Dünən Vurğunun daha bir yadigarını, nəvəsi Aygünü itirdik...İtirdik amma, cismən... 

 İtirə-itirə gedirik...Görən nə zamana kimi itirəcəyik?!

Hm...Qəribə sual verirəm, halbuki cavabını bildiyim suala cavab axtarıram...

Ruhunu onu sevənlərin ruhuna hopdurub gedənlər heç vaxt itirilmir ki...Hər zaman ürəklərdə, fikirlərdə, xəyallar da yaşayırlar. Aygün...Aygün...Sən nələrə qadir imişsən, nələrə???

Hamının sevgisini bu gün üçünmü qazanırdın, tələsirdin, bilirdinmi ki, zamanın çox şeyə çatmayayacaq, gözün çox arzularına görə arxada qalacaq???

Desəm ki, inanıram yoxluğuna əsla...

Çünki, onun  yoxluğunu düşünmək belə təsəvvürümə gəlmir...Niyə???

Çünki, onu belə ağır dərdi daşıdığını ağlıma belə sığışdıra bilmirəm”¦Çünki, o hec vaxt hiss etdirməmişdi mənə...

Özümü bağışlaya bilmirəm, sən demə məndən basqa çoxları bilirmiş hansı dərdin ağuşunda olduğunu”¦

Onu FB-dan daha yaxşı tanımağa başlamışdım, amma Vaqif müəllim rəhmətə gedəndə yaxından tanıdım.Zəngləşdik, danışdıq...

Çox yaxın deyildik. Amma, FB-dən onu  seyr edərdim, burdakı dostlarınla səmimi rəftarını sevirdim.

Onu əbədi evinə yola salmazdan əvvəl Ulviyyə xanım və sinif yoldaşları dedilər ki, "Sən uzaq yaşıl ada" mahnısını çox sevirmiş...

Sən uzaq yaşil ada deyib, bizdən uzaqlaşmaqmı istəyirmiş görəsən???

Amma, bacarmadı...

Çünki, bizdən uzaqlaşmaq üçün qəlbimizdə yuva qurmamalıydı. 

Artıq gecdi, çox gec ... Onu asanlıqla unutmaq mümkün deyil, unudulası da insan deyil.

 Xosbəxt o kəsdir ki, onu yaxından tanımayan insanların qəlbində yurd sala bilsin...

Aygün də xoşbəxtdi, çox xoşbəxt. Uçulmaz bir yuva qurdu qəlblərdə”¦

“İnsan göylərə yüksəlmək üçün yerə göndərilən bir Tanrı parçasıdır.İnsan İlahi Nurun yerüzündəki təcəlli və zühururudur.”

Onun mənim üçün qəfil olan ölümündən sonra Kənan Rifahi Həzrətlərinin bu kəlamına bir daha əmin oldum. O nura boyanmış bir mələk idi. İnsanlıq dərəcəsinə sahib olan əsil insan...

Səmimiyyəti, təvazökarlığı, sədaqəti-bir sözlə əsil insana xas olan çox özəlliyi Ulu Yaradan  ona bəxş etmişdi...

Özündən sonra bir yadigar saxladı, Vurğun balasını...

Çox arzuları vardı, çox...Ali məktəbə daxil olmasını görmək, toy edib, gəlin gətirmək və bizlərin bilmədiyi ürəyində gizli saxladığı çox arzuları nakam qaldı...

Sevinərək qucağına aldığı, babasının şərəfinə Vurğun adlandlrdığı balasının toyunu görmək nəsibi olmadı.

Dünən eşitdim ki, Vurğun bir gün ondan soruşub ki, ana 16 yaşında evlənmək olarmı? 

 Yox nə olub ki?-deyə Aygün soruşanda,Vurğun da deyib ki, heç istəyirəm sən gəlin görəsən...

Dünən bu bəd xəbəri eşidən FB-dakı dostların bəzilərindən onunla bağlı fikirlərini soruşanda bu cavabları aldım:

 Ərşad Nəsibov- Aygun xanimin tanişiyam. Onun haqqinda urək sozlərim bilsəniz nə qədərdir? O çox, həm də lap çox dəyərli insan idi. Heyf, zalim fələk. Bugun səhər Aygun xanimla bagli nə isə urəyimdə narahatliq oldu, yazdim ki, necəsiniz? Bir az keçmishdi ki, onun vəfati ilə bagli xəbər aldim, şok oldum(((. Onun arzulari çox idi, umidli idi, hər zaman inanirdi ki, qalib gələcək bu xəstəliyə. Durdanə xanim onunla bagli status yazmishdi, hami çaş-baş idi, anlamirdi nə oldugunu, mən Allah rəhmət etsin yazdim və özlüyümmdə fikirləşdim ki, insanlar dəqiq bilsinlər. Bilirsiniz bunu yazanda nə hisslər keçirdim? Deyiləsi deyil... Amma o vəfat etməməliydi, onun haqqinda imkanim olsa gunlərlə danisharam, bitməz sozum. Onu oz anam kimi cox sevirəm. Allah rəhmət etsin, yeri cənnət olsun. Amin! Ailəsinə dərin hüznlə baş sagligi verirəm. Aygun xanim, Sizi çox sevirik, bu ayriliq nədən?

Şəbnəm  Hüryanova-  Gozəl Aygun xalam,  Allah rəhmət elesin ,Yerin cənnət olsun. Allah qalan omrunu doymayıb getdiyin yeganə balan Vurguna bagışlasın..Allah bu acini vaxtsiz heç kimə yashatmasin. Ruhun şad məkanın cənnət olsun. Nur içində uyuyasan..Bugun anam şəkillrinizi göstərirdi.1994 cu ildə anama bir şəkil veribsiniz ,toy gununuzdən bir şəkil və orda qeyd etmisiniz ki "Əzizim Reyhana yadigar.O gun olsun ki, Şəbnəmin xeyir işində bu cur şəkil cəkdirək,Aygun xalasi da Tərəkəmə oynasin.”

 Amma....amma çox heyif Allah sizə vaxtindan əvvəl qiydi,bizdən vaxtindan əvvəl aldi. Həmisə ürəyimizd olacaqsiz o gozəl baxişlarinizla o mehriban guluşunuzlə”¦

Ay Nil-  Nənəm Vəkilovlardandir ,həmcinin Aygün xanimin yoldasi Mehman bəy tərəfdən də qohumuq .Aygün xanimla bağlı urək sözlərimi deməyə çətinlik çəkirəm . Çünki, onun haqqında o qədər xoş sözlər yazmaq olar ki”¦ 

O qədəəəər həsssssasssssss , o qədər nəvazisli idi ailəsinə də bir o qədər bağlı . Loru dildə yaziram,yanib yaxiliriq . İnsanları uzməməyə özeən göstərən zərif Aygün xanim”¦

Vüqar Sadiq  Səfərov-Aygun xanim cox gozəl xanim idi,həm xasiyyəti həm sozləri.. Vallah necə deyim? Cox borclu qaldim ona.Mənə qarşı diqqətsiz olmazdi.Onun bələ gedişi cox sarsitdi məni.Allah rəhmət eləsin,sevənlərinin,yaxinlarinin başi sag olsun.Taniyanlarina səbr diləyirəm.Vaqif muəllimi itirdikdən sonra daha bir sarsinti yaşadim.Haqq Allahdir,o bilən məsləhətdir...Məkani behişt olar inshallah.

Həyat Vahabova-Allah rəhmət eyləsin. Çox pis oldum. Bilirəm bu danılmaz və qaçılma bir faktdır. Amma, yenə də insanın ruhu titrəyir belə xəbərdən. Başımız sağ olsun. Onun haqqında keçmiş zamanda danışmaq çox çətindi ”¦

Ayəndə  Dadasova-  Allah rəhmət eləsin Aygünə. Tələbə vaxtlarimizdan tanişiq. Eyni fakültədə oxumuşuq. Sonra da iş yerlərimiz yanaşı idi. Elə yolüstü görüsşürdük arada. FB isə bizi  daha da yaxinlaşdirdi. Xəstəliyi barədə bilirdim, amma heç vaxt açiq danişmadiq o haqqda. Bilirdim ki, get gədə zəifləyir. Bu gün mənə yazdigi son sözlərini oxudum ”“ elə bil vidalaşirdi ”“ “ya tebya oçen lyublyu” yazmishdi. Allah rəhmət eləsin. Qəbri nurla dolsun. Bir balasini min budaq eləsin. Çox heyf ki, belə oldu... Çox heyf...

Bu siyahını çox uzatmaq olar əgər onu tanıyan insanlara müraciət edib-“Aygün xanım necə insan idi?”-deyə soruşsam”¦

Bilmirəm, nə dərəcədə ürəyimi boşalda bildim, amma təkcə onu bilirəm ki, mən ondan doymadım. Yəni, qismət olmadı onunla üz-üzə oturub çox şeylərdən danışmağa”¦

8 martda təbrikimdə belə yazmışdım ona:

“Sizə gül ömrü arzulamıram, gülün ömrü az olur, sizə gül kimi təravətli, əsil qadın səadətli ömür arzulayıram”¦”

Ömrü gül kimi tez soldu, gül kimi az oldu”¦

Hətta Dürdanə xanım Vəkilovanı tanımadığımı, inşallah yaxın günlərdə məni onunla tanış etməyini də istəmişdim. Görüşəcəkdik”¦

Görüşdük Dürdanə xanımla  onun cənazəsi başında”¦Çox çətin anlardı, çox”¦

Mövlanə Həzrətlərinin çox gözəl bir kəlamı var:

“Sən varını-yoxunu, malını-mülkünü ver və bir qəlb al! Al ki, o qəlb qəbirdə, o qapqara gecədə sənə işıq versin, nur versin”¦”

Aygün xanımın hər kəsin qaranlıq bildiyi yeni mənzili aldığı qəlbin işiğına qərq olub indi. O qəlb yaşadığı çox qısa həyatı boyu onu hamıya sevdirdi, o qəlb onu Aygün etdi, hamının sevdiyi, böyüklə böyük, kiçiklə kiçik, üzdən belə tanımadığı virtual dostlarının sevgisini qazanan Aygün.

Dünən  yaxından tanıyanlar hamı onun necə xanım-xatın ev xanımı, ailəsinə bağlı, yol-iz bilən bir qadın olduğunu da dönə-dönə xatırladılar”¦

Son nəfəsinə kimi bəzəyində, düzəyində olduğunu, səliqə-sahmanından qalmadığını söylədilər. 

Bax əsil qadın budur, özündən sonra səliqə-sahmanı belə dillərdə gəzsin. Aygün, Aygün”¦Yoxluğuyla  belə var olan Aygün”¦

Ona ilk ayrılıq misralarım bunlar oldu:

Mən aşıqəm Aygünə,

Qovuşarmı Ay Günə?

Fələyin yazısıyla

Həsrət qaldıq Aygünə”¦

Məni dünən Aygün xanımın yoxluğuyla bərabər, bizim media əhlinin bu insana biganəliyi də çox incitdi.

Bir tində,bacada içib kimisə bıcaqlasaydılar həmən gələrdilər,kimisə döysəydilər həmən orda peyda olardılar,kiminsə konserti olsaydı qapını kəsdirərdilər,eksklyuziv xəbər olsaydı dabanlarını qabar edərdilər”¦

Bəs dünən niyə gəlmədi, hə niyə gəlmədi bu media əhli,  telekanal nümayəndələri????

Vurğunun daha bir yadigarını itirdik, niyə gəlmədiniz???

Bu suala cavabınız nə olacaq görəsən???

Məndən  inciməyin həmişə mənimçün əziz olmusunuz.Amma, dünən ki, hərəkətinizi anlaya bilmədim, bilmirəm də”¦