsləndirib. Sadəcə olaraq indiki rejissorlar özlərini əziyyətə salmaq istəmirlər.

- Bəli, hal-hazırda ancaq canımı düşünürəm. İki nəvəm var, başım onlara qarışıb. Sənət dostlarımla, əzizlərimlə görüşüb ötən günləri yada salırıq. Bəzən kədərlənirik, bəzən də gülməkdən özümüzü saxlaya bilmirik.

- 5 ilə yaxın Musiqili Teatrda çalışmışam. Səhnədə bir çox rollar oynamışam. Görünür yadda qalmamışam. Həm də biz sırf sənətlə məşğul olurduq. Bu qədər efirlər, internet portalları yox idi ki, bizi çəkib tez-tez göstərsin. İndiki gənclərin bəxti gətirib. Amma buna baxmayaraq ortalıqda sənət yoxdur.

- Mən o vaxtı Arif Quliyevin Satira teatrında çalışırdım. Elə oldu ki, teatr Şamaxıya qastrol səfərinə gəlmişdi. Biz Şamaxıda olanda Məlhəm kəndində "Bəyin oğurlanması" filmi çəkilirdi. Nahar fasiləsində teatrımızın aktyorları ilə kino kollektivi birlikdə nahar edirdi. Rejissor biləndə ki, Arif kənddədir onun üçün bir rol yazdı. Elə oldu ki, ona sevgili də tapmaq lazım idi. Çünki həmin obrazda mütləq şəkildə tərəf müqabili olmalı idi. Rejissor məni göstərib dedi ki, Arif, bu də sənin sevgilin! Tam təsadüf nəticəsində hər ikimiz filmə çəkildik.

- Əslində filmin bir neçə yerində Ariflə biz qarşılaşırıq. Sadəcə olaraq bizim yerlərimizin bəzi hissələri montaj olunaraq filmdən çıxarılıb. Bu kimi hallar filmlərdə tez-tez olur. Bu mənim ilk və son filmim oldu.

- Bəli, tamaşaçılar yaxınlaşıb xoş sözlər deyirlər. Məndən Arifi, Arifdən məni soruşurlar. Elələri var ki, "salam-sağol" deyib qaçır. Bəziləri isə filmdəki epizodları olduğu kimi bizə danışır. Çox sevinirəm ki, kiçik rol ilə də olsa tamaşaçıların yaddaşında qalmışam.

- Ümumiyyətlə sənət adamları haqqında həmişə şayiələr yayılır. Bunlar təbii şeylərdir. Kim kiminləsə filmdə sevgili olursa, onu o dəqiqə yozurlar ki, bunlar həyatda da sevgilidirlər. Bəli, Arifi sevmişəm, o da məni sevib. Amma bu sevgi dostluq, doğma insanın bir-birinə olan sevgisi idi. Bir-birimizi sevsəydik bunu heç gizlətməzdik.